Çudirat me pagat në Shqipëri/ Kukësi dhe Dibra me paga më të larta se Durrësi dhe Fieri, por me peshë në ekonomi gati 5 herë më të ulët. Informaliteti, "shtrembëron" shifrat
Mirëqenia, të paktën në nivel të ardhurash është padiskutim e përqëndruar në Tiranë, por nga një analizë e pagës mesatare bruto sipas qarqeve (drejtorive tatimore rajonale më saktësisht), bien në sy edhe disa qarqe të tjera surprizë. “Scan Intelligence Unit” ka analizuar pagat pikërisht sipas qarqeve, ku përfshihet edhe Saranda si drejtori tatimore rajonale. Të dhënat i referohen muajit prill të vitit të kaluar, pra të dhënave të rrjedhura pak kohë më parë mbi pagat e shqiptarëve. Në këtë analizë do të shohim jo vetëm pagën mesatare sipas qarqeve, por edhe lidhjen që paga ka me peshën specifike të secilit qark në strukturën e PBB-së së vendit, apo edhe lidhjen me peshën e pagës minimale.
Tirana është e para në renditje, me një pagë mesatare bruto pranë 57.338 lekëve. Por, surprizë janë dy vendet që ndjekin. Dibra vjen fill pas Tiranës, me një pagë mesatare bruto pranë rreth 53.778 lekësh, ndërkohë që Kukësi mban vendin e tretë me rreth 53.694 lekë pagë mujore bruto mesatarisht. Elbasani dhe Gjirokastra ndërkohë mbyllin 5 vendet e para të listës. Por edhe dy vendet e fundit në këtë renditje vijnë suprizë. Me një pagë mesatare bruto mujore prej rreth 47 mijë lekësh, Fieri mban vendin e parafundit, ndërkohë që Durrësi është në vend të fundit, me rreth 46 mijë lekë pagë mujore mesatarisht. Këto dy qarqe, paradoksalisht, mbajnë vendin e dytë dhe të tretë pas Tiranës, sa i përket peshës së tyre në strukturën e Prodhimit të Brendshëm Bruto të vendit, referuar të dhënave të fundit në dispozicion, atyre të vitit 2019. Më saktësisht, Durrësi përfaqëson rreth 10.18% të Prodhimit të Brendshëm Bruto të Shqipërisë, ndërsa Fieri 11.07%. Nga krahu tjetër, Dibra që është në vend të dytë sa i përket pagës mesatare bruto, është qarku i tretë nga fundi sa i përket peshës në strukturën e PBB, ndërsa Kukësi që mban vendin e tretë sa i përket pagës mesatare është i fundit në drejtim të peshës ndaj PBB-së, me vetëm 1.61%. Korrelacioni mes pagës mesatare bruto dhe peshës së qarkut në PBB e vendit nxjerr në pah të dhëna të tjera interesante edhe për qarqe të tjera, ku në sy bie fakti se vetëm Tirana dhe Shkodra duket të kenë një përputhshmëri mes dy indikatorëve.
Të dhënat e pagës mesatare bruto nxjerrin gjithashtu në pah një tjetër problematikë; informalitetin e lartë në paga. Në rast se shohim peshën e atyre që marrin një pagë minimale (30 mijë lekë), mbi totalin, ka një diferencë të madhe nga qarku në qark. Qarku me peshën më të madhe të atyre që marrin një pagë minimale mbi totalin është Shkodra, me rreth 43%. Edhe Sarandën e shohim në të njëjtat nivele, por duke e marrë si një qark të vetëm me Vlorën, norma zbret pranë rreth 41%. Durrësi, Fieri dhe Lezha ndjekin në renditje, me një peshë mes 40-41%. Nga krahu i kundërt i tabelës ndërkohë, pra si qarqet me peshën më të ulët të atyre që marrin një pagë minimale mbi totalin, gjëjmë Kukësin, me rreth 26% dhe Dibrën me vetëm 23%. Informaliteti në paga është një problematikë e kahershme, e cila doli sërish në pah me publikimin e të dhënave mbi pagat.
Një përqindje e lartë e atyre që marrin një pagë minimale, sinjalizon, paçka se jo domosdoshmërisht, por në mënyrë indirekte, një informalitet më të lartë. Aty ky pesha e pagës minimale është më e ulët, atehërë edhe informaliteti është më i ulët, dhe për rrjedhojë, shifrat e pagës mesatare bruto janë më të përafërta me realitetin. Qarqe si Durrësi apo Fieri duket të kenë një problem të lartë me informalitetin po të kemi parasysh këta indikatorë, pra përqindjen e lartë të atyre që marrin një pagë minimale, pagën mesatare mjaft të ulët krahasuar me qarqet e tjera, si dhe korrelacionin mes këtyre treguesve dhe atij të peshës së këtyre qarqeve në ekonominë e vendit.
Sondazh
“4iG” merr 55% të tregut të telefonisë në Shqipëri/ Aprovohet blerja e “ONE”. Tregu do mbetet me 2 operatorë, “Vodafone” zbret në vend të dytë
Kompania “4iG” dhe “ONE” në Shqipëri kanë njoftuar aprovimin e marrëveshjes dhe blerjen e “Albania Telekom Invest AD”, kompanisë që zotëron 99.899% të......
"Indeksi Global i Fuqisë së Butë"/ Shqipëria renditet e fundit në rajon dhe mes vendeve të fundit në botë
“Brand Finance” ka publikuar së fundmi studimin në kuadër të “Fuqisë së Butë” (Global Soft Power Index, 2022). Koncepti i fuqisë së butë ka të bëjë me......
70% më shumë kërkesa për azil/ Shqipëria, vendi me numrin më të lartë të azilkërkuesve europianë gjatë vitit 2021
Të dhënat nga "Agjencia për Azil e Bashkimit Europian" (EUAA), tregojnë se numri i aplikimeve për azil nga shqiptarët gjatë vitit 2021 regjistrohet në 11,066,......
Shqipëria, vendi më i palumtur në rajon/ “Raporti Global i Lumturisë 2022”, jemi të 90-tët në botë, Kosova e 32-ta
Shqipëria renditet në vendin e 90-të në botë ndër 146 vende sa i përket lumturisë, thotë “Raporti Global i Lumturisë 2022”. Krahasuar me raportin e vitit të......
Inflacioni në 4% sipas "EUROSTAT"/ Në shkurt çmimet u rritën më pak se në Europë, renditemi në vend të tretë nga fundi
Norma e inflacionit gjatë muajit shkurt është ngjitur pranë 4.0%, sipas metodologjisë së "EUROSTAT" për matjen e ndryshimit të çmimeve të konsumit. Nga ana......
Shërbimet rriten në shitje, punë dhe paga/ Hotelet dhe agjencitë e udhëtimit me rritjen më të madhe, deri në 169%
Aktiviteti i shërbimeve shihet të ketë pësuar ndryshime pozitive për tremujorin e katërt të vitit 2021, krahasuar më vitin paraardhës, pothuaj në të gjithë......
Si kanë ndryshuar pagat dhe çmimet në 8 vite/ Që prej 2014-ës pagat janë rritur me 29.6%, fruta-perimet me 120.5%
“Scan Intelligence Unit” ka analizuar ecurinë e pagave dhe të çmimeve të konsumit gjatë 8 viteve të fundit, për të kuptuar se si ka peshuar në xhepat e......
Turizmi shënon rritje në janar/ 2 herë më shumë netë qëndrime në strukturat akomoduese se në vitin 2021
Turizmi e ka nisur me rritje vitin 2022 tregojnë të dhënat më të fundit nga "Instituti i Statistikave". Shifrat sinjalizojnë se gjatë muajit janar të këtij......
