Çmimet e prodhimit dhe importit rriten ndjeshëm/ Me 17% dhe 10.7% në T1 2022, rriten edhe kostot e ndërtimit si pasojë e shpenzimeve për energji
Të dhënat e "Institutit të Statistikave" tregojnë për një rritje të indeksit të çmimeve të prodhimit, të çmimeve të importit si dhe rritje të indeksit të kushtimit në ndërtim për banesa gjatë tremujorit të parë të këtij viti. Kështu, indeksi i çmimeve të prodhimit regjistron rritje me 17%, krahasuar me të njejtën periudhë të një viti më parë dhe një rritje prej 12.5%, krahasuar me tremujorin paraardhës. Rritjen më të lartë të çmimeve e regjistron seksioni “Industi Nxjerrëse” me 28.5%, pasuar nga “Energjia elektrike, gaz, avull dhe me ajër të kondicionuar” me 22,4%, krahasuar me tremujorin e parë të vitit 2021. Nga ana tjetër, indeksi i çmimeve të prodhimit në seksionin “Industri përpunuese” ka shënuar rritje me 15,4%. Brenda këtij seksioni rritja më e madhe e çmimeve vërehet në aktivitetin “Përpunimi i koksit dhe rafineria e nënprodukteve të naftës” me 26,8%.
Por si kanë ndryshuar çmimet e importit? Shifrat tregojnë se indeski i çmimeve të importit për tremujorin e parë të vitit arriti në 111.7, duke shënuar rritje me 10.7%. Kjo rritje shihet të ketë ecur me hapa të shpejtë nëse do ta krahasonim me mesataren e rritjes së çmimeve të konsumit përgjatë tre muajve të parë të vitit, e cila regjistrohet rreth 4.5%. Çmimet e importit të produkteve në seksionin “Energjia elektrike, gazi, avulli dhe ajri kondicionuar” kanë shënuar rritje me 73,4%, e cila është dhe rritja më e lartë. Indeksi në seksionin “Industria përpunuese” shënoi një rritje me 8,6%. Nga ana tjetër, “Furnizimi me ujë, aktivitete të trajtimit dhe menaxhimit të mbeturinave, mbetjeve” ka regjistruar një rrije në tremujorin e parë të vitit me 3.8%, krahasuar me tremujorin e parë të vitit 2021. Nëse do ta krahasonim me tremujorin e katërt të vitit që lamë pas, pra tremujorin paraardhës, shifrat tregojnë se indeksi i çmimeve të importit është rritur me 6.1%.
“Scan Intel” ka analizuar ndër të tjera edhe indeksin e kushtimit në ndërtim për tremujorin e parë të vitit. Shifrat nga Instituti i Statistikave tregojnë se ndryshimi vjetor i indeksit të kushtimit në ndërtim në tremujorin e parë 2022 është 5,0%. Krahasuar me të njejtin tremujor të një viti më parë, rritja më e madhe e kostove në ndërtim vërehet në grupin “Shpenzime energjie” me 11,7%, pasuar nga grupet, “Shpenzime materiale” me 6,0%, “Shpenzime makinerie” me 3,8%, “Kosto të tjera” me 3,5%, “Shpenzime për paga” me 2,5% dhe “Shpenzime transporti” me 2,1%.
Sondazh
100 futbollistët më të kushtueshëm vlejnë sa gjysma e ekonomisë shqiptare/ Renditja atipike, përfaqësojnë 53% të prodhimit ekonomik vjetor, krahasimi me vendet e tjera
Observatori i Futbollit (CISE) ka rifreskuar shifrat e vlerave te 100 futbollistëve më të kushtueshëm të globit. Të 100 futbollistët në total kanë një vlerë......
Ndërtimi, rekord kreditimi gjatë prillit/ 5.5 mld lekë hua të re për sektorin, që zë 35% të totalit të huave për biznese
Muaji Prill ka shënuar rekord historik në vlerën totale të huave të reja të dhëna nga bankat për financim në nivel koorporatash jofinanciare, veçanërisht për......
“Ka një pako për ty”, industria me vlerë 2 mld lekë/ Fitime neto që variojnë nga 4%-6%
“Scan Intel” vijon analizën në bllok të tregjeve të caktuara, këtë herë me sektorin e shërbimeve postare dhe delivery. Ky cikël ka nisur fillimisht me......
Gati gjysma e popullsisë, në rrezik varfërie/ Eurostat: Shqipëria, e para në Europë, me një normë në 46.2%
Thuajse gjysma e popullsisë në vendin tonë është në rrezik varfërie apo përjashtimi social, thuhet në një publikim të fundit të Eurostat mbi objektivat e......
1 në 5 shqiptarë punon mbi 10 orë në ditë/ 237 mijë individë vlerësohet se punojnë më shumë se 49 orë në javë
Të dhënat më të fundit nga Instituti i Statistikave në lidhje me tregun e punës tregojnë se gati 1 në 5 shqiptarë të punësuar, me ose pa pagë, punojnë mbi 49......
Tirana sot vlen sa Shqipëria e 2006-ës/ Prodhon 7.2 mld euro në vit, ose 20 milionë euro në një ditë
Bazuar në të dhënat më të fundit të Ministrisë së Financave dhe Ekonomisë, Prodhimi i Brendshëm Bruto i vendit këtë vit vlerësohet në rreth 2.01 trilionë lekë,......
Kryeqytetasit, biznes me shtëpitë e tyre/ Çmimet e qirave ditore, 167% më të shtrenjta ditën e finales, në pak ditë, 3-fishohen apartamentet në dispozicion
Finalja e “Conference League” mes Romës dhe Feynoord që do të luhet këtë të mërkurë në Tiranë është padiskutim një eveniment i rrallë për vendin tonë. Çmimet e......
Biznesi i bulmetit/ Analiza e tregut, rreth 35 mln euro xhiro, fitime të ulta, 2 kompani kontrollojnë 65%
“Scan Intel” vijon analizën në bllok të tregjeve të caktuara, këtë herë me industrinë e përpunimit të qumështit. Ky cikël ka nisur fillimisht me laboratorët......
