Karriera Kontakt
English
Live TV

Tregjet

S&P 500
7378,85
0,36%
Nasdaq
25656,13
1,07%
10-Yr Bond
4,53
0,53%
FTSE 100
10227,33
1,43%
Crude Oil
88,17
3,55%
Gold
4288,9
1,74%
EUR/USD
1,16
0%
Shqipëria Postuar më 9 Qershor 2026, 18:41

Zvërneci, Kryeministri Rama takim me gazetarët europianë: Ende nuk ka një projekt, gjithçka në shqyrtim

Nga SCAN TV

Zvërneci, Kryeministri Rama takim me gazetarët europianë: Ende

Kryeministri Edi Rama ka patur sot një komunikim të gjatë me gazetarë të mediave nga vendet e Bashkimit Europian. Kreu i qeverisë ka dhënë shpjegimet e tij në lidhje me projektin, por edhe me protestat e këtyre ditëve.

Në vijim komunikimi i plotë i kryeministrit Edi Rama me gazetarët europianë:  

 

Mirëserdhët!

 

 -Kam një pyetje që ka të bëjë me protestat e kohëve të fundit. Sa mbërritëm këtu dje pamë që kishte shumë gjëra që zhvilloheshin në qytet. Pyetja ime është: këto protesta duket se janë të përqendruara në çështje shumë specifike, zhvillimi bregdetar e kështu me radhë. Sa shqetësuese është si ju, si kreu i qeverisë, si kryeministër që këto protesta mund të bëhen më të gjëra dhe të përfshijnë më shumë çështje dhe mund të bëhen një lëvizje më e madhe A është shqetësim për ju ky?

 

Kryeministri Edi Rama: Dëgjoni, pikë së pari ky është një vend i lirë. Unë vetë kam qenë pjesëmarrës në protesta dhe e di mirë, e njoh shijen e momentit kur e ke vështirë të protestosh, di madje edhe shijen e gjakut, kur protesta ndodh në një mjedis jo të lirë.

Në këtë bulevard, jo një shekull më parë, por vetëm më pak se 20 vjet më parë apo më saktë në 2011-ën, katër protestues u vranë me armë sulmuese që i kishin vënë në shënjestër pikërisht nga kjo ndërtesë.

Kështu që për mua është një epokë ndryshe, është një moment ndryshe në histori. Dhe është vërtetë diçka shumë e mirë që njerëzit të mund të protestojnë pa asnjë problem edhe pse mund të duket gjëja më e vogël, por nuk është kështu.

Është një tjetër arritje e kësaj dekade. Një arritje për të cilën shqiptaret kanë luftuar për një kohë të gjatë, jo vetëm gjatë komunizmit, por dhe pas tij. Kështu që kjo është e para.

E dyta, kjo protestë është provokuar nga një akt i shëmtuar dhune nga një rojë sigurie kundër një protestuesi në kufirin e tokës, e vendit për të cilin po flasim qysh prej një jave apo më shumë tashmë, për të cilën apo për të cilin pra për këtë episod morëm masat më të ashpra dhe më të shpejta. Roja është arrestuar. Drejtori i policisë së Vlorës u shkarkua dhe ndërkohë njësia e policisë që ishte aty në terren dhe nuk ndërhyri menjëherë për ta ndalur rojën që të mos ta bënte atë akt të neveritshëm, është vënë në hetim.

Kompanisë së sigurisë i është hequr licenca për të vepruar si kompani sigurie. Këtë e kemi bërë ne. Dhe sigurisht akti i dhunës ndezi ndjenjat, video u bëri u bë virale dhe krijoi apo çeli rrugën për më shumë për ngritjen e pikëpyetjeve mbi zhvillimin vetë, pikëpyetje mbi pronën, pikëpyetje mbi projektin.

Pastaj befas çështja u bë më e gjerë dhe tashmë cek gjithçka që është në rregull, por nuk jemi më në dinamikën e protestës së disa njerëzve apo shumë njerëzve, quheni si të doni edhe pse kam parë raportime për qindra mijëra vetë që janë tejet qesharakë, megjithatë s'ka rëndësi. Nuk dua të flas për numrat edhe pse numrat për mua janë mjaft modeste, por dua të flas për thelbin.

Diçka ndryshoi sepse befas nuk ka projekt. Pra protesta u shndërrua në protestë masive me refrenin “anuloni projektin, anuloni projektin”. I thashë po e anulojmë në këtë moment, por më tregoni projektin. Nuk ka projekt”.

Nuk ka të bëjë me mua. Nuk ka të bëjë me Shqipërinë, ka të bëjë me shoqërinë demokratike për të reflektuar se si gjysmë të vërtetat mund të bëhen gënjeshtra gjithmonë e më të mëdha orë pas ore pas ore dhe mund të ndezin të gjithë mjedisin që nuk është më mjedis brenda ca kufijve, por është një mjedis në mbarë platformat. Ndërkohë që, nuk qëndrojmë më te thelbi, po diku gjetkë, ku thuhen të gjitha gjërat e mundshme, që në fakt janë legjitime për njerëzit që duan t'i thonë apo t'i besojnë, por nuk kanë të bëjnë aspak me mua e me ne.

Nuk e di, në qoftë se ju përgjigja siç duhet pyetjes, por jam i sigurt që të tjerët do duan të pyesin dhe do të përpiqem ta plotësoj.

  

-Thatë që nuk ka një projekt. Po përse u ngrit ky gardhi rrethues në plazhin për të cilin flasim dhe përse rrjeti ballkanik i investigimit thotë që ka një kompani Zvernec South Development që ka leje për të ndërtuar në këtë zonë, në qoftë se nuk ka projekt.

 

Kryeministri Edi Rama: Sepse BalkanInsight po gënjen. Shumë e thjeshtë. Nuk ka të bëjë me kush thotë çfarë, por kush provon çfarë, është krejt ndryshe. Unë nuk jam këtu për të thënë gënjeshtra, por as për të dëgjuar gënjeshtra. Në qoftë se dikush thotë që ka një leje ndërtimi, atëherë duhet ta tregojë këtë leje ndërtimi. Përkundrazi, në qoftë se më pyesni dhe në qoftë se jeni të interesuar për faktet, mund t'ju them që ka një proces. Po, ka një kompani. Sigurisht që ka një kompani. Çfarë do të thotë kjo? Në qoftë se ka një kompani, nuk do të thotë që ka një projekt, është një kompani, pra ka një shprehje interesi, ka një proces që ka nisur me autoritetet, është një pronë private për ta bërë shumë të qartë e saj. Sepse është kaq është shqetësuese kur kalon nëpër të gjithë këta zinxhirë, zinxhirë të tërë postimesh pas postimesh dhe sheh gjëra që janë kaq të pasakta dhe që janë kaq neveritëse dhe në qoftë se nuk do të isha në këtë pozicion dhe në qoftë se nuk do të isha plotësisht i vetëdijshëm për faktet, në qoftë se nuk do t’i njihja plotësisht faktet, do të më neveritej të shihja që qeveria ime, apo kryeministri im po shesin një ishull pa më treguar asfare pse dhe çfarë do të ndodhë. Po sigurisht që do të ndihesha i neveritur, po a është e vërtetë?

Kjo është e para.

E dyta, Zvërneci dhe ishulli janë dy projekte të ndryshme. Nuk është i njëjti projekt. Çfarë domethënë që gjithë kohës publikohet, ripostohet në Tëitter apo në rrjete të tjera ishulli, protestuesit, gardhi, kjo e ajo për të krijuar diçka që është tërësisht e neveritshme. Po ta shohësh nga këndvështrimi i dikujt që, jo vetëm është në bulevard, por që është në Austri dhe në Amerikë dhe të projektosh këtë imazh të Shqipërisë, një republikë dreqi bananesh ku ishujt i shiten oligarkëve, kështu më kot dhe ku vendi shitet sepse ka një kryeministër atje që  po iu shërben oligarkëve. Çfarë është kjo? Në qoftë se kjo është e vërtetë, është e neveritshme, por a është e vërtetë?

Kjo është pyetja ime. Ju mendoni se keni sjellë fakte këtu që provojnë të kundërtën e asaj që unë po them, por jo, nuk është kështu. Kompania është e krijuar, shprehja e interesit është e pranishme dhe marrëveshja është private. Është mënyra se si zhvillohet çdo vend demokratik. Unë nuk njoh ndonjë vend në sferën demokratike që mund t’i ndalojë privatët të bëjnë marrëveshje midis tyre.

Në qoftë se njihni ndonjë, më thoni. Nuk njoh ndonjë vend ku qeveria apo institucionet janë proaktive dhe shkojnë u thonë privatëve ‘’Mos guxoni të lidhni marrëveshje’’.

E dija, e njihja një vend ku privatët nuk lejoheshin të ishin privatë, ku të huajt ishin të gjithë “armiq” e të gjithë ishin ndikim i keq. E di, e njihja, e luftova kundër dhe falë Zotit fituam.

Është gardh, e dashur. Çdo privat në këtë vend ka të drejtën të kërkojë leje për të vendosur një gardh rrethues në pronën e tij. Çdo pronar privat në këtë vend. Të luftosh kundër gardheve të pronave private? Çfarë do të thotë kjo?

Dhe kur ka një proces të tillë, kur ka një marrje e dhënie me autoritetet për një projekt, kemi protokolle që vërtetojnë pikërisht të kundërtën. Kemi protokolle që vërtetojnë se ky vend funksionon si një vend evropian. Ne kemi protokolle që provojnë me shkrim se investuesve ju janë thënë shumë gjëra për cënueshmërinë e zonës, distanca që duhet të ketë zhvillimi apo ndërtimi nga laguna, për këtë, atë e atë tjetrën, për parametrat, për dendësinë e për të tjera gjëra.

Çfarë mendoni? Çfarë mendoni ju? Kur them çfarë mendoni ju, nuk po ju drejtohem juve personalisht, po them çfarë do të thotë kjo?

Si ta gjesh, si ta gjejë dikush mënyrën që ta bëjë të vërtetën, të shihet e të dëgjohet.

Unë e thashë ditën e parë, e thashë dhe të dytën, pastaj hoqa dorë, sepse e kuptova që s'kishte më të bënte me mjedisin.

Nuk kishte më të bënte me asgjë tjetër, por kishte të bënte me një ndjenjë që është koha jonë që të marrim kontroll. Uroj fat për këtë, por ju thashë që prej ditës së parë se kush është interesuar që të flasim për këtë, është i mirëpritur këtu.

Dhe unë jam këtu për të folur për projektin, për të folur për mjedisin, për të folur për parametrat, për të folur për atë çfarë duam të bëjmë, çfarë kemi bërë deri më tani, për të treguar faktet, letrat, rrugën e ndjekur, për të treguar çdo gjë lidhur me ligjin për mjedisin e gjithçka e lidhur me këtë informacion krejt të pavërtetë që ne ndryshuam ligjin që kjo të ndodhte. Kjo është një gënjeshtër dhe unë jam gati t'ua provoj këtë me fakte. Po si ,si provon faktet në këtë botë?

Dhe përgjigjen, a e dini përgjigjen? Përgjigjja ishte ‘’jo’’. Ne nuk flasim. Ne nuk dëgjojmë. Ti duhet të japësh dorëheqjen.

 

-Ju thatë që nuk ka të bëjë me mjedisin, por dje intervistova disa njerëz në rrugë.

 

Kryeministri Edi Rama: Dëgjoni, dëgjoni. Jeni këtu me mua duke folur me mua, po më bëni pyetje mua, po kërkoni të dini se çfarë mendoj. Ajo çfarë keni bërë në rrugë nuk është me interes për mua dhe çfarë keni dëgjuar në rrugë është për informacionin tuaj, por po më pyesni mua dhe unë nuk jam në rrugë, unë nuk jam dikush, që nuk mban përgjegjësi kur flet, sepse unë përfaqësoj këtë vend, unë përfaqësoj njerëzit që më kanë zgjedhur të jem këtu dhe përballë, më duhet të jem i vërtetë, duhet të jap fakte, nuk mund të sfidohem me çfarë keni dëgjuar ju në rrugë. Keni fakte për të më treguar që vërtetojnë se po them diçka që nuk është e drejtë? Më tregoni, më sfidoni.

-Jo, do ta bëj shumë shpejt pyetjen time sepse besoj që ka edhe të tjerë. Takova dikë që më tha, "Do të dal në rrugë të protestoj sepse Zvërneci është një prej zonave të fundit të paprekura të bregdetit në deltën e lumit, jo vetëm në Shqipëri, por edhe në Mesdhe. Pyetja ime është: pse ju si kryeministër a qeveria juaj doni të ndërtoni atje? Përse nuk doni ta mbani ashtu siç është? Sepse është vërtetë speciale apo jo?

Kryeminsitri Edi Rama: Kjo është një pyetje absolutisht legjitime dhe në fakt, hap absolutisht hapësirë për një diskutim shumë të rëndësishëm, por ajo çfarë është e gabuar është prezumimi që një vendi, i duhet të zgjedhë midis natyrës dhe zhvillimit.

Kjo është ideologji. Kjo nuk është ajo çfarë na thonë praktikat më të mira në këtë botë. Vendit i duhet të gjejë në mënyrë mjaft inteligjente mënyra për t'u siguruar që natyra dhe zhvillimi të bashkëjetojnë dhe të mos i shkojnë përkundër njëra-tjetrës. Sigurisht që gjëra mjaft të pakëndshme kanë ndodhur me natyrën në rrugëtimin e zhvillimit në këtë vend, por ju duhet të kuptoni që shumë prej tyre janë objektivisht të pamundura për t'u fshirë apo për t'u ndarë nga arsyeja pse ka ndodhur.

Vendi doli nga komunizmi si vendi më i varfër në Europë, jo krahasuar me vendin tuaj, por krahasuar madje edhe me ish-vendet komuniste. Ajo doli si vendi më i izoluar. Ne ishim të izoluar si nga perëndimi ashtu dhe nga lindja. Na thuhej që të dyja ishin dy anë të së njëjtës medalje që krijonin të degjeneruar pra, edhe të korruptuar. Për 50 vjet ishim të detyruar të ishim një vend ku nuk kishte asnjë pronë private në asnjë mënyrë apo formë, ndërkohë që në ish-vende komuniste në Europë njerëzit kishin mjetet e tyre. Këtu s'kishte makina private. Shqipëria kishte biçikleta, autobus, trena dhe vetëm makinat zyrtare. Gjithsej 5 mijë makina. Nuk kishim tituj pronësie sa për ta ditur. Kishim shtëpi të trashëguara nga e kaluara, por nuk kishte një gjë, nuk kishte diçka të tillë si kadastra në Shqipëri.

Pra, na thuhej që gjithçka ishte e jona, por asgjë nuk ishte e askujt, asnjë individi. Ja pse ndaj po i bie gjatë, ky lavjerrës i viteve ‘90 shkoi në skajin tjetër dhe ja pse në Shqipëri pamë gjëra për të cilat të gjithë sot janë pishman. Pamë plantacione të tëra të limonave, portokajve, brezare të gërrmuara nga të gjithë ne si skllevër nëpër kodra sepse s’kishim mjaftueshëm tokë të punueshme, por na duhej të luftonim botën si i vetmi vend komunist.

Ishim kundër gjithkujt dhe na duhej të prodhonim bukën në vend e kësisoj na duhej që të hapnim tokë të punueshme edhe në male dhe përdoreshim si skllevër, dhe të gjitha këto plantacione u zhdukën, u dogjën në shpërthimin që pasoi rënien e regjimit. Shpërbëmë hekurudhat, dogjëm shkollat, dogjëm kopshtet. Ishte një det zemërate e nuk ishte një popull barbarësh, por një popull skllevërish që gjeti lirinë dhe tmerrohej se mos armiku kthehej. Dhe është njësoj sikur çdo herë kur heq qafe një armik nga ana tjetër e urës, djeg dhe urën për të cilën do të kesh nevojë kur të ketë ikur armiku dhe këtë bëri dhe Shqipëria.

Ju vini këtu në Tiranë dhe shihni qytet të gjelbër, por nuk kishte më, nuk mbeti më hapësirë e gjelbër. Duke folur për mjedisin, e them me krenari që 90% e pemëve që shihni në rrugët e Tiranës janë mbjellë kur unë isha kryetar bashkie. Çdo hapësirë e gjelbër që ju shihni ishte e zënë vetëm nga hapësira përgjatë lumit kemi hequr 132 mijë ton beton, duke shembur të gjitha ndërtesat e paligjshme dhe ky është vetëm një sfond, një kontekst për t'ju thënë që në bregdet kur shqiptarët filluan të ëndërronin për shtëpitë e tyre, për pushimet e tyre, ndërkohë që pushimet i bënim nëpër kabina si ushtarët, kishim kohën kur mund të merrnim leje për pushime dhe vendoseshim si ushtarët në kabina me gjithë familjet dhe kabinat ishin të përbëra nga një dru shumë, shumë i lirë dhe sikur pak ta shtyje me grusht mund ta nxjerrje dorën nga ana tjetër e kabinës.

Kështu që shqiptarët filluan të ëndërronin që të bënin pushimet e tyre dhe filluan të ndërtonin. Natyrisht që ndërtimet e asaj kohe ishin të shëmtuara. Natyrisht që shumë pisha u prenë për t'u ndërtuar kaq shumë, një brez i tërë. Ishte një gabim i madh, por ishte gabimi i një momenti në histori, kur nuk mund të kërkoje më shumë. As ne madje nuk e dinim si të kërkonim më shumë.

Shikoni Kalabrinë, shikoni realitete të tjera në Europë si shkatërruan vendin e tyre, sepse ka patur periudha të tilla në histori. Ky sfond, ky kontekst shërben për t'ju thënë që po pyetja është legjitime. Pse? Pse? Përgjigja është shumë e thjeshtë. Shihni Malin e Zi. Mali i Zi nuk ka bujqësi.

Shumë prej malazezëve, atë që konsumojnë e marrin nga rajoni. Vjen nga rajoni, nga Shqipëria, nuk kanë bujqësi, nuk kanë fabrika prodhimi, nuk kanë asgjë tjetër përveç turizmit.

Atëherë si ndodh që qysh prej vitesh ata kanë pagat më të larta dhe pensionet më të larta në këtë rajon? Sepse e sollën turizmin në nivelin e turizmit të luksit. Pak gjëra mund të jenë krahasueshme me budallëkun që turizmi në nivelin e luksit mund të jetë diçka kundër njerëzve. Është një nga gjërat më të pazgjuara që mund të ndizet. Është e kundërta. Është e kundërta sepse ajo çfarë sjell një turist në një resort luksoz është më shumë në kuptimin e të ardhurave për vendin, dhe është shumë më pak në aspektin e trysnisë të trafikut, të ndotjes, e kështu me radhë.

Turizmi luksoz është ai që e mbron një vend nga ajo çfarë mund t'i shkaktojë turizmi masiv, sepse turizmi masiv ka qenë një ambasador i shkëlqyer për Shqipërinë sepse përhapi në botë zërin që ne nuk ishim ai vendi zymtë, ku mund të shkoje të dhunoheshe, të vidheshe, të vriteshe ku ka mafie, drogë, korrupsion.

E jo, është një vend i shkëlqyer ku mund të bësh pushime, por nuk mund të vazhdojmë në këtë mënyrë. Na duhet të kemi turizëm luksoz për të ndryshuar shkallën e të ardhurave për vendin dhe për të ulur trysninë që turizmi masiv ka mbi mjedisin. Flisni për mjedisin, është gjë e mirë. Le të flasim për mjedisin. Flamingot. A e dini se kur nisën të ktheheshin flamingot në Shqipëri? Sepse nuk ishin. Kur unë erdha në qeveri, kur ne e morëm qeverinë, nuk kishte atje flamingo. Pse? Sepse Shqipëria ishte vendi i nxehtë i gjuetisë së paligjshme.

Ne humbëm shumë prej jetës sonë të egër për shkak të gjuetisë së paligjshme dhe ndërkohë flamingot bashkë me pelikanët e të tjerë nisën të ktheheshin pak vite pasi vendosëm moratorium në Shqipëri duke e shpallur gjuetinë të paligjshme për 10 vjet.

Ne miratuam një moratorium për prerjen e pyjeve çka ishte e paligjshme për 10 vjet në Shqipëri nuk ishte më leje për prerjen e pyjeve për 10 vjet dhe shihni nga pamjet satelitore se ku ishte vendi dhe ku është sot dhe shihni në regjistra se ku është po themi jeta e egër apo habitati ku ka qenë e ku është dhe këtu nuk janë gjëra që them unë e që ju mund t'i verifikoni.

E di unë nuk jam tërheqës, nuk jam një protestues që mbush përplot me gëzim shpirtin e gjithë ideologëve nëpër botë se si Shqipëria e vogël po ju qëndron oligarkëve. Si po bëhet Shqipëria ky qyteti ndriçues mbi kodër? Kemi qenë qyteti që shndriste mbi kodër për 50 vjet. E dinim si dukej, si ndihesh apo se si jetohej.

Po faktet janë fakte, kështu që askush nuk mund të më japë leksione mua apo neve për mjedisin, sepse ne shpallëm, ne krijuam, hartuam ligjin e parë, hartën e parë të zonave të mbrojtura të Shqipërisë në 2017 dhe të parin regjistër e të parin inventar dhe sa për ta ditur ju, ne e gjetëm Shqipërinë me më pak se 15% të zonave të mbrojtura, ndërsa sot kemi rreth 25% zona të mbrojtura. Është një nga vendet me sipërfaqen më të madhe të zonave të mbrojtura. E pastaj na duhet të dëgjojmë se ne, Partia Socialiste e Shqipërisë në qeveri me një agjendë shumë të qartë për mjedisin, ne qenkemi rreziku dhe ne e paskemi ndryshuar ligjin për t'i dhënë hapësirë Jared Kushnerit, që të shkatërrojë bregdetin tonë. Çfarë po thoni? Kjo është gënjeshtër.  Në 2024-n bëmë ndryshime për të specifikuar çfarë lejohet e çfarë nuk lejohet në kategoritë e ndryshme të mbrojtjes. Sepse nuk ka vetëm një kategori mbrojtjeje. Edhe në Europë, në standardet europiane ka disa kategori të zonave të mbrojtura. Është kategoria një, që nuk preket. Nuk preket, thjesht ruhet, thjesht kujdesesh për të. Pastaj është dyshi, është treshi, e kështu me radhë. Zona për të cilën flasim ka qenë gjithmonë zonë e kategorisë pesë.

Nuk ka asgjë, nuk ka aspak asgjë të bëjë me Vjosën dhe me Vjosën, Nartën. Vjosa, Narta, delta e lumit, Vjosa e Parkut është e mbrojtur, është e paprekshme, nuk po preket, nuk do të preket.

Ky është peizazhi i mbrojtur. Peizazh i mbrojtur. Dhe peizazhi i mbrojtur bazohet në standardin dhe përkufizimin e BE-së, një hapësirë ku mund të ndërtosh. Mund të ketë dhe qytete që janë peizazhi i mbrojtur. Po mirë, po t'ju them unë ju, një nga gjërat që është kusht për projektin është për të pasur më shumë hapësirë gjelbërimi pas, sesa përpara. Si do të ndiheshit ju për këtë? Çfarë do të thonit? Po sikur unë t'ju thoja që ne po punojmë me arkitektët më të mëdhenj të peizazhit, me arkitektët më të mirë urban e inxhinierët më të mirë mjedisorë. Ka një ekip shumë të madh që po punon për këtë dhe ky projekt do të jetë një tjetër provë, në mos prova më e mirë e mundshme dhe këtë synojmë, por do të jetë një tjetër provë që natyra e zhvillimi bashkëjetojnë.

Natyra nuk mund të jetë mallkim për mirëqenien e njerëzve në qoftë se apo jo, në qoftë se Shqipëria do të rritë PBB-në e saj. Ne kemi nisur me Prodhimin e Brendshëm  Bruto më pak sesa 10 miliardë kur unë mora pozicionin si kryeministër, ndërkohë që sot jemi te një pak rreth 27 miliardëshit dhe në 2030-ën duam të arrijmë 35 miliardë dhe këtë nuk do ta bëjmë përmes karbonizimit sa për dijeninë tuaj për ata që nuk e dinë, ne jemi 100% me prodhim energji të ripërtëritshme në Shqipëri.

E dini? Jemi100% energji e ripërtëritshme. Nuk kemi energji fosile nuk kemi gaz. Ne kemi energji 100% të ripërtëritshme hidrike, diellore dhe në fund të 2028-ës, Shqipëria do të jetë eksportuese neto e energjisë së gjelbër? Eksportuese neto. Nuk do të kemi më nevojë të importojmë energji nga askush. E dini këtë? Jam i sigurt që nuk e dini dhe në fakt nuk e keni detyrim ta dini.

Arsyeja pse bota është kaq e entuziazmuar për këtë është për shkak të Donald Trumpit sepse nuk besoj që flamingot në Shqipëri do të kishin bërë një trazim kaq të madh, në qoftë se nuk do të ishte një rast për t'i shkuar pas Donald Trumpit. Po kjo nuk ka të bëjë me Donald Trumpin. Kur Jared Kushner dhe Ivanka Trump erdhi këtu, nuk ishte ende e qartë nëse Donald Trumpi do të çohej në burg apo do të shkonte në Shtëpinë e Bardhë dhe për mua ata ishin investues amerikanë që pyesnin nëse mund të kishin një shans në Shqipëri.

Nuk ishin familja e Donald Trumpit. Sepse siç e thashë Donald Trumpi asokohe mund edhe të shkonte në burg sepse përballej me shumë akuza aso kohe, por nuk më takonte mua që të merresha me këtë. Pa mendoni nga njëra anë mua më thonë që jam gjithmonë njeriu i Sorosit, tani jam njeriu i Kushnerit e pa gjeni se kush  jam. Unë jam kryeministri i Shqipërisë që dua që të gjithë të vijnë e të investojnë këtu dhe dua që të jenë miq të këtij vendi dhe nuk mendoj se Shqipëria duhet të jetë ushqim për betejat politike në Amerikë apo diku gjetkë dhe unë dua që çdo gjë, çdo projekt bazuar fakte dhe përgjigjja do të jepet përmes projekti.

Në qoftë se projekti do të japë përgjigjen, do të vazhdojnë. Në qoftë se projekti nuk do t'i japë përgjigjen e duhur, atëherë projekti do duhet të përmirësohet por 25% më shumë, afro 25% më shumë natyrë, gjelbërim e rigjenerim është ajo që do të sillet nga projekti, sepse këto janë objektivat.

Këto janë objektivat që kemi. Ndaj kushdo që më merr për të mirëqenë gabohet.

Nuk jam zgjuar kurrë një ditë të jetës time me mendimin si të bëj diçka të shëmtuar. Gjithmonë kam besuar që bukuria është ajo për të cilën kemi nevojë dhe kam luftuar gjithë gjithmonë për të bukurën. Kam patur gjithmonë sukses? Jo, jo s'mundesh. Por sot Shqipëria është një vend dhe ju sfidoj me fakte, ku numri më i madh i arkitektëve më të mirë të botës, po punojnë së bashku më vete për projektet.

Ky lloj përqendrimi është diçka që nuk e gjeni dot në asnjë vend të Europës. Pse? Sepse ne duam të bukurën, duam cilësinë, duam që të ndodhin gjëra që e ndryshojnë këtë vend njëherë e mirë, jo vetëm perceptimin për këtë vend, që ka qenë i ndërtuar në mënyrë të padrejtë, mbështetur në të gjithë gjërat më të këqija, krimi, korrupsioni, drogat. Të gjitha këto janë pjesë e tij siç janë pjesë e çdo vendi, por të nxjerra krejt nga përmasat. Porti i Barcelonës, i Rotterdamit, i Anversas, janë të gjitha në Shqipëri. Këto janë të vërtetat. Kështu që pyetja është nëse unë që jam një njeri që merret me politikë dhe shpreson e kërkon të ndryshojë vendin e vetë si kryeministër, duhet të jem domosdoshmërish dikush që vihet në dyshim apo të trajtohet si njeri pa vlerë përballë ndërtesës ku punoj, duke ju kërkuar gjëra që mendojnë legjitime. Pra i bën kjo ata më të respektuar sesa unë. Pse? Pse? “Sepse çdo politikan është hajdut, sepse çdo njeri është i korruptuar, sepse ndershmëria dhe virgjëria dhe gjelbërimi është në rrugë”. Ndërkohë që në ndërtesa institucione ku bëhen gjërat më të vështira, ku merren vendimet më të vështira janë vetëm njerëz të korruptuar, hajdutë e kriminel. Është shumë e lehtë kjo. Është shumë e lehtë ta mendosh. Ju nuk vini nga Facebook-u, ju nuk vini nga Instagrami. Ju vini nga vende që ende i besojnë gazetarisë dhe ende i besojnë shpresoj së vërtetës dhe ju ende duhet tu besoni fakteve.

Sepse si mund të merremi me këtë oqeane? Oqean, gënjeshtrash që sa vjen e bëhet më i madh. E pa gjejeni gjysmë të vërtetat kanë potencialin për të qenë gënjeshtrat më të mëdha sepse kanë një dozë të vërtete, por pastaj e shton, e shton, e shton dhe çdo ditë është e sëmurë, është e sëmurë, po gërryen botën demokratike, po e kthen përmbys, çdo gjë tek e cila kemi besuar.

Kështu e mendoj dhe ju lutem kuptoni diçka.

Të gjithë këtë po e merrni për një arsye, po flisni me personin e gabuar, në kohën e gabuar, në vendin e gabuar, sepse keni ardhur pas shtatë ditësh balte që është përhapur, e ka mbytur botën dhe pafuqia për t'i parë, për t'i ndjerë këto gënjeshtra, duke mos pasur mundësinë për të paraqitur një fakt, dy, tre të thjeshta.

Unë them nuk ka projekt dhe komenti i një medie të madhe është “por këta protestues thonë që ka një projekt”. Çfarë është kjo? Kryeministri Rama tha që nuk ka projekt, po dëgjojeni këtë protestues dhe një njeri që s’ka hiç informacion për çështjen thotë “po, po ka një projekt ku do të ndodhe kështu e ashtu”. Po ku është projekti? Ndjese! Ju lutem më kuptoni.

 -Kryeministër, faleminderit që na pritët! Na ndihmoni të sqarojmë disa gjëra. Kemi dy projekte, të ishullit të Sazanit dhe në bregdet.

 Kryeministri Edi Rama: Nuk kemi dy projekte, kemi dy vend zhvillimi, sepse fjalët sot janë të rëndësishme. Kemi dy vendndodhje

 -Në bregdeti projekti është anuluar apo është pezulluar?

 Kryeministri Edi Rama: Jo!

 -E thatë në fillim. E thatë në fillim që është anuluar.

 Kryeministri Edi Rama: Nuk thashë asnjëherë është anuluar. Asgjë nuk është anuluar sepse nuk ka pasur kurrë një projekt për t'u anuluar.

 -Mirë.

 Kryeministri Edi Rama: Jo jo, nuk është në rregull sepse vini këtu me kokën të mbushur plot me gënjeshtrat që ju kanë bllokuar trurin dhe asgjë nuk ju kalon përmes tyre.

 -Jo jo, trurin e kam shumë në rregull. ju thatë që është anuluar.

 Kryeministri Edi Rama: Trurin e keni në rregull. Problemi është sa i hapur është ai për faktet.

 -Ju thatë në fillim..

 Kryeministri Edi Rama: Jo, jo, nuk është në rregull. Nuk është në rregull. Nuk e pranoj. Nuk është në rregull. Kemi të tjerë këtu dhe më duhet të më thonë në qoftë se të gjithë thonë që e kam thënë në fillim që ne kemi anuluar projektin, atëherë kemi një problem. Na duhet që të shohim regjistrimin. Jo, nuk vazhdoj. Nuk mund të vazhdoj. Ndjesë, më thoni diçka që nuk e kam thënë kurrë, sepse keni ardhur e bindur që ka një projekt që është anuluar.

Ajo tha që unë thashë në fillim që “projekti ishte anuluar”. Po talleni me mua apo çfarë? Ajo tha që në fillim unë thashë se “projekti u anulua”. Unë nuk e thashë këtë gjë sepse që të anulosh një projekt, nuk e di seriozisht e keni? Po këto janë gjërat pse e kemi të gjithë këtë mjegull. Unë kurrë nuk kam thënë që kemi anuluar projektin sepse nuk ka pasur asnjëherë një projekt. Projekti është diçka për të cilën po punohet. Çfarë ka të vështirë për t'u kuptuar këtu apo nuk është tërheqëse? Flas në kuptimin në kuptimin tërheqëse, joshëse. Faktet nuk janë joshëse, faktet janë të mërzitshme, por gënjeshtrat janë shumë joshëse. Dhe në fakt kjo është ajo çfarë mësoj çdo ditë me gjithçka që shpërndahet në mbarë platformat, sepse edhe njëherë kam gjysmë ore që flas këtu dhe s'keni dëgjuar asgjë.

 -Cili është diferenca midis një projekti dhe projekti u anulua? Ju thoni që nuk keni thënë që projekti është anuluar. Na ndihmoni që të kuptojmë..

 Kryeministri Edi Rama: Seriozisht e keni çfarë diference ka midis nuk ka një projekt dhe projekti është anuluar. Nuk shihni asnjë ndryshim? Seriozisht nuk shihni asnjë ndryshim? Të anulosh një projekt, që ta anulosh, duhet ta kesh një projekt. Pra, ju nuk shihni asnjë ndryshim midis “nuk ka projekt” dhe “projekti është anuluar”. Nuk ka asnjë ndryshim për ju? Jo. Jo?

 -Prandaj e bëra këtë pyetje sepse doja që ju ta qartësoni duke qenë se thatë në fillim

 Kryeministri Edi Rama: Nuk e kam thënë kurrë, mos këmbëngulni. Mos këmbëngulni!

 -Pra, projekti është pezulluar?

 Kryeministri Edi Rama: Gjyshja ime thoshte “të bësh gabim është njerëzore, të këmbëngulësh në gabim është djallëzore”. Mos këmbëngulni.

 -Jo, unë thjesht dua ta qartësoj.

 Kryeministri Edi Rama: Ta qartësojmë. Pra, të qartësoni atë që keni dëgjuar keq.

 -Pra, projekti tani është i pezulluar? Jo, sa për të qenë të sigurt.

 Kryeministri Edi Rama: Për ç’ projekt është pezulluar? Për çfarë po flisni?

 -Në bregdet, në vendndodhje

 Kryeministri Edi Rama: Po si mund të pezullohet kur nuk ekziston projekti?

 -Cilat janë planet? Më fal, po pse thoni që projekti është pezulluar? Çfarë projekti është pezulluar? Autoritetet e kanë thënë këtë.

 Kryeministri Edi Rama: Cilët autoritete?

 -Ambasadori i BE-së thotë që projekti është pezulluar.

 Kryeministri Edi Rama: Cili ambasador?

 -Gonzato

 Kryeministri Edi Rama: Kur ua u tha?

 -Sot në mëngjes.

 Kryeministri Edi Rama: Unë nuk e di se ç'ka thënë ai. Unë nuk e di se çfarë ka thënë ai. Por në qoftë se e ka thënë këtë gjë e ka gabim. Sepse nuk ka projekt të pezulluar. Unë ju kuptoj. Dëgjoni, kjo është reale, është e vërtetë. Unë besoj që ju vërtetë e besoni këtë gjë, sepse kam një mik, një mik timin dhe mu desh ta takoja për arsye të caktuara dhe më tha jam vonë, thashë pa problem. Pastaj erdhi edhe e pyeta :a kishe ndonjë problem? Më tha “isha në protestë”. I thashë “ah, ishe në protestë? Po, më thotë! Ky person është njeri shumë i mirë, shumë i arsimuar mysliman, jo fanatik aspak, por  frekuentonte xhaminë. I thashë, po pse në protestë? Më tha, dëgjo, e di që dua, di sa besnik të jam si mik, të besoj, por me këtë gardhin për të zbatuar atë çfarë do Bibi Netaniahu, e ke tepruar. I thashë “ej po më flet mua, po flet me mua, unë nuk jam media sociale”.

Ta ka zënë mendjen, të është zënë mendja me të dhe beson te kjo, por nuk është e vërtetë. Të kuptoj, të kanë zënë mendjen sepse këto ide që projekti është anuluar, projekti është pezulluar, përsëriten, përsëriten, përsëriten në shumë feed-e në media sociale, kështu që si të thuash kanë zënë rrënjë në mendje. Pra këto gënjeshtra të kanë ju kanë ngërthyer mendjen sepse është gënjeshtër. Është gënjeshtër sepse projekti nuk është pezulluar kurrë, nuk është anuluar kurrë sepse për së pari nuk është miratuar kurrë. Nuk anulon dot diçka që nuk është miratuar. Nuk pezullon dot diçka që nuk është miratuar. Ndërsa flasim, puna vazhdon për hartimin e tij. Dhe ndërkohë e them këtë prapë sërish e sërish dhe ju vazhdoni, është çmenduri. Nuk është fjala ime kundër tuajës.

Nuk mund të jetë fjala ime kundër tuajës, ju jeni gazetare, ju duhet ta gjeni nëse projekti është anuluar. Nuk është fjala ime kundër tuajës. Ka të bëjë me faktet. Duhet të vini dhe të më thoni me fakte.

Shiheni projektin, kjo është leja juaj, kjo është firma e ndërtimit. Pse po gënjen? Qysh prej romakëve, ma merr mendja, kemi përqafuar një civilizim, i cili për herë e ka patur bazën tek parimi që ai që ai që ngre akuzën apo pretendimin, duhet edhe ta vërtetojë. Nuk është i akuzuari që e bën këtë dhe në fakt, nuk shoh asnjë lloj prove gjëkundi. Unë them nuk ka projekt, unë them që ende nuk kemi vlerësimin mjedisor, unë ju them që për projektin po punohet nga njerëzit, pra mes njerëzve më të mirë të kësaj dhe thashë që për vlerësimin po punojnë njerëzit më të mirë të mundshëm dhe po ju them prisni, e do të shohim. Prisni  e do të shohim, mos paragjykoni, mos më tregoni flamingot.

Flamingot janë prej atyre zogjve të rrallë që e kanë treguar më shumë se sa një herë që bashkëjetojnë me njerëzit. Flamingot jetojnë së bashku me njerëzit, janë pjesë e destinacioneve turistike, luksoze ku shkojnë njerëzit. Doni prova? I gjeni lehtësisht. Hyni në internet dhe kërkoni ‘’flamingo dhe njerëzit’’ dhe do të habiteni sa shumë foto do të gjeni të flamingove me fëmijë, me të moshuar; flamingove që ecin nëpër rruginat e resorteve me njerëzit. Ç ‘t’ju  them? Prisni e do të shohim . Çfarë do të thotë kjo. E di, e di, është e mërzitshme, por këto janë faktet.

-A mund të bëj një pyetje?

Kryeministri Edi Rama: Po, po, sigurisht mund të bësh më shumë sesa një pyetje.

-Në qoftë se nuk ka projekt..

Kryeministri Edi Rama: E thashë që në fillim. Ne do t'i zhvillojmë këto zona. Sigurisht kjo është diçka që do ta bëjmë.

Nuk është kaq e ngatërruar. A është e ngatërruar për ju? A kemi një shtëpi? Do një shtëpi tjetër? Pra ke një shtëpi, do një shtëpi tjetër, për shembull. Pikërisht. Nëqoftëse ke në plan të marrësh një shtëpi, po themi jo ju personalisht, por po themi që martoheni me dikë dhe doni të keni një shtëpi së bashku. Është projekt. Ky quhet projekt?

Jo. Projekti është kur e merr shtëpinë. Por në fillim ky është një vizion, është një ide dhe pastaj zhvillon projektin.

Sigurisht, në qoftë se e pyesni për këtë, sigurisht unë asnjëherë s'kam thënë dhe kjo ka qenë shumë e qartë për të gjithë shqiptarët që prej dy e tre vjetësh. Ka qenë e qartë. Është aty e regjistruar. Edhe në fushatë kam thënë që në Zvërnec do të bëjmë diçka të mahnitshme. Kjo është e qartë.

Janë dy nivele të ndryshme. Më vjen shumë keq. Kur thua ‘’anulimi i projektit’’, në qoftë se nënkuptoni anulimin e idesë, ju përgjigjem jo, kurrë, por nuk po thonë anulimi i idesë, po thonë anulimi i projektit, por nuk ka projekt. Janë dy gjëra të ndryshme. Po punohet. Kur të jenë gati, nuk jam unë, janë investuesit që po punojnë me arkitektë të shkëlqyer, me inxhinierë të shkëlqyer. Dhe kur të sjellin planet e prekshme, atëherë do të shohim.

Kanë sjellë një koncept që është si një masterplan për të cilin kemi dhënë shumë komente për atë çfarë është e pranueshme, atë çfarë nuk është e pranueshme dhe ata do të duhet të vijnë me një projekt dhe për mua ky është projekt. Në qoftë se pyesni “a keni vizionin’’? Po, e kam. A keni idenë? Po, e kam. A keni ambicien? Po e kam. A doni që të realizohet? Po. Unë do të bëj që të realizohet. Kjo është e qartë. Por pyetja është, a është diskutim racional të thuash ‘’jo’’ pa parë as cili është synimi apo është racionale të thuash që le të shohim synimin, qëllimin dhe pastaj të flasim. Këto janë dy pikëpamje të ndryshme këndvështrimin tim.

-Kryeministër, kam një pyetje për integrimin në BE të vendit tuaj. Kjo protestë në rrugët e Tiranës është gjithçka që lidhet me integrimin evropian. A keni frikë se lidhet me ....

Kryeministri Edi Rama: Po çfarë? Po s'ka të bëjë fare me integrimin evropian. Tregon që jemi si çdo vend tjetër i BE-së që ka përplot protesta. Cili është problemi këtu?

-Sepse Komisioni Evropian tha se ndoshta, nëqoftëse protestat vazhdojnë..

Kryeministri Edi Rama: Cili Komision Evropian ua thotë këto gjëra, sepse unë s' kam dëgjuar këto gjëra. Nuk mendoj që ka një Komision Evropian. Çfarë? Unë nuk mendoj që ka një Komision Evropian që mund të thotë se nëse protestat vazhdojnë, vendi nuk është evropian.

-A është realist, integrimi në BE në 2030-ën?

Kryeministri Edi Rama: Bazohet në atë për të cilën kemi rënë dakord me Komisionin për t'i përmbyllur negociatat në fund të vitit 2027 dhe pastaj do të kemi 2 vjet, mbështetur ashtu siç për të tjerët, siç ka ndodhur  dhe për të tjerët për ratifikimin dhe 2030 –a është objektivi që del si vlerësim prej kësaj. Mund të më bëni çdo pyetje që doni.

-Duke iu kthyer bisedës, ju thoni që ka ekspertë, arkitektë mjedisorë që po punojnë për vizionin tuaj për të realizuar këtë gjë dhe në momentin që këto ide janë gati, do të ketë një vlerësim mjedisor të kësaj ideje të sjellë në letër e që do të quhet projekt.

Kryeministri Edi Rama: Dëgjoni, nuk e kuptoj se për çfarë bëhet ky diskutim. Dëgjoni, kjo nuk është republikë bananesh. Është një vend ku institucionet dhe ligjet funksionojnë. Nuk na duhet të shpikim asgjë. Le të mos vazhdojmë me këtë marrie-dhënie sepse ndoshta ju jeni mjaft të lodhur me gjithë gjërat që keni për të përballuar dhe unë jam shumë i lodhur me të gjithë këto gjepura me të cilat përballem, që thonë po ndodh kjo e po ndodh ajo. Por më duhet t'ju them, dëgjoni, për të marrë një leje në këtë vend duhet të kalosh nëpër një proces. Në qoftë se ka një projekt, për mua projekt nuk do të thotë apo nuk nënkupton kam një ëndërr sepse Ëalt Disney dikur thoshte, që ta dëgjoni prej meje, ‘’ndryshimi midis një ëndrre dhe një projekti është afati i fundit, pra afati përfundimtar’’. Në qoftë se flasim për një projekt thjesht sepse e kemi në mendje nuk është projekt, është ëndërr. Ma ka mësuar Ëalt Disney. Projekti është diçka që lidhet me afate. Është diçka e prekshme. Pra ju duhet të paraqesin një projekt. Së pari, kjo është një tokë private. Ata kanë lidhur marrëveshje me pronarët e tokave për ta blerë tokën dhe e kanë blerë. Pati dhe një gënjeshtër tjetër që mori dhenë që Jared Kushner u vu nën hetim, apo projekti u vu nën hetim kjo është një gënjeshtër nuk ka asgjë të vërtetë aty.

Fakti i thjeshtë është që një prej pronarëve të njërës toke me titull pronësie që ka shitur pjesën e tij, ishte nën hetim për të tjera arsye dhe transaksioni është hedhur në një llogari, që do të thotë, investuesi e ka blerë tokën, është pronar sot, ndërkohë që paratë do të mbeten në këtë llogari derisa situata të sqarohet dhe në qoftë se pronari është i ligjshëm do të marrë paratë, në qoftë se nuk është i ligjshëm atëherë, qeveria e Shqipërisë do të marrë paratë.

Duke qenë se tashmë kanë tokën, kanë shprehur interesin, ju duhet të vijnë dhe të kërkojnë lejen për të ndërtuar, pra ju duhet të përmbushin të gjitha kriteret. Nuk ka një leje për të ndërtuar, për ndërtim, në qoftë se nuk ka një vlerësim të ndikimit në mjedis kur ndërtimi ndodh në një zonë natyrore, në një zonë që ka kafshë të egra apo jetë të egra, kjo është një gjë që ndodh në të gjitha vendet. Kemi të njëjtin model si në vendet e tjera europiane. Pra, nuk e kuptoj të gjithë këtë kur vjen fjala për ligjshmërinë. Sigurisht kur projekti të vijë do ta bëjmë publik. Sigurisht që do ta bëjmë publik. Do ta bëjmë publik me krenari. Unë e di ç'po vjen sepse unë e di se kush po punon për këtë. Njerëz si Kengo Kuma apo Jean Nouvel nuk janë njerëz që kanë bilanc shkatërrimit të natyrës. Njerëz si Dong Yugan janë njerëz që kanë rishpikur arkitekturën e peizazhit dhe ka diçka tjetër qysh kur keni parë apo kemi parë në Europë projekte që vijnë si grusht kundër natyrës, nuk ndodh më qysh kur nënkupton që kapitalet e mëdha që shkojnë për turizëm janë spekulim.

Që kur ndodh kjo gjëja, mendoni që Cheval Blanc dhe Bernard Arnault do vijnë të shkatërrojnë bregdetin shqiptar apo do të vendos emrin dhe markën e vetë në një projekt që do të vrasë flamingo? Jua merr mendja që Roseëood Hotel që ka një reputacion shumë të lartë për të qenë një prej modeleve të reja të destinacioneve të epokës së re mjedisore do të vijë këtu për të shitur mojito në mes të betonit? A jua pret mendja që Mandarin Oriental do dojë të lidhet me diçka që është e shëmtuar? A mendoni që hotelet Aman do të vijnë të qëndrojnë në mes të një gjenerate të re bunkerësh? Çfarë po thoni?

Është e rëndësishme që shpresoj që tani kemi arritur kuptimin e përbashkët se çfarë është ëndërr dhe çfarë është projekt.

- Kur vijmë prapë te integrimi, 2027 është afër. Çfarë janë ato reforma që BE-ja i kërkon Shqipërisë t'i përmbush deri atëherë edhe do t'ju duhet të ndryshoni ligjin për investimet strategjike për të krijuar një fushë loje më të drejtë apo nuk është problem ky aspekt për BE-në?

Kryeministri Edi Rama: Dëgjoni, ligji për investimet strategjike kurrë nuk ka qenë i padrejtë për të thënë këtë gjë fillimisht dhe shumë njerëz që flasin për këtë as nuk e dimë për ç' flasin, por gjëja e mirë është që do ta lëmë jashtë sepse e ka përmbushur misionin e vetë dhe nuk ka rëndësi. Nuk është se po luftojmë për të, nuk është se do të themi që vlerësimi është i gabuar, thjesht do ta lëmë jashtë. Megjithatë, ligji për investime strategjike na ka ndihmuar të sjellim në këtë vend më në fund disa investime që përndryshe nuk do të kishin ndodhur. Tashmë nuk na duhet më një ligj për investime strategjike sepse kapitali po hyn dhe investuesit e mëdhenj po vijnë dhe në fakt nuk duan t'ja dinë për lehtësira. Duan natyrisht status të mbrojtur e kështu me radhë, por nuk kemi probleme me këtë. Kam përshtypjen që është pjesë e kuadrit negociator dhe po punojmë tashmë për një ligj të ri për investimet kështu që po punojmë me Bashkimin Evropian për këtë. Çdo gjë që bëjmë mbështetet te standardet e BE-së dhe kjo është diçka tjetër që është mjaft e qartë. Është mjaft e qartë. Shqipëria mund të ëndërrojë e të parafytyrojë e të imagjinojë çdo gjë që Shqipëria apo qeveria kërkon, por ka një garanci për të gjithë që nuk ka diçka të tillë si aktivitete që dëmtojnë mjedisin s'mund të ndodhin sepse duhet të jemi në përputhje me standardet e BE-së. Ja pse ju thashë që u bënë vite tashmë që në Europë nuk shihni më zhvillime apo ndërtime që dëmtojnë mjedisin. Jo sepse duan njerëzit t'i bëjnë edhe nuk lejohet, por sepse kjo është një botë turizmi krejt e re dhe që të konkurrosh është shumë e qartë. Nuk konkurron dot duke shpërfillur natyrën. Është e pamundur. Ja pse ndihem i zemëruar me të gjithë ata që nuk e kuptojnë se është bekim për Shqipërinë të sjellë 4 miliard euro dhe të bëjë diçka të jashtëzakonshme që do të jetë në ADN-në e saj një zhvillim mbështetur në natyrë. Ja pse zemërohem, por i zemëruar me veten natyrisht,  jo me ju.

-Pra nuk e di, po flasim për 2027-tën. Dua që ta them saktësisht.

Kryeministri Edi Rama: Zonjë është e shkruar. Me komisionin kemi një listë të tërë gjërash që duhen bërë. Janë me shkrim. Nuk themi që do t'i bëjmë. Janë të shkruara. Ka afate dhe ndërkohë do të ndalë të fuqizohet i vjetri dhe do të hartohet ligji i ri. Është e shkruar. Nuk ka të bëjë me asgjë çfarë ndodh në rrugë. Nuk ka të bëjë me asgjë që sillet përreth kësaj historie. Është diçka e shkruar qysh para shumë kohe dhe fundi i 2027-s është vendosur aty, por mund ta bëjmë edhe më parë se s'po punojmë për ligjin e ri. Ligji i ri kërkon kohë sepse komisioni duhet ta shohë. Në qoftë se ligji është gati këtë vit, do ta miratojmë këtë vit. Do ta bëjmë këtë vit. Kështu që s'ka diskutim, por nuk ka lidhje me këtë histori. Nuk ka të bëjë fare me këtë histori. Ky është argumenti im. Prandaj bëj kështu. Nuk ka të bëjë me këtë histori aspak. Kjo histori është një temë krejt jashtë çdo shine. Krejt jashtë çdo shine. Flitet për gjëra që nuk ekzistojnë, flitet për gjëra që janë të rreme. Ne po punojmë dhe do të dalim me gjëra, do të presim një moment më të qetë. Ne po punojmë për ato që quhen dosjet apo skedat e flamingove dhe do t'i tregojmë, do t'ju tregojmë se sa shumë deep fake se sa shumë dizinformim, se sa shumë sajim apo inxhinierim po ju bëhet këtyre informacioneve nga burimet që po i përdorin dhe nga burimet të cilat thjesht i shumëfishojnë.

Kështu që e dimë, e dimë si fakt, nuk është se e shohim në ëndërr, e dimë faktikisht që ka aktorë që po përpiqen ta shfrytëzojnë duke përdorur atë që quhet depërtim dhe ka të tjerë që po përpiqen ta përdorin për agjendën e tyre, për qëllimet e tyre që nuk kanë absolutisht bëjnë me Shqipërinë si objektiv, por kanë të bëjnë me Shqipërinë si një vend interesant për të t'i dhënë energji politikbërjes së tyre, por kemi shumë të dhëna për këtë dhe do t'i bëjmë publike vetëm faktet, jo histori, faktet.

 

Edhe njëherë po ju them që nuk flas për aktorë dashakeq. Ka vetëm një aktor dashakeq që është Irani, këtë e dimë, e dimë me fakte. Nuk kam thënë kurrë dhe nuk e them asnjëherë që Irani e shpiku, po them që Irani u hodh menjëherë në këtë histori, menjëherë. Dhe ne jemi në luftë kibernetike me Iranin që është prej disa vitesh tashmë. Ata organizuan një sulm të tmerrshëm, masiv, kibernetik kundër Shqipërisë për të fshirë të gjithë infrastrukturën tonë kritike nuk ja dolën, ndërkohë që ne u detyruam të investonim masivisht dhe ndërkohë që flasim kemi një nga muret më të mira kibernetike në Evropë dhe është diçka që njihet dhe nga NATO-ja dhe e njohim mënyrën se si veprojmë rrugët si veprojnë. Kështu që është shumë e qartë që ata kërkojnë ta ndezin ta fryjnë këtë gjë. Se kush e ka interesin që të krijoi e të ndezë narrativën antisemite, antihebreje, anti-izraelite. Kush e lidh? Po ç'lidhje ka flamuri izraelit me këtë zhvillim? Ç'lidhje ka Gaza me këtë? Pra kjo është një gjë dhe në fakt ka hasur në shpërndarje ka patur interes. Pjesa tjetër janë konkurrentët. Kemi pasur shumë informacione të rreme që vijnë nga konkurrenca sa i takon turizmit dhe pjesa tjetër janë njerëz me qëllime të mira si ju. Ju jeni njerëz që keni qëllime të mira, doni më të mirën për Shqipërinë.

 

E nuk do të ishte gabim të thoje që edhe mes jush ka njerëz që kanë ripostuar. Ndoshta jo ju po kam pare ripostime në platforma nga gazetarë, nga figura publike që kanë ripostuar qindra mijëra protestues, është bota ku jetojmë, është çmenduri, po kjo është.

 

Ndërkohë që historia është shumë e thjeshtë, ka një interes nga një konsorcium mjaft i madh investuesish për të sjellë një kapital të madh në vend dhe kompania në krye është një nga superfuqitë e Lindjes së Mesme, Poëer Holding. Mund të shkoni të shihni ç’kanë bërë! Kanë po kështu edhe disa projekte të bëra nëpër ishuj që flasin vetë. Ata kanë angazhuar njerëzit më të mirë në të gjitha fushat.  Ne ju kemi vënë shumë, po themi, piketa për atë çfarë presim, do të kryhet vlerësimi i mjedisit dhe pastaj do të kemi projektin.

 

Ky është një sulm shumë i madh për ta vrarë një projekt përpara se sa të lindë. Kjo nuk do të ndodhë! Nuk do ta lejoj! Kaq e thjeshtë! Dhe nëse projekti do të jetë ashtu siç mendoj se do të jetë, Të gjithë do ta shohin vetë. Në qoftë se projekti nuk do të përmbush të gjitha ambiciet tona, do të kërkojmë që ta përmirësojnë. Por t'i thuash ti investimi “ik”, sepse na duhet ta mbajmë atë pjesë të Shqipërisë të paprekur. Jo! Shkoni atje, shkoni shiheni me sytë tuaj se sa probleme të mëdha ka në atë pyll sa i takon mirëmbajtjes, sa i takon pastrimit, e kështu me radhë.  Ndonjë pyetje tjetër? Po.

 

- Nga Radio Çeke, Republika Çeke. Dua të bëj një pyetje për kadastrën se thatë që nuk kadastër. Ky ka qenë edhe një problem me Poloninë, një nga anëtarët më të mëdhenj, si është situata sot? A ka një kadastër tashmë? A është çdo informacion i aksesueshëm elektronikisht për të gjithë?

 

Kryeministri Edi Rama: Po hapni një plagë të madhe këtu sepse kjo është historia më e trishtë e kësaj rrugës sonë për t'u bërë një vend demokratik. Siç e thashë, regjimi që patëm ishte më i pamëshirshmi e regjimi më izolacionist ndër të gjitha ish-regjimet komuniste e po kështu edhe sa i takon pronës. Por ka një gjë që regjimi nuk e bëri, mund ta kishin bërë, por nuk e bëri. Nuk shkatërruan titujt e pronës të vjetrit, pra titujt e vjetër të pronësisë. I mbajtën të gjitha në kuti shumë të sigurta metalike. Ishin të mbyllura, askush nuk i hapte, ishin të siguruara. Ajo çfarë ndodhi me rënien e regjimit ishte që u hapën dhe u keqpërdorën tej mase. Shumica e titujve u shkatërruan, shumë të tjera u zëvendësuan me tituj të rremë. Kështu kadastra u shndërrua në problem, por ajo çfarë ndodhi në realitet ishte edhe më  e egër e vështirë se ajo që ndodhi në Poloni.

E thashë dhe në krye të herës që lavjerrësi shkoi në skajin tjetër dhe njerëzit filluan të lëviznin masivisht sepse gjatë komunizmit ne nuk e vendosnim dot vetë ku të jetonim. Të gjithë duhet të jetonin ku e caktonin bazuar në një plan, në një plan të madh të shpërndarjes së aftësive dhe të krahut të punës. Nuk kishte liri lëvizjeje në Shqipëri gjatë komunizmit.

Mund të lëvizje, të merrje autobusin, të lëvizje, por nuk vendoseshe dot diku tjetër të jetoje përveçse vendit ku ishte caktuar.

Njerëzit nuk lëviznin shumë. Pra, nuk lëviznin shumë nga vendet ku rrinin. Ajo çfarë ndodhi më pas ishte që njerëzit lëvizën masivisht. Shumë njerëz nga qendrat urbane, qytete relativisht të mëdha, lëvizën drejt Italisë. Shumë njerëz nga jugu lëvizën drejt Greqisë. Shumë njerëz nga zonat më të varfra lëvizën drejt zonave urbane. Kështu që Tirana doli nga komunizmi me rreth 220.000 banorë.

Ndërkohë që për 10 vjet numri u dyfishua me njerëz që u vendosën në rrethina dhe pastaj u trefishua. Kur flas për njerëz që u vendosën në rrethina, flas për njerëz që zunë tokë ku mundën. Duke e nisur me tenda të vogla në fillim, besoj ju mund të kujtoni këtë që po ju them, kur të merrni avionin, shihni nga dritarja e avionit dhe vëzhgoni ato shtëpitë e vetme, ato shtëpitë e bëra që janë ashtu si të veçuara janë bërë asokohe.

Në fakt shihni që janë si tip vila njëkatëshe, dykatëshe sot, por në atë kohë në 90-ën ishin baraka. Kjo krijoi një tjetër shtresë pronësie. Pra kishim ish-pronarët. Pastaj në 91-in parlamenti nxori një ligj, një ligj që parashikonte aktin e përdorimit të tokës për çdo bujk, për çdo fermer, sepse s'kishte më kooperative. Pra, nuk ishin pronarë, por mund të merrnin tokën në përdorim. Tani në këtë tokë kishte edhe ndërtesë, pra kishim dhe një shtresë të tretë. Kjo krijoi shumë tensione, shumë probleme dhe meqë ra fjala ajo çfarë ka ndodhur me këtë pronarin në Zvernec nuk është histori e veçuar.

Janë histori të ndodhura shumë herë, sidomos gjatë ndërtimeve në bregdet, ku ke një pronar që ka një titull pronësie, ti bën një marrëveshje me të dhe pastaj shfaqet dikush tjetër dhe që thotë jo kam qenë unë pronari, po në 90-ën ja kam dhënë këtij, po ndërkohë që më përket mua. Dhe pastaj kjo shkon përmes proceseve ligjore pa mbarim, por në thelb tashmë po i bëjmë të gjitha bashkë, po digjitalizojmë kadastrën, kemi mbështetje financiare nga BE-ja dhe bashkë me këtë mbështetje e ekspertizë të mirë po e mbyllim këtë hendek. Synojmë që në fund të 2028-s të kemi një kadastër të digjitalizuar. Të paktën nuk do të kemi më pronësi që lëvizin apo që janë të pasigurta. Jeni në rregull me mua? Çdo gjë e qartë? Jo, dëgjo, ka një arsye që je nga Rumania.

-Për ishullin e Sazanit. A ka plane për të?

 Kryeministri Edi Rama: Po. E thashë qysh në fillim. Jua thashë qysh në fillim.

 -Plan për t'u zhvilluar.

 Kryeministri Edi Rama: Po sigurisht. E thashë qysh në fillim. Ka dy vendndodhje. Dallimi midis të dyjave është që ishulli i Sazanit është tokë publike. Nuk ka pronar falë Zotit atje, është shteti pronar. Ndërsa flasim, u bënë tre vjet tani për të parë atë hendekun e madh, e stërmadh midis asaj që ju është futur në kokë dhe realitetit. Nuk ka ende një marrëveshje sepse ishulli i Sazanit nuk ka nevojë për një projekt pikë së pari, ka nevojë për një marrëveshje se nuk mund të bëhen një projekt në qoftë se nuk kanë një marrëveshje mbi tokën.

Nuk kemi as marrëveshjen për ishullin e Sazanit. Pse? Sepse po negociojmë që prej dy vitesh. Pse? Sepse nuk po e shesim ishullin e që të jemi të drejtë me ta, as nuk kanë kërkuar ta blejnë ishullin. Kurrë nuk kanë kërkuar ta blejnë ishullin. Kjo është e vërteta.

Por edhe po të kërkonin, ne kurrë nuk na ka shkuar ndonjëherë nëpër mend alternativa për të shitur ishullin. Po me çfarë ka të bëjë marrëveshja? Ka të bëjë me sipërmarrjen e përbashkët midis investuesit dhe Republikës së Shqipërisë. Një sipërmarrje e përbashkët.

Ishulli ju përket shqiptarëve, i përket Republikës së Shqipërisë dhe do të vazhdojë të jetë pasuri e Republikës së Shqipërisë. Po sigurisht, aty ku do të ndërtohet do të ketë pronësi të objektit. Si për shembull, ata që janë përballë këtu janë pronarë të apartamenteve, po jo të bulevardit. E njëjta logjikë vlen. Dhe po negociojmë. A e kuptoni pse jam, - si ta them - nuk jam as i zemëruar, po jam i dëshpëruar, i frustruar deri në kockë. Sepse sheh gjithë këto foto, ishulli i Sazanit ndërtuar me kulla Trump dhe këtej thuhet turp ti vijë Edi Ramës dhe qeverisë. Është çmenduri. Është krejt e kundërta. Po negociojmë!

Korporata shqiptare e investimeve është ajo që duhet të bëjë negociatat për të patur pjesë në pronësinë e investimit. Pra, shteti shqiptar do të fitojë prej kësaj. Për ishullin nuk kanë ende asnjë skicë të paraqitur sepse ju duhet pikë së pari marrëveshja. Janë përqendruar te Zvërneci sepse është private, kanë marrëveshjen dhe vazhdojnë atje dhe ndërkohë japim e marrim me ta.

(Gazetarja i kërkon një dedikim në libër Kryeministrit Rama)

Kryeministri Rama: Dëshironi një dedikim? Do t'jua shkruaj “nga një vrasës flamengosh”. Do t'ju bëj një dedikim.

 -Unë jam irlandeze.

 Kryeministri Edi Rama: Ah jeni më të mirët! Për mua irlandezët janë nga njerëzit që jo vetëm më pëlqejnë, por po të kisha një zgjedhje dhe një jetë tjetër do të isha irlandez, sepse askush nuk do të çuditej pse jam kokëfortë, sepse do ta merrnin të mirëqënë.

Dedikimi: “Për lulen time irlandeze, nga një “vrasës flamengosh”. Sigurohu që bashkëshorti ta kuptojë. Duket shumë e dyshimtë! 9 Qershor Tiranë.” Është një libër i bukur.)

A doni ta mbyllim apo keni pyetje të tjera? Për kë shkruani? Për median austriake?  Për cilën profil? Nuk lexoj gjermanisht, por do të sigurohem të lexoj atë çfarë do të shkruani nga tri orët e mia ,nga tre orë që kam shpenzuar energji këtu. Cili është mesazhi për njerëzit që protestojnë në rrugë? Mesazhi im? Varet sepse ka njerëz shumë njerëz të ndryshëm që protestojnë në rrugë. Për shembull ka shumë që bërtasin ‘’Vdekje e Edi Ramës’’. Mesazhi im për ta është, vazhdoni se më shtohet jeta.

Ka të tjerë njerëz që duke qenë se kanë lidhje me grupime, me ambicie politike, ka njerëz, ka disa njerëz që vijnë se janë të shqetësuar dhe atyre iu them gjithmonë, nëse jeni vërtetë të shqetësuar për Zvërnecin, le të flasim.

Po kur them, eja të flasim, përgjigjja e tyre është ‘’ne nuk flasim kurrë me të sepse ai është një djall që na ndryshon mendjen’’. Kjo është përgjigjja sepse e kam këtë fuqi t'ua ndryshoj mendjen, por nuk është fuqia ime, është e fakteve. Kështu që derisa të provoni të kundërtën, ju ta mendoni. Mund të mendoni të kundërtën, por derisa të provoni të kundërtën, mund t'ju them që faktet janë me mua. Ndërkohë që gjithë sfera digjitale është kundër meje dhe kjo është një pikëpyetje shumë e madhe, jo për mua, për Shqipërinë, për Zvërnecin për këtë moment, por është një pikëpyetje shumë e madhe për të ardhmen e demokracisë sepse ne dhe me ne, e kam fjalën që për mua po ndodhin dy gjëra dhe shkon përtej Shqipërisë. E para, kapaciteti për të kapur mendjet dhe zemrat e njerëzve me gënjeshtra.

Dhe në thelb të thuash gënjeshtra, nuk është e drejtë. Janë gjysmë të vërteta. Është më keq. Është e tmerrshme. Pra ky është një kapacitet për të gërryer të gjithë sistemin demokratik e për ta kthyer të gjithë politikën që ekziston në gjënë më të pangrënshme në më të patretshmen për të gjithë njerëzit. Pra, shoh një korrelacion shumë të madh të rënies së politikës ekzistuese apo atë ‘’mainstream’’ në Europë, përkundër kësaj aftësie apo kapaciteti. Ajo çfarë shoh tjetër, është që ndërkohë që po hedhim miliarda, ndonjëherë miliarda që nuk i kemi, duke marrë hua nga brezat e ardhshëm pa ju marrë leje për të ndërtuar makinerinë apo makineritë më të plotfuqishme ushtarake, për të mbrojtur apo për të vendosur mburojë në qiej të Europës, jemi krejt të pambrojtur nga brenda jemi si një shtëpi pa derë, pa dritare, ku çdo hajdut nga çdo cep i botës që do të vijë e të vjedhë atë ç’ka mund të vidhet nga shpirti ynë, mund të hyjë. Të gjithë mund të hyjnë. Është krejt e hapur. Pastaj ju e dini, ndërhyrja e Rusisë në këtë zgjedhje, ai që ndërhyn në këtë zgjedhje apo ai tjetri që ndërhyn në këto zgjedhje.

Kjo është ajo ndjesa më e vogël, më e vogël e dukshme e këtij ajsbergu, nuk janë zgjedhjet, por është kapja dhe marrja peng e fëmijëve tanë dhe brezit tonë të ri dhe këtu nuk po nënkuptoj asgjë për atë çfarë po ndodh, por kjo është çmenduri nën vëzhgimin tonë, në emër të lirisë tonë. Pra, ta barazvlerësosh lirinë e shtrirjes me lirinë e fjalës, do të thotë që praktikisht nuk kemi kuptuar asgjë nga diktaturat.

Cila është fuqia më e madhe e një regjimi totalitar? Është aftësia e shtrirjes, e mbërritjes gjithkund. Një regjim totalitar ka aftësinë të shkrihet, të shtrihet gjithkund dhe të bllokojë faktet. Po faktet. Realitetin. T'i ndalojë që të shkojnë gjëkundi. Ky është regjimi totalitar dhe këtë bën kjo gjë. Liria e shtrirjes në emër të lirisë së fjalës kudo. Kudo. Si ë është e mundur. Nuk e di në qoftë se është dikush nga Suedia këtu, por kam parë një raport shumë interesant i Institutit Suedez për Demokraci që flet se si çështjet mjedisore  janë në krye të listës së temave të preferuara të aktorëve dashakeq kur duan të ndërhyjnë në vende demokratike, sepse janë shumë të ndjeshme për njerëzit, sepse zakonisht njerëzit që janë të ndjeshëm ndaj mjedisit kanë një nivel më të lartë verbërie, përkundrejt argumenteve , se janë të apasionuar, janë fanatikë për këtë çështje dhe janë lehtësisht shumë të manipulueshëm dhe këtë po shohim.

Por për ta për ta mbyllur, do t'ju them që në fund kjo gjë, e gjithë kjo gjë do të jetë shumë e mirë për vendin tonë. Do të jetë shumë e mirë për vendin tonë. Është e dobishme për jetën tonë demokratike për aq kohë sa mbetet e paqtë apo edhe argëtuese? Më duket argëtuese kur duan që në fakt të shajnë gjithkënd që ka të bëjë me mua dhe në kuptimin literal. Megjithatë është argëtuese me përdorimin e memeve dhe çdo gjë tjetër po themi në një kuptim pozitiv dhe patjetër që ka shumë fëmijë të cilëve ju duket bukur që të jenë aty për aq kohë sa është kështu, është mirë sepse pastaj do të ndodhë përballja me realitetin dhe të gjithë do të marrin, do të nxjerrin mësime prej kësaj.

Ne do të nxjerrim mësimet tona, sigurisht na duhet të mësojmë prej kësaj, se si të merremi më tej me edukimin, transparencën, e kështu me radhë. Megjithatë, problemi me transparencën është që nuk funksionon kur nuk ka vëmendje. Do të çuditeshit, por Zvërneci, projekti Zvërnecit si vizion, pra vizualisht është paraqitur dy vjet më parë nga një arkitekt që përfaqësonte investuesit përpara sesa grupi të bëhej më i madh. Por kishte ca skica asokohe që i ka publikuar në Tëitter-in e vet dhe ishin skica. Këto skica që kurrë nuk erdhën deri te ne, por u paraqitën në një intervistë, në një shfaqje televizive me një audiencë shumë të madhe, u paraqitën nga ai dhe meqë ra fjala, ajo skicë është shumë e ndërtuar, pra është shumë më e dendur me ndërtim se sa çdo të jetë. Nuk kishte asnjë lloj reagimi apo asnjë reagim nga askush që thoshte mos e prekni aty ishim. Kjo është ajo çfarë ju thashë në fillim dhe unë e them gjithmonë që nuk ka të bëjë me ju, faktet janë të mërzitshme. E vërteta është e mërzitshme, ndërkohë që gënjeshtrat janë joshëse, janë tërheqëse. Nuk lufton dot! Pse thonë nuk duam të flasim? Sepse nuk duan të përballen me faktet sepse nuk duan që ëndërr dhe ndjenja e tyre që po luftojnë për vendin të shkatërrohet nga faktet. Kam patur një gjë të ngjashme shumë më të madhe se kjo me në 2018-n me studentët. Ishte e madhe, shumë e madhe. Ishte gjithë bulevardi, të gjitha rrugët, imagjinoni, të gjithë studentët dolën, kërkonin kushte për tre javë të tëra, nuk donin të flisnin. Vinin këtu me pika një, dy, tre, katër, pesë, nuk e di sa pika dhe më thoshin bëji. Ndërkohë që u thoja kemi nevojë të flasim, t'ju dëgjoj pikë pas pikë, po duhet të më dëgjoni dhe mua pikë për pikë në të kundërt, unë nuk punoj për ju. Nuk jam vartësi juaj që të më thoni bëj këtë, bëj atë, bëj atë. Unë ju shërbej dhe më duhet t'ju flas dhe më thoshin jo, jo. Sepse aso kohe thoshin është me rrezik sepse është djall, ta kthen mendjen përmbys, por nuk është kjo arsyeja, por ajo ndjenja që po shkon drejt diçkaje të madhe e që po lufton për diçka edhe më të madhe dhe kjo të bën të mos duash të përballesh me realitetin, apo jo?

- Ju thatë për organizatat nuk duan të flasin.

Kryeministri Edi Rama: Kur flas për ata, flas për njerëzit, nuk e di, nuk është se ka një organizatë që thotë nuk duam të flasim, të gjithë. Dhe në fakt ajo çfarë është me interes është se edhe njerëzit që duan të flasin kanë frikë sepse kërcënohen. Ka një lloj dimensioni kërcënimi në protestë. Në fakt në çdo protestë ata kërcënohen, kërcënohen edhe fizikisht. As mos guxoni të shkoni të flisni. Nuk e di si është njësoj si ato sindikatat e vjetra që kush del nga radhët, durim. Unë kam mësuar durimin diçka që kurrë s'e kam pasur më parë, por e kam mësuar ndaj kam durim.

Faleminderit shumë!

Shpresoj që nuk ishte e mërzitshme. Kjo është më e rëndësishmja. Se sa shumë prej kësaj do të jetë e dobishme mbetet për t'u parë, por shpresoj të mos ketë qenë e mërzitshme.

Faleminderit!

 

 

 

 

 

 

 

 

 

 

Live TV

Të fundit
Të gjitha lajmet

Më të vizituarat

Video