Pagesat me kartë, rregulla të reja për tarifat e këmbimit - Klienti duhet të informohet paraprakisht mbi kursin dhe koston e transaksionit
Banka e Shqipërisë po vendos rregulla më të qarta për mënyrën se si qytetarët informohen për kostot e këmbimit valutor gjatë pagesave me kartë apo transfertave online. Këshilli Mbikëqyrës miratoi ndryshime në rregulloren për krahasueshmërinë e tarifave të llogarive të pagesave, duke vendosur detyrime të reja për bankat dhe ofruesit e shërbimeve të pagesave.
Ndryshimet prekin kryesisht pagesat me kartë në ATM dhe POS, por edhe transfertat e kreditit të kryera online.
Një nga risitë është që, kur gjatë një pagese me kartë aplikohet këmbim valutor, klienti duhet të marrë informacion të qartë për kursin e përdorur dhe diferencën e tij nga kursi i fundit i publikuar nga Banka e Shqipërisë.
Kjo diferencë do të shprehet në përqindje, përmes të ashtuquajturit “mark-up”, dhe duhet t’i komunikohet klientit përpara se të kryejë transaksionin.
Rregullat e reja synojnë që qytetari të mos përballet vetëm me një shumë përfundimtare në ekran, por të ketë mundësi të kuptojë se sa po i kushton konkretisht këmbimi i monedhës.
Kjo është veçanërisht e rëndësishme në rastet kur përdoren karta të lëshuara në një monedhë tjetër, për shembull në euro, ndërsa pagesa ose tërheqja kryhet në lekë.
Në ATM apo në pikën e shitjes, klienti duhet të informohet gjithashtu për shumën që do të marrë përfituesi dhe shumën që do të paguajë vetë, sipas monedhës përkatëse. Para konfirmimit të transaksionit, duhet t’i bëhet e qartë edhe mundësia për të zgjedhur nëse këmbimi do të kryhet nga operatori i ATM-së apo nga ofruesi i shërbimit të pagesës së klientit.
Ndryshimet vijnë në një kohë kur përdorimi i kartave është zgjeruar dhe transaksionet me karta të huaja janë të zakonshme, veçanërisht në sektorët që lidhen me turizmin. Për përdoruesin, çështja kryesore mbetet sa para i dalin realisht nga llogaria dhe sa kushton këmbimi i monedhës.
Rregullorja vendos kërkesa të reja edhe për transfertat e kreditit online.
Kur një transfertë përfshin këmbim valutor, banka ose ofruesi i shërbimit të pagesës duhet t’i tregojë klientit, përpara se ai të japë konfirmimin, tarifën e këmbimit, shumën totale që do të debitohet nga llogaria dhe shumën që do t’i mbërrijë përfituesit.
Pra, qëllimi është që kostoja e një pagese apo transferte të mos zbulohet vetëm pasi transaksioni të jetë kryer, por të jetë e dukshme për klientin që në momentin kur ai vendos nëse do ta kryejë apo jo.
“Pasqyra Albania”/ Rama: Qytetarët do marrin njoftime në kohë reale - Platforma e re do të informojë për ligjet, vendimet, shërbimet dhe emergjencat
Kryeministri Edi Rama prezantoi sot para grupit parlamentar dhe kabinetit qeveritar platformën e re digjitale “Pasqyra Albania”, e cila synon të krijojë një......
Linjë energjetike Shqipëri-Kosovë e HEC Moglica 1.6 GW - Tre projekte synojnë statusin e veçantë, në garë për prioritet dhe financim nga BE
Teksa qeveria miratoi rregullat e reja për zhvillimin e projekteve me interes për Komunitetin e Energjisë, tre projekte që përfshijnë drejtpërdrejt......
Zjarret nuk ndalen, 3 vatra aktive në vend - Situatë problematike në Dajt dhe në disa zona të Dibrës
Ministria e Mbrojtjes njoftoi se gjatë 24 orëve të fundit janë raportuar 27 vatra zjarri, nga të cilat 3 vijojnë të jenë aktive, ndërsa 4 të tjera janë nën......
Digjitalizohen 4.3 milionë kartela pasurie - Finalizohet kadastra e pronave, lehtësohen procedurat për qytetarët
4.3 milionë kartela pasurie të qytetarëve shqiptarë, në të gjithë territorin e vendit, janë digjitalizuar tërësisht, duke i dhënë fund mosmarrëveshjeve për......
Rënie e ndjeshme në tregun valutor – Dobësohen monedhat kryesore
Dollari amerikan ka pësuar mëngjesin e sotëm një rënie të ndjeshme të vlerës në raport me një ditë më parë teksa është blerë këtë të enjte me 78.8 lekë dhe......
Pronat, “magnet” për financimin e bizneseve nga bankat/ Pasuritë e paluajtshme dhe kapitali qarkullues po udhëheqin valën e re të kredisë
Kredia për biznesin po merr më shumë hov, ndërsa bankat po financojnë gjithnjë e më shumë nevojat për prona dhe kapital qarkullues. Në shtatë muajt e parë të......
Nju Jorku i thotë “jo” IA-së në shkolla - Ndalimi njëvjeçar prek rreth 600 mijë nxënës
Shkollat publike të qytetit të Nju Jorkut do t’u ndalojnë përkohësisht nxënësve deri në klasën e tetë përdorimin e mjeteve të inteligjencës artificiale......
Venecia intensifikon kontrollet mbi trafikun ujor - Qyteti pret fluks të lartë vizitorësh gjatë Festivalit të Filmit
Venecia ka shtuar kontrollet në rrugët e saj ujore, ndërsa qyteti po përballet me një fluks të madh vizitorësh gjatë Festivalit të Filmit, që nisi më 2......
