Tirana zgjidhet mikpritëse e Asamblesë Vjetore të BERZH-it në 2028
Tirana do të jetë qyteti pritës i Takimit Vjetor të Bankës Europiane për Rindërtim dhe Zhvillim (BERZH) në vitin 2028, duke u kthyer në qendrën e diskutimeve ekonomike dhe financiare të rajonit dhe më gjerë.
Lajmi u konfirmua nga zëvendësministri i Financave, Endrit Yzeiraj, në përfundim të Asamblesë Vjetore të BERZH-it të mbajtur në Riga, ku u vendos që edicioni i vitit 2028 të zhvillohet në kryeqytetin shqiptar.
Sipas Yzeirajt, përzgjedhja e Tiranës për të organizuar këtë ngjarje prestigjioze përbën një tregues të besimit që institucionet financiare ndërkombëtare kanë ndaj Shqipërisë dhe progresit të saj ekonomik gjatë viteve të fundit.
Takimi vjetor i BERZH-it mbledh çdo vit drejtues të lartë të qeverive, institucioneve financiare ndërkombëtare, investitorë, përfaqësues të biznesit dhe partnerë zhvillimi nga dhjetëra vende, duke e shndërruar qytetin mikpritës në një pikë referimi për diskutimet mbi ekonominë, investimet dhe zhvillimin e qëndrueshëm.
BERZH mbetet një nga partnerët më të rëndësishëm financiarë të Shqipërisë. Që prej fillimit të aktivitetit në vend në vitin 1991, banka ka financuar projekte me një vlerë totale prej rreth 2.5 miliardë eurosh, të përqendruara kryesisht në sektorët e infrastrukturës, energjisë, financave dhe zhvillimit të sipërmarrjes private.
Ndër projektet strategjike ku BERZH ka një rol kyç përfshihet edhe modernizimi i rrjetit hekurudhor shqiptar, një investim që synon të përmirësojë lidhjet e transportit dhe integrimin e vendit me korridoret europiane.
Po ashtu, një pjesë e konsiderueshme e investimeve të BERZH-it në Shqipëri është fokusuar te sektori privat, duke ndihmuar bizneset vendase të rrisin produktivitetin, konkurrueshmërinë dhe përshtatjen me standardet e Bashkimit Europian.
Organizimi i Takimit Vjetor të BERZH-it në Tiranë në vitin 2028 pritet të sjellë vëmendje të shtuar ndërkombëtare për Shqipërinë, duke promovuar vendin si një destinacion tërheqës për investime, zhvillim ekonomik dhe bashkëpunim rajonal.
Mbi 52 mijë abonentë përdorin shërbimet online të OSHEE, rritet numri i aplikimeve dhe pagesave digjitale
Shërbimet digjitale të ofruara nga OSHEE Group po përdoren gjithnjë e më shumë nga qytetarët, duke reduktuar nevojën për paraqitje fizike në sportelet e......
Tatimet u japin një mundësi të dytë prindërve: Riaplikim për kompensimin e shpenzimeve arsimore
Individët të cilëve u është refuzuar kërkesa për përfitimin e kompensimit nga zbritja e shpenzimeve arsimore për fëmijët, për shkak të mungesës së faturave......
Luhatje në tregun valutor – Sa këmbehen sot monedhat e huaja?
Dollari amerikan ka pasur edhe këtë të martë një rritje të lehtë të kuotës në raport me një ditë më parë teksa është blerë sot me 81.8 lekë dhe është shitur......
Treni Durrës-Rrogozhinë, shtyhet afati i tenderit 90 mln euro - Forcohen kërkesat për standardet mjedisore, sociale dhe kualifikimin e stafit
Hekurudha Shqiptare ka shtyrë afatin për dorëzimin e ofertave në tenderin ndërkombëtar me vlerë 90 mln euro për rehabilitimin e linjës hekurudhore Durrës –......
Çfarë po shkarkojnë më shumë shqiptarët në celular? Progamet e motit dhe fotove, kryesojnë. Temu fiton sërish popullaritet
Aplikacionet në telefonat inteligjentë janë bërë tashmë një pjesë e pandashme e jetës së përditshme. Nga komunikimi dhe argëtimi, te blerjet online, navigimi......
Ku renditet vendi ynë mes investitorëve globalë? Nga SHBA te Kina, kush dominon botën? Shqipëria, në vendin e 73-të
Shtetet e Bashkuara, Japonia dhe Kina vijojnë të dominojnë investimet e huaja direkte në nivel global. Vetëm këto tri ekonomi investuan jashtë kufijve të......
Ndryshime në taksa për të ulur faturat e energjisë - Propozimi i BE pjesë e përgjigjes ndaj pasojave të luftës në Iran
Bashkimi Evropian po përgatit ndryshime në taksat e energjisë dhe tarifat e rrjetit, duke përfshirë planet për të taksuar energjinë elektrike me një normë më......
Ku janë banesat më të shtrenjta në Evropë? - Katër nga pesë qytetet e para ndodhen në Zvicër dhe Luksemburg
Të dhënat e reja nga Global Property Guide tregojnë se katër nga pesë qytetet më të shtrenjta për prona banesore ndodhen në Zvicër dhe Luksemburg, me Zyrihun......
