Sigurimet, shqiptarët paguajnë vetëm kur detyrohen - AMF: Motoriku dhe jeta e debitorit, dominojnë. Zero kontrata për 9 lloje produktesh të tjera
Kur vjen çështja te sigurimet, shqiptarët vijojnë të paguajnë vetëm për ato që janë të detyrueshme, me sigurimin MTPL të brendshme që mban një rekord. Përgjegjësia motorike ndaj palëve të treta zë 62% të të gjitha primeve të shkruara bruto të kompanive të sigurimit.
Ndërkohë, produkti që shqiptarët zgjedhin më shumë në kategorinë e jetës është ai i sigurimit të jetës së debitorit dhe kjo për shkak të detyrimeve të vendosura nga banka ndaj kredimarrësit. Në rastin e humbjes së jetës së kredimarrësit për shkaqe natyrore apo aksidentale dhe paaftësisë së plotë e të përhershme si rrjedhojë nga aksidenti, kompania e sigurimit do t'i paguajë bankës, për llogari të kredimarrësit, shumën e mbetur të principalit për kredinë e përcaktuar në policë, duke çliruar familjen e personit kredimarrës nga pagesa e kredisë së mbetur.
Sipas të dhënave nga Autoriteti i Mbikëqyrjes Financiare, sigurimi i jetës së debitorit zë gati 79% të të gjithë kontratave në kategorinë e sigurimit të jetës.
Produktet më pak të zgjedhura janë ato të sigurimit të jetës së studentit, jetës së nxënësit dhe studentit, sigurimi i mbijetesës dhe jetës së kombinuar, të cilat rezultojnë edhe me një rënie kontratash në janar-tetor të këtij viti.
Ndërkohë, te kategoria e jo-jetës, sigurimi i përgjegjësisë civile të avionëve dhe anijeve nuk preferohen shumë.
Por cilat janë produktet më “të pazakonta” të sigurimit që nuk i zgjedh askush?
Në kategorinë e sigurimeve të jo-jetës, sigurimi i mjeteve lëvizëse, sigurimi i avionëve dhe ai i kreditit ofrohen nga kompanitë, por rezultojnë me zero kontrata. Po ashtu, në kategorinë e sigurimit të jetës, policat e jetës së depozitorit, jeta dhe aksidentet e sportistëve, sigurim anuitie, sigurim i martesë-lindjes, sigurim jete i lidhur me fondet e investimit, administrimi i fondeve kolektive, nuk zgjidhen nga askush.
Kështu, kompanitë e sigurimit ofrojnë një larmi produktesh, por qytetarët zgjedhin të paguajnë për ato që janë të detyrueshme dhe domosdoshme për ta, duke nisur nga motoriku, prona dhe jeta e debitorit.
Reforma kadastrale, “kyç” për investimet e huaja - Reduktohen kostot e transaksioneve dhe nxit interesin e investitorëve
Reforma që synon rritjen e transparencës dhe eficiencës së shërbimeve kadastrale, vlerësohet si një ndër më kryesoret për përmirësimin e klimës së biznesit......
Kryeadministratorja e AAPSK: Ripërdorimi social i pasurive të konfiskuara, instrument kundër pabarazive dhe diskriminimit
Kryeadministratorja e Agjencisë për Administrimin e Pasurive të Sekuestruara dhe Konfiskuara (AAPSK), Risena Xhaja, mbajti sot fjalën përshëndetëse në......
Dekarbonizimi i sektorit energjetik - Raporti i Komunitetit të Energjisë: Progresi në masën 60%
Komuniteti i Energjisë ka publikuar raportin vjetor të zbatimit për vitin 2025, ku vlerëson progresin e Shqipërisë në procesin e dekarbonizimit të sektorit......
Shqipëria ka 3.8 autobusë për 1,000 banorë/ Vendi kryeson rajonin dhe renditet ndër shtetet me raportin më të lartë në Europë
Transporti publik është një nga faktorët më të rëndësishëm për mbarëvajtjen e qyteteve, sidomos në qytetet e mëdha ku ka një fluks të lartë qytetarësh dhe......
Zvicra, “optimiste” për vitin 2026 - Ulja e tarifave amerikane përmirëson perspektivën ekonomike
Qeveria zvicerane ka përmirësuar parashikimin për rritjen ekonomike në vitin 2026. Kjo vjen pas marrëveshjes me Shtetet e Bashkuara për uljen e tarifave të......
Punësimi në sektorin e energjisë, dyfishi i normës globale - Industria punësoi 76 milionë njerëz vitin e kaluar, me 2.2% rritje
Një raport i ri nga Agjencia Ndërkombëtare e Energjisë (IEA) tregon se në vitin 2024, ritmi i rritjes së punësimit në sektorin e energjisë ishte dy herë më i......
Transformim urban në Radhimë - Investim 102 mln lekë për rrugë, hapësira publike dhe viewpoint-e panoramike
Fondi Shqiptar i Zhvillimit ka shpallur hapjen e garës për transformimin urban në hapësira publike kryesore për rigjenerim urban të fshatit Radhimë, Vlorë.......
Sa shpenzojnë shqiptarët jashtë? Çdo dalje nga territori i Shqipërisë na kushtoi rreth 350 euro
Në periudhën Janar-Shtator 2025, çdo dalje e një shtetasi shqiptar jashtë vendit ka kushtuar mesatarisht rreth 352 euro, pothuajse në të njëjtin nivel me 349......
