“Novatorët, kapital strategjik njerëzor për vendin” - Rama, në Hackathon: Për ju që keni ide, do të ofrojmë mbështetjen tonë të plotë
Qeveria shqiptare do të ofrojë më tepër mbështetje për të gjithë të rinjtë që kanë një ide inovatore. Së fundmi, u hap një thirrje për ata që kishin një ide se si inteligjenca artificiale mund të zgjidhë probleme në edukim apo shëndetësi. Nga 161 aplikime, vetëm 21 kaluan fazën e parë.
Në Forumin e Investimeve BE-Ballkani Perëndimor po mbahet kjo nismë që bashkon krijuesit inovatorë, startup-et, sipërmarrësit, investitorët, politikat publike të vendeve të Ballkanit Perëndimor dhe Bashkimit Evropian. Në hackathon ishte i pranishëm edhe Kryeministri Edi Rama.
“Ne kemi rënë dakord brenda nesh të çojmë përpara procesin duke hapur dyert e qeverisë për të gjithë inovatorët dhe duke krijuar një hapësirë të përbashkët me bërthamë agjencinë e ekselencës që ne e kemi krijuar para pak kohe dhe që të cilën do ta vëmë në dispozicionin tuaj dhe të gjithë inovatorëve. Kjo do të thotë që duam që startup-et, inovatorët të kenë mundësi të aksesojnë institucionet dhe duke aksesuar institucionet të kenë mundësi të shohin nga afër problematikat, por dhe të shfrytëzojnë të dhënat e tyre, të shfrytëzojnë statistikat e tyre, të shfrytëzojnë të gjithë atë brumë që pastaj është baza e zgjidhjeve përmes inteligjencës artificiale dhe të krijimit të modeleve të inteligjencës artificiale”, theksoi Kryeministri.
Rama u shpreh se novatorët përbëjnë një kapital strategjik njerëzor për vendin.
“Ne kemi sfidën të krijojmë një akselerator shumë të fuqishëm në mbështetje të ministres sonë të inteligjencës artificiale që është vet inteligjencë artificiale dhe natyrisht që ky akselerator do të bazohet tek ju, tek kapitali njerëzor që ne kemi brenda AKSHI-t apo brenda agjencisë së ekselencës dhe me këtë sinergji do të mundohemi që çdo njërit nga institucioneve qendrore t’i zgjerojmë trurin me inteligjencën artificiale. Ky është plani. Duke qenë se këtu në këtë pikë fokusohet edhe ambicia për zhvillime befasuese, atëherë kjo iu bën të gjithëve ju jashtëzakonisht të rëndësishëm. Një kapital strategjik njerëzor për vendin tonë”, tha Rama.
Nga hackathon-i do të zgjidhet vetëm një fitues që do të ndjekë eventin më të famshëm të start up-eve, SLUSH, në Helsinki.
Shqipëria afrohet me mesataren europiane/ Shkalla e punësimit 74.1% në 2024 kundrejt 75.8% në BE
Vit pas viti, tregu i punës në Shqipëri po shënon përmirësime të qëndrueshme, sipas statistikave zyrtare. Analiza e “Scan Intel” për grupmoshën 20-64 vjeç......
“400 mln euro nga projektet me BE” - Manjani: Letrat e qëllimit treguan përpjekjet e para për të forcuar lidhjet ekonomike
Nga letrat e qëllimit që u nënshkruan në ditën e parë të Forumit të Investimeve BE-Ballkani Perëndimor, pritet të zbatohen projekte në një vlerë prej 400......
Sistem për identifikimin e parcelave të tokës - Çfarë është LIPS? Kod unik për çdo parcelë, dalin në pah sipërfaqet djerrë
Në Shqipëri së shpejti do të implementohet Sistemi i Identifikimit të Parcelave të Tokës (LIPS), duke i dhënë zgjidhje problematikave me mbivendosjen e......
Sa lekë harxhojmë për duhan dhe alkool? Edukimi dhe shëndetësia mbeten në plan të dytë, pas “veseve”
Të dhënat më të fundit për shpenzimet mujore mesatare të familjeve shqiptare tregojnë një panoramë domethënëse mbi prioritetet ekonomike dhe sociale. “Scan......
Anëtarësimi i Shqipërisë në BE, mes gjeopolitikës e meritës - Unioni, vëmendje maksimale në rajon. Si dhe pse ndryshoi kjo qasje?
“E ardhmja e Ballkanit Perëndimor është në Bashkimin Evropian”, këto ishin disa nga fjalët e Presidentes së Komisionit Evropian në ditën e parë të Forumit të......
Nga siguria te investimi: ALBSIG mirëpret median në mjediset moderne në Downtown One
ALBSIG, pjesë e Grupit Kastrati, mirëpriti përfaqësues të mediave në ambientet e reja në ndërtesën ikonike Downtown One, ku u zhvillua një konferencë për......
Rekord vizitorësh në sitet kulturore dhe historike - Kryeministri Rama: Rritje me 57% krahasuar me vitin e kaluar
Numri i vizitorëve të huaj në sitet tona kulturore dhe historike, po njeh gjithnjë e më shumë rritje. Kryeministri Edi Rama, bën të ditur me anë të një......
“Nuk ka kohë për të pritur”! - Von der Leyen në Malin e Zi u bën thirrje investitorëve
"Mali i Zi ka potencial të jashtëzakonshëm, por investimet në ekonomi ende nuk e kanë arritur këtë potencial", tha Presidentja e Komisionit Evropian, Ursula......
