Epoka e telefonisë fikse po mbyllet/ AKEP: Interneti kthehet në shërbimin kryesor të komunikimit në vend
Interneti po konsolidohet gjithnjë e më shumë si mjeti kryesor i komunikimit në Shqipëri, ndërsa shërbimet tradicionale po humbasin gradualisht përdorues. Këtë e konfirmojnë të dhënat e fundit të Autoritetit të Komunikimeve Elektronike dhe Postare për tremujorin e tretë të vitit 2025, të cilat tregojnë një zhvendosje të qartë të qytetarëve drejt shërbimeve digjitale.
Sipas raportit, numri i pajtimtarëve me akses broadband nga rrjetet fikse ka arritur në rreth 711 mijë, duke shënuar rritje të qëndrueshme si në krahasim me tremujorin e mëparshëm, ashtu edhe me të njëjtën periudhë të një viti më parë. Kjo rritje lidhet kryesisht me nevojën në rritje për internet në familje, për punë, arsim, shërbime online dhe argëtim.
Zgjedhja më e shpeshtë e qytetarëve mbetet paketa “Vetëm Internet”, e cila përdoret nga mbi gjysma e pajtimtarëve. Në të njëjtën kohë, interesimi për paketat e kombinuara që përfshijnë edhe telefoninë fikse vijon të bjerë, duke reflektuar një ndryshim të qartë në mënyrën e komunikimit. Ndërkaq, paketat që bashkojnë internetin me televizionin mbajnë ende peshën kryesore mes ofertave të integruara.
Në kahun tjetër, telefonia fikse po përjeton rënie të vazhdueshme. Numri i përdoruesve ka zbritur në rreth 155 mijë, një tregues i qartë se ky shërbim po braktiset gjithnjë e më shumë nga qytetarët, të cilët po e zëvendësojnë me komunikimin përmes internetit dhe telefonisë celulare.
Ndryshime vërehen edhe në tregun celular. Gjatë tremujorit të tretë të vitit 2025 ka pasur rritje të përdoruesve krahasuar me tremujorin e mëparshëm, megjithatë në krahasim vjetor shifrat mbeten më të ulëta. Pavarësisht kësaj, përdorimi i internetit nga rrjetet celulare po zgjerohet ndjeshëm dhe tashmë shumica e përdoruesve celularë janë aktivë online, kryesisht për rrjete sociale, aplikacione komunikimi dhe shërbime digjitale.
Të dhënat tregojnë se tregu i komunikimeve elektronike në Shqipëri po kalon një transformim të qartë drejt shërbimeve digjitale, ndërsa format klasike të komunikimit po humbasin gradualisht rëndësinë e tyre në jetën e përditshme të qytetarëve.
Ngrihet Agjencia Kombëtare e Ekonomisë së Mbetjeve/ Shoqëri aksionare me kapital 100 % shtetëror, shërbim kundrejt pagesës
Shqipëria do të ketë një Agjenci të posaçme për menaxhimin e mbetjeve, me qëllim krijimin e të ardhurave prej tyre. Vendimi i publikuar në Fletoren Zyrtare......
Wizz Air “pushton” qiellin shqiptar/ Kryeson si linja më e përdorur, Rayan Air mban vendin e dytë
Tregu i transportit ajror në Shqipëri gjatë vitit 2025 është karakterizuar nga një dominim i qartë i linjave ajrore me kosto të ulët, ku Wizz Air dhe Ryanair......
Ministri Salla në Shkodër dhe Malësi të Madhe: Dëgjesa me fermerët për hartimin e Skemës Kombëtare 2026
Ministri i Bujqësisë dhe Zhvillimit Rural, Andis Salla, në vijim të turit të dëgjesave me fermerët për hartimin e Skemës Kombëtare 2026, zhvilloi sot takime......
Ministrja Ibrahimaj: Eksportet shqiptare në rritje, politika të reja për forcimin e tyre
Ministrja e Ekonomisë dhe Inovacionit, Delina Ibrahimaj, gjatë konferencës mujore me median për analizën e treguesve më të fundit ekonomikë, theksoi, se......
Shqipëria nis prodhimin e municioneve këtë vit! - Vengu: Kemi 6 kontrata gati. Uniforma, mjete taktike dhe emergjence “Made in Albania”
Këtë vit, Shqipëria do nisë prodhimin e municioneve, uniformave, mjeteve taktike dhe emergjencave. Në Komisionin Parlamentar për Evropën dhe Punët e......
12.4 mln të huaj vizituan Shqipërinë gjatë 2025-ës/ Europa Jugore kryesoi fluksin e turistëve përgjatë vitit
Sipas të dhënave më të fundit nga INSTAT për muajin Dhjetor, rezulton senë territorin e Shqipërisë kanë hyrë rreth 1.5 milionë shtetas shqiptarë dhe të huaj,......
Rreth 23 mijë shqiptarë dolën çdo ditë nga vendi/ Toka, ajri apo deti, cila është mënyra më e preferuar e udhëtimit?
Në vitin 2025, 8.5 milion dalje nga territori të shqiptarëve e vendosin vendin tonë në një ritëm lëvizjeje të jashtëzakonshëm. Ky është tregues i një......
Dy realitete: perimet i mbulojnë importet, frutat jo/ Shqipëria prodhon për eksport, por konsumon fruta të shtrenjta nga importi
Në vitin 2025, importet e zarzavateve dhe rrënjëve të ngrënshme arritën në rreth 4.35 miliardë lekë, ndërsa në peshë kapën 69.4 mijë ton. Këto nivele janë më......
