Drejtësia drejt zgjerimit masiv - Propozohen mbi 500 vende të reja pune
Sistemi gjyqësor shqiptar pritet t'i nënshtrohet një zgjerimi të konsiderueshëm të personelit gjatë katër viteve të ardhshme, me krijimin e 503 pozicioneve të reja të punës, nga të cilat 438 të përhershme dhe 65 të përkohshme. Propozimi është pjesë e studimit të miratuar nga Këshilli i Lartë Gjyqësor më 29 tetor 2026, i cili synon rritjen e kapaciteteve të gjykatave dhe reduktimin e stokut të çështjeve të prapambetura. Zbatimi parashikohet të realizohet gradualisht gjatë periudhës 2027–2030, në varësi të financimit, kandidatëve dhe infrastrukturës.
Sipas dokumentit, zgjerimi përfshin 102 vende të reja të përhershme për gjyqtarë dhe të paktën 336 pozicione për personelin mbështetës, nga të cilat 102 ndihmës ligjorë dhe 234 nëpunës civilë gjyqësorë. Paralelisht, propozohet krijimi i një kapaciteti të përkohshëm prej 9 gjyqtarësh dhe 56 punonjësish mbështetës në Gjykatën e Lartë. Në këtë mënyrë, organika e përhershme e gjyqtarëve do të rritej nga 417 në 519 vende, ndërsa gjatë aktivizimit të paketës së përkohshme mund të arrinte në 528.
Nevoja për zgjerimin e sistemit lidhet me numrin e lartë të dosjeve të prapambetura dhe kohën e gjatë të trajtimit të tyre. Sipas të dhënave të vitit 2025, vetëm Gjykata e Apelit të Juridiksionit të Përgjithshëm kishte një stok prej 45,876 çështjesh të papërfunduara, ndërsa Gjykata Administrative e Apelit numëronte 24,530 dosje. Në Gjykatën e Lartë rezultonin edhe 16,445 çështje të tjera, duke e çuar në 86,851 numrin e dosjeve në pritje vetëm në këto tri gjykata.
Veçanërisht problematike paraqitet situata në Apelin Administrativ, ku koha teorike e përpunimit të çështjeve, e llogaritur sipas treguesve europianë të eficiencës gjyqësore, arrin në 2,634 ditë, ose rreth 7.2 vite. Në Apelin e Juridiksionit të Përgjithshëm, ky tregues arrin në 1,507 ditë, ekuivalente me 4.1 vite, ndërsa në Gjykatën e Lartë në 873 ditë, ose rreth 2.4 vite. Këto shifra nuk përfaqësojnë kohëzgjatjen reale të çdo procesi gjyqësor, por kohën teorike që do të nevojitej për përpunimin e stokut me ritmin aktual të përfundimit të çështjeve.
Objektivi i reformës është që deri në vitin 2030 të frenohet krijimi i dosjeve të reja të prapambetura dhe të reduktohet gradualisht stoku ekzistues, veçanërisht për çështjet që presin prej më shumë se tre apo pesë vitesh. Zgjerimi i propozuar i sistemit gjyqësor me 503 pozicione të reja pune do t'i kushtojë buxhetit të shtetit rreth 1.22 miliardë lekë në vit. Sipas përllogaritjeve zyrtare të Këshillit të Lartë Gjyqësor, kjo shumë mbulon vetëm shpenzimet e personelit, ndërsa investimet në infrastrukturë dhe teknologji do të kërkojnë financime shtesë. Propozimi është aktualisht në fazën e konsultimit me institucionet përgjegjëse dhe publikun, proces që përfundon më 30 nëntor 2026. Hapja konkrete e vendeve të punës do të kërkojë vendimmarrjen përkatëse dhe zbatimin me faza të planit të zgjerimit.
9.94 mld lekë për portin e ri - Planifikohet financimi i Porto Romanos, vlera totale e projektit 47.18 mld lekë
Gati 9.95 mld lekë parashikohen në projektbuxhetin e vitit 2027 për fazën e parë të ndërtimit të portit të ri tregtar në Porto Romano. Investimi përfshihet në......
Tatimet mbledhin 45 milionë euro vetëm në Tetor
Pavarësisht rënies së volumeve tregtare si pasojë e protestave, të ardhurat tatimore edhe përgjatë muajit tetor të këtij viti kanë ardhur në rritje duke......
Ndryshon punësimi në shtet - Rama: Hyrja në administratën publike, me provim. Krijohet Regjistri Kombëtar i Talenteve
Plani i ri i qeverisë për rekrutimin e punonjësve në administratën publike në bazë të meritokracisë, do të përfshijë realizimin e një testimi unik kombëtar......
Fonde për sigurimet shoqërore - Ibrahimaj: 70% e buxhetit të ministrisë, për financimin e diferencës së skemës
Pjesa më e madhe e buxhetit të Ministrisë së Ekonomisë dhe Inovacionit për vitin 2027 do të shkojë për financimin e diferencës të skemës së sigurimeve......
Ekonomia fiton besim - BSH: Shërbimet dhe industria më optimiste, ndërsa ndërtimi dhe tregtia shënojnë rënie
Besimi i bizneseve dhe konsumatorëve në ekonomi është përmirësuar gjatë muajit tetor, por jo në të gjithë sektorët. Sipas vrojtimit më të fundit të Bankës së......
Turizmi, synimi sfidon shifrat/ Sa realiste janë parashikimet për 15.5 milionë të huaj në vitin 2027?
Qeveria synon 15.5 milionë hyrje të shtetasve të huaj në vitin 2027. Projeksioni i “Scan Intel” tregon se për arritjen e këtij objektivi do të nevojitej një rritje prej rreth 18.5%, ndjeshëm më e lartë se ritmi aktual.
Hakerët godasin sërish - Sulmi përhapet në supermarketet europiane, frigoriferët arrijnë 50 gradë C
Një valë e re sulmesh kibernetike ka goditur supermarketet në Europë, duke vënë në shënjestër sistemet e frigoriferëve dhe ngrirësve në disa vende. Incidentet......
75.4 mld lekë për infrastrukturën - Projektbuxheti 2027, investime në rrugë, porte, hekurudha dhe ujësjellës
Komisioni parlamentarpër Burimet Natyrore, Infrastrukturën dhe Zhvillimin e Qëndrueshëm ka diskutuar projektbuxhetin 2027, ku Infrastruktura dhe energjia zënë......
