Shqipëria Postuar më 24 Dhjetor 2025, 10:46

Shqipëria pajiset me sistemin raketor “Javelin” - Ministri i Mbrojtjes, Pirro Vengu: Rrit sigurinë kombëtare

Nga Fabjona Pasho

Shqipëria pajiset me sistemin raketor “Javelin” - Ministri i

Shqipëria është pajisur me sistemin raketor kundërtank “Javelin”, një nga sistemet më të avancuara të mbrojtjes që përdoret nga vendet anëtare të NATO-s. Ministri i Mbrojtjes, Pirro Vengu bëri të ditur se ardhja e këtij sistemi është rezultat i bashkëpunimit të ngushtë me aleatin strategjik, Shtetet e Bashkuara të Amerikës.

“Ardhja e sistemeve Javelin, falë bashkëpunimit me aleatin tonë strategjik SHBA, forcon aftësitë mbrojtëse të Forcave të Armatosura Shqiptare, rrit parandalimin, ndërveprueshmërinë me NATO-n dhe sigurinë kombëtare”, - u shpreh ministri i Mbrojtjes.

Sistemi “Javelin” konsiderohet një element kyç për mbrojtjen tokësore, duke rritur ndjeshëm aftësinë e Forcës Tokësore për të përballuar kërcënime të avancuara dhe për të vepruar në përputhje me standardet e Aleancës.

Shqipëria e ka porositur sistemin “Javelin” në kuadër të programeve të bashkëpunimit ushtarak me Shtetet e Bashkuara, përmes mekanizmave të shitjeve ushtarake të huaja.

Shqipëria pajiset me sistemin raketor “Javelin” - Ministri i

Live TV

Të fundit
Të gjitha lajmet

Më të vizituarat