Koçiu: Shqipëria forcon pozicionin e saj si një partner strategjik dhe i besueshëm ndërkombëtar
Shqipëria ka mirëpritur një ekip vlerësuesish nga Komiteti i Ekspertëve të Këshillit të Evropës për Vlerësimin e Masave Kundër Pastrimit të Parave dhe Financimit të Terrorizmit (MONEYVAL), (14 – 24 prill), si pjesë e raundit të 6-të të vlerësimeve të ndërsjella, një moment i rëndësishëm ky për të dëshmuar progresin konkret dhe drejtimin e duhur të reformave në fushën e parandalimit të pastrimit të parave dhe financimit të terrorizmit.
Qëllimi kryesor i këtij procesi është vlerësimi i efektivitetit të zbatimit të standardeve ndërkombëtare në Shqipëri për luftën kundër pastrimit të parave, kundër financimit të terrorizmit dhe kundër financimit të përhapjes, në përputhje me Metodologjinë dhe Standardet e rishikuara të FATF.
Në hapje të vizitës në terren, Zëvendëskryeministrja Albana Koçiu, e cila mikpriti në një takim të nivelit të lartë trupën e ekspertëve vlerësues të Komitetit MONEYVAL, - theksoi se angazhimi i institucioneve shqiptare është i plotë dhe i qëndrueshëm, duke e parë këtë proces, jo thjesht si një detyrim ndërkombëtar, por si një mundësi për të përmirësuar më tej funksionimin e sistemit financiar dhe reputacionin e Shqipërisë në arenën ndërkombëtare.
“Ne e shohim këtë vlerësim, jo vetëm si një detyrim, por si një mundësi për të përmirësuar më tej sistemin tonë, për të rritur transparencën dhe për të ndërtuar besim të qëndrueshëm me partnerët tanë ndërkombëtarë. Si përfundim, dëshiroj të theksoj edhe njëherë angazhimin, seriozitetin dhe përkushtimin e të gjitha institucioneve shqiptare për zbatimin me rigorozitet të rekomandimeve të FATF dhe MONEYVAL, si dhe për rritjen e mëtejshme të efektivitetit të sistemit tonë parandalues, për të vazhduar demonstrimin se Shqipëria vazhdon të jetë një partner i besueshëm në arenën ndërkombëtare.” – u shpreh ajo në takimin e mirëseardhjes.
Ndërkohë që gjatë dy javëve të qëndrimit, ekipi i vlerësimit të MONEYVAL u takua edhe me përfaqësues të agjencive kyçe përkatëse të vendit, duke përfshirë ministritë, autoritetet e zbatimit të ligjit dhe mbikëqyrës, dhe agjenci të tjera operacionale. Takimet u zhvilluan edhe me përfaqësues të sektorit privat, duke përfshirë banka dhe institucione të tjera financiare, si dhe organizata jofitimprurëse.
Ekipi i vlerësimit përbëhet nga ekspertë të MONEYVAL me përvojë ligjore, financiare dhe në zbatimin e ligjit.
Dalja nga lista gri e FATF për pastrimin e parave dhe përmirësimi i vazhdueshëm i treguesve financiarë dhe ekonomikë tregojnë qartë progresin e Shqipërisë, duke forcuar pozicionin e vendit si një partner strategjik dhe i besueshëm ndërkombëtar.
Në mbyllje, të kësaj vizite, Zëvendëskryeministrja Albana Koçiu u shpreh lidhur me të:
“Shqipëria mirëpret misionin vlerësues të MoneyVal kundër pastrimit të parave dhe financimit të terrorizmit. Në vitin 2023 Shqipëria doli nga lista gri e vendeve me problematikë në pastrimin e parave, një arritje e rëndësishme sidomos në një kohë kur edhe vende të tjera përfshirë në Europë, mbeten ende pjesë e saj.
Formalizimi i ekonomisë, avancimi i qeverisë në luftën kundër pastrimit të parave, është përkthyer tashëm në më shumë besim dhe investime brenda sistemit bankar.
Një tjetër prioritet është ulja e përdorimit të cash-it dhe kalimi drejt një ekonomie digjitale dhe të gjurmueshme duke ndërtuar një sistem financiar më të fortë, më transparent dhe plotësisht në përputhej me standardet europiane.
Vetëm në fillim të këtij viti kemi 30% më shumë transaksione online apo 25% rritje të transaksioneve në euro. Ndërsa vetëm vitin që lamë pas kemi 13% rritje të kreditimit të ekonomisë dhe mbi 1.5 miliard euro investime të huaja direkte, një rekord historik ky.
Këta tregues flasin qartë; kapitali po qarkullon gjithnjë e më shumë, brenda sistemit bankar në kanale të monitoruara dhe transparente.
Paralelisht, kemi trefishuar rastet e bllokimeve dhe sekuestrimeve të aseteve me origjinë të dyshimtë. Ndërkohë ligji i miratuar forcon ndjeshëm mekanizmat për monitorimin dhe bllokimin në kohë reale të transaksioneve të dyshimta.
Tani, teknologjitë e reja dhe inteligjenca artificiale, na japin mundësinë për të rritur edhe më tej efektivitetin e kësaj lufte.”
Europa zgjedh Gjermaninë, Shqipëria i qëndron Italisë/ Mbi një e katërta e tregtisë në vitin 2025 lidhej me vendin fqinj
Në hartën ekonomike të Europës, Gjermania shfaqet si qendra kryesore e gravitetit tregtar për shumicën e vendeve të kontinentit. Megjithatë, Shqipëria ndjek......
Pensionet e reja, llogariten me koeficientë indeksimi 6.4% - Vendimi, përfitojnë 40 mijë qytetarë që u lind e drejta për pension nga 1 janari 2026
Rreth 40 mijë qytetarë që u lind e drejta për pension nga data 1 janari 2026, do të kenë të ardhura mujore të llogaritura me koeficientët e......
Skemat lehtësuese për energjinë - Qindra familje, biznese e institucione përfitojnë ulje kamatëvonesash
Skemat lehtësuese për shlyerjen e detyrimeve të prapambetura të energjisë elektrike po japin rezultatet e para konkrete, teksa qindra familje dhe biznese......
SHBA, stop lejeve për energjinë e erës në det - Do të fokusohen tek investimet në karburante fosile
Administrata e Presidentit Donald Trump tha se kishte arritur një marrëveshje për t'i dhënë fund dy kontratave të tjera me qira të energjisë eolike në det të......
Interneti, ku renditet Shqipëria për shpejtësinë? Mbajmë pozicion mesatar global, por ngjitemi në “top 3” në rajon
Shpejtësia e internetit është kthyer në një nga treguesit më të rëndësishëm të zhvillimit dhe cilësisë së jetës në një vend. Në një kohë kur puna, arsimi dhe......
Çmimi i lartë i naftës, qytetarët rrisin konsumin! - Në Mars 2026, u importuan 53.5 mijë tonë karburante
Pavarësisht rritjes së çmimit të karburanteve në muajin Mars 2026, importi dhe konsumi sërish rezultojnë me rritje krahasuar me një vit më parë. Referuar......
Largimi nga lëndët djegëse fosile - Takimi i 60 shteteve, ndërsa lufta në Iran rrit çmimet
Rreth 60 shtete, përfshirë Brazilin, Gjermaninë, Kanadanë dhe Nigerinë, do të mbajnë takimin e parë këtë javë për të diskutuar heqjen graduale të lëndëve......
Kursi i këmbimit/ Forcohet Dollari dhe Paundi. Franga humbet pikë!
Dollari amerikan ka regjistruar rritje të lehtë të vlerës mëngjesin e sotëm në raport me një ditë më parë duke e nisur ditën pozitivisht teksa është blerë me......
