Shqipëria Postuar më 19 Mars 2025, 14:30

Mikrokoduesit e vegjël ndërtojnë projekte të mëdha - Nxënësit e shkollave në veri: Po programojmë ndryshimin për vendin

Nga Hamit Yzeiraj

Mikrokoduesit e vegjël ndërtojnë projekte të mëdha -

Projekte për sigurinë, prodhimin e energjisë së pastër për ambientet shkollore dhe zhvillimin e agroturizmit në zonat malore të vendit.

Këto janë disa nga idetë inovative të krijuara nga nxënësit e shkollave të mesme në veri të Shqipërisë. Të rinjtë i prezantuan punimet e tyre në një aktivitet të organizuar në Tiranë, duke dëshmuar talentin dhe kreativitetin e tyre në fushën e teknologjisë.

Realizimi i këtyre projekteve u bë i mundur falë përdorimit të pajisjeve Micro:bit – një mikrokontrollues edukativ, i krijuar për t’u ndihmuar fëmijëve dhe fillestarëve të mësojnë programimin dhe elektronikën në mënyrë argëtuese e interaktive.

Përmes këtyre teknologjive, nxënësit jo vetëm që zhvillojnë aftësitë e tyre në kodim, por edhe ndërtojnë një bazë të fortë për karrierën e tyre në fushën e inovacionit dhe teknologjisë.

Në këtë aktivitet morën pjesë 16 shkolla të mesme nga Kukësi, Mati, Bulqiza, Dibra dhe Tropoja, të cilat janë ngritur me mbështetjen financiare të qeverisë britanike.

Ky program synon të fuqizojë të rinjtë, duke i pajisur me aftësi të reja që mund t'i ndihmojnë për një të ardhme më të sigurt dhe më të suksesshme.

 

 

 

Sondazh

Poll

Live TV

Të fundit
Të gjitha lajmet

Më të vizituarat