OBP në seminarin e nivelit të lartë në Ambasadën Britanike - Prokurimi publik si instrument i sigurisë ekonomike
Operatori i Blerjeve të Përqendruara (OBP) mori pjesë në seminarin e nivelit të lartë të zhvilluar në Ambasadën Britanike në Tiranë, i fokusuar në sigurinë ekonomike, investimet dhe prokurimin publik, me pjesëmarrjen e ekspertëve të qeverisë së Mbretërisë së Bashkuar.
Pjesëmarrja e OBP-së në këtë aktivitet përbën një vlerësim të drejtpërdrejtë për rolin dhe besueshmërinë e ndërtuar nga institucioni në menaxhimin e procedurave të prokurimit publik, përfshirë edhe ato me fonde ndërkombëtare. Ky bashkëpunim konfirmon se prokurimi publik sot nuk është më thjesht një funksion administrativ, por një instrument i rëndësishëm për garantimin e sigurisë ekonomike, menaxhimin e risqeve në sektorë kyç dhe forcimin e transparencës dhe integritetit institucional.
Prania e Administratores së OBP, Arlinda Pogaj, e shoqëruar nga drejtuesja e drejtorisë teknike, Arjeta Mustafa, në këtë seminar me ekspertët e qeverisë së Mbretërisë së Bashkuar vjen në një moment kur Operatori i Blerjeve të Përqendruara ka konsoliduar më tej rolin e tij në sistemin e prokurimit publik.
Gjatë një periudhe prej 23 muajsh, që nga 25 prilli 2024, OBP ka publikuar rreth 1100 procedura prokurimi për 222 institucione publike, duke përfshirë administratën qendrore, agjencitë e varësisë, si dhe autoritete në sektorë të rëndësishëm si arsimi, shëndetësia dhe siguria.
Ky tregues reflekton jo vetëm zgjerimin e shërbimeve të OBP-së, por edhe rritjen e besimit të institucioneve publike ndaj këtij modeli të përqendruar të prokurimit, i cili synon rritjen e efikasitetit, standardizimit dhe transparencës në përdorimin e fondeve publike.
Në të njëjtën kohë, gjithnjë e më shumë institucione, përfshirë bashkitë dhe strukturat e tyre të varësisë, po mbështeten në katalogët dhe kriteret e standardizuara të përgatitura nga OBP për zhvillimin e procedurave të prokurimit. Kjo qasje kontribuon në unifikimin e standardeve, përmirësimin e cilësisë së dokumenteve të tenderit dhe krijimin e proceseve më të qarta, të krahasueshme dhe më efikase.
Pjesëmarrja në seminarin e Ambasadës Britanike është një tjetër dëshmi e pozicionimit të OBP-së si një aktor kyç në reformimin dhe modernizimin e prokurimit publik në Shqipëri.
OBP mbetet i përkushtuar për të vijuar këtë rrugë, duke forcuar integritetin institucional, duke përmirësuar vazhdimisht standardet dhe duke ndërtuar partneritete të reja që mbështesin zhvillimin ekonomik dhe mirëqeverisjen.
Salla: 5.2 miliardë lekë mbështetje për fermerët, rriten subvencionet dhe përfshihen masa të reja
Ministri i Bujqësisë dhe Zhvillimit Rural, Andis Salla, prezantoi skemën kombëtare të mbështetjes për fermerët për vitin 2026, me një buxhet prej 5.2......
Ndërtimi dhe tregtia udhëheqin rritjen e kredisë/ Huaja e re për biznesin u shty edhe nga akomodimi dhe shërbimi ushqimor
Kredia e re për biznesin ka vijuar rritjen edhe në muajt e parë të vitit 2026, duke konfirmuar se korporatat mbeten shtysa kryesore e zgjerimit të huadhënies......
Ndryshon trendi në tregun valutor – Rikuperojnë Dollari, Franga dhe Paundi
Dollari amerikan ka regjistruar rritje të vlerës këtë mëngjes duke u forcuar nga një ditë më parë teksa është blerë sot me 83.2 lekë dhe është shitur me 84.2......
InfoSoft Systems sjell arkitekturën e plotë të Cloudflare Enterprise tek bizneset shqiptare.
Pse Pikërisht Cloudflare? Cloudflare është një infrastrukturë interneti dhe ky dallim nuk është semantik, është arkitekturë. Rrjeti i Cloudflare është ndër......
Porti i Durrësit, rritje 12% në përpunimin e mallrave - APD: Janë përmirësuar shërbimet dhe optimizuar proceset
Porti i Durrësit raporton një ecuri pozitive në përpunimin e mallrave gjatë fillimit të vitit 2026. Autoriteti Portual i Durrësit bën të ditur se, përgjatë......
Prezantohet Drejtori i Përgjithshëm i Policisë së Shtetit - Hita: Siguria e qytetarit është detyrimi më i madh
Është prezantuar ditën e sotme Drejtori i Përgjithshëm i Policisë së Shtetit Drejtues Madhor, Skënder Hita, i cili ka një karrierë 25-vjeçare me uniformën......
Apple feston 50-vjetorin/ Kompania aktualisht ka një vlerë tregu afërsisht 3.8 trilionë USD
Apple feston 50-vjetorin e saj më 1 prill 2026, duke shënuar pesë dekada që nga themelimi i saj nga Steve Jobs dhe Steve Wozniak në vitin 1976. Apple......
Marrëveshja tregtare BE-Australi/ Çfarë pritet të përfitojnë kompanitë?
Pas tetë vitesh negociata, 15 raunde bisedimesh dhe një negociate të pezulluar në vitin 2023, BE dhe Australia nënshkruan një marrëveshje të shumëpritur të......
