Çmimet e larta të energjisë - A kërcënohet Gjermania nga trazira sociale?
Çmimet e energjisë mund të vazhdojnë të rriten në Gjermani në dimër. A kërcënohet vendi nga trazira sociale. Çfarë po bën politika?
Politikanët gjermanë në nivel federal dhe të landeve janë të alarmuar për shkak të mangësive në furnizim me gaz rus. Ata po shqyrtojnë paketa masash për të kursyer energji: nga fikja e ndriçimit të rrugëve deri te ulja e temperaturave në ndërtesat publike. Dhe gjithnjë e më shumë po i bëjnë apel qytetarëve që të reduktojnë konsumin privat të energjisë.
Në të njëjtën kohë, qeveria federale ka frikë se mund të ketë protesta të dhunshme në dimër. Ndoshta të nxitura nga grupe ekstremiste që duan të shfrytëzojnë situatën e tensionuar për qëllimet e tyre. Kancelari Olaf Scholz ishte çuditërisht i hapur për natyrën e tij të qetë. Në një intervistë për ARD-në, ai foli për "eksploziv social", nëse shumë njerëz marrin faturat e energjisë me rritje prej disa qindra eurosh më së voni deri në vjeshtë.
Ai e quajti gjendjen si një "fuçi sociale baruti" duke shtuar se kancelari dhe qeveria e tij po përpiqen të evitojnë shkaqet për trazira sociale.
Me fjalë të tjera, Scholz po u sinjalizon partnerëve të tij në koalicion, opozitës politike, liderëve të biznesit dhe shoqërisë civile, se në pyetje është siguria e brendshme e vendit, kur flitet për përgjegjësitë politike në krizën energjetike. Në pandemi, legjislatura shpesh dukej e papërgatitur, pavarësisht parashikimeve shkencore për përhapjen e ardhshme të virusit. Komunikimi ishte më shpesh reaktiv sesa proaktiv.
Në krizën aktuale, Bundestagu tashmë ka miratuar legjislacionin e krijuar për të lehtësuar barrën e rritjes së çmimeve të energjisë, veçanërisht për më të dobëtit në shoqëri. Në të njëjtën kohë, furnizuesit gjermanë të energjisë lejohen të kalojnë një pjesë të kostove të tyre tek konsumatorët.
Gjatë hartimit të masave, zyrtarët në ministri po përballen me një gjendje specifike: nga njëra anë, ato synojnë të mbrojnë veçanërisht personat me të ardhura të ulëta nga vështirësitë financiare, por të mos minojnë përpjekjet për kursime të energjisë. Lehtësime të mëtejme mund të ketë pas pushimeve verore. Por procesi i marrëveshjeve mund të zgjasë disa javë.
Partia më e vogël në koalicionin qeverisës, Partia Liberale (FDP), kontrollon financat. Ministri i Financave, Christian Lindner, e bëri të qartë se ai synon ta përdorë këtë fuqi për të kufizuar shpenzimet, pasi ai ruan vlerat e partisë së tij: taksa më të ulëta, shpenzimet më të ulëta dhe sa më pak ndërhyrje në ekonomi. Partnerët më të mëdhenj të FDP-së, Partia Socialdemokrate e Scholz-it dhe të Gjelbrit, nga ana tjetër, po bëjnë presion për më shumë ndihma për qytetarët.
Edhe nëse qeveria federale bie dakord për masat, mesazhi i saj mund të keqkuptohet, siç është parë edhe në kohë pandemie. Vetëm paratë dhe burimet nuk janë të mjaftueshme për të kapërcyer krizën. Me rëndësi është edhe mënyra e komunikimit.
Olaf Scholz, nga ana tjetër, fitoi zgjedhjet e vitit të kaluar edhe për shkak të stilit të tij të udhëheqjes pasive si Angela Merkel. Tani kjo mund të krijojë bindjen në opinion se anija qeveritare po shkon drejt një ajsbergu pa një kapiten në timon. Por Scholz ka ende kohë për t'i kthyer gjërat dhe për ta paraqitur veten si një projektues politik.
Zëvendësi i Scholzit, Robert Habeck, e ka kuptuar këtë. Si ministër i Ekonomisë dhe Klimës, politikani i Gjelbër u detyrua të marrë vendime të vështira që shpesh bien ndesh me vetëdijen e tij mjedisore. Sondazhet tregojnë se ai ka fituar pëlqimin e publikut, sepse i shpjegon hapur arsyet e vendimeve të tij dhe vendimet i merr në mënyrë transparente dhe të kuptueshme.
Ministria federale e Brendshme shpjegoi se mund të priten protesta të përmasave të ngjashme me ato kundër masave të mbrojtjes nga Corona - varësisht se sa kostot e energjisë dhe furnizimi i kufizuar me energji bëhen barrë e shoqërisë.
Kundërshtarët e masave kundër pandemisë dhe grupet e tjera që kanë dalë në rrugë gjatë pandemisë, për të protestuar kundër masave kufizuese, janë të zëshëm. Ata përfaqësojnë vetëm një pakicë të vogël të opinionit publik, megjithatë janë shumë të pranishëm në vëmendjen mediatike dhe politike.
Disa sociologë besojnë se në një vend si Gjermania, ku kultura politike e bazuar në konsensus dhe ndarja e pushtetit federal, kufizon shfrytëzimin e pakënaqësisë sociale, protestat bien më shumë në sy sesa në vendet e tjera në Europë. Si për shembull në Francë, ku ka një kulturë të gjatë protestash.
Jostabiliteti në Gjermani ka shpesh një konotacion negativ. Kjo lidhet, ndër të tjera, me betejat e përgjakshme në rrugë gjatë hiperinflacionit në Republikën e Vajmarit dhe me kapjen e mëvonshme të pushtetit nga nacionalsocialistët.
Modelet ekonomike sugjerojnë se inflacioni dhe çmimet e energjisë do të godasin në mënyrë disproporcionale më të rrezikuarit në vend, sepse ata që fitojnë më pak kanë më pak të ardhura për t'u përballur me kostot e larta. Kjo i bën ata më të prekshëm ndaj retorikës anti-qeveritare të disa grupeve. Nëse kjo nuk stabilizohet dhe frika nga rënia e përhershme rritet, mund të ndodhë që edhe në Gjermani të dalin më shumë njerëz në rrugë.
E . S / CAN
Sondazh
Hapet panairi i librit “Summer Book Fair” - Interes i lartë nga pushuesit e “Green Coast Resort & Residences”
Kjo verë vjen me aktivitete të larmishme në ‘Green Coast Resort & Residences’. ‘Summer Book Fair’ është aktiviteti i rradhës në kuadër të kalendarit të......
AKSHI: E-Albania rikthehet në normalitet të plotë! Cilat janë shërbimet ende jo funksionale?!
AKSHI njofton se shërbimet online për qytetarët dhe bizneset janë normalisht të aksesueshme konkretisht aktualisht, 1224 nga 1225 shërbime online që jepen në......
Holanda po kompenson pasagjerët për fluturimet e humbura ndërsa në aeroporte vijon kaosi!
Aeroporti Schiphol i Amsterdamit po kompenson pasagjerët që humbën fluturimet e tyre për shkak të radhëve të gjata të sigurisë. Aeroporti holandez është një......
Bregdeti, me ujë 24 orë në 2025-ën! - Qeveria zgjat me 2 vjet planet për furnizim të pandërperë. Objektivi synohej të arrihej në 2023-in
Teksa kthimi i Shqipërisë në një destinacion tërheqës turistik, cilësor dhe të qëndrueshëm është një nga qëllimet kryesore të qeverisë, furnizimi me ujë dhe......
Gjigandi gjerman i energjisë do të djegë qymyr shtesë pasi furnizimet me gaz rus po pakësohen!
Zyrtari kryesor financiar i firmës gjermane të energjisë RWE tha se do të djegë më shumë qymyr në një afat të shkurtër, por këmbëngul se planet e saj për të......
Borxhi publik mbi 70% deri në 2025 - Qeveria publikon parashikimet afatmesme, ekonomia rritje të moderuar tre vitet në vijim
Qeveria parashikon rritje të moderuar ekonomike në terma afatmesëm, në një kohë që borxhi publik do të vijojë të mbetet në nivele të larta. Në draftdokumentin......
Banka europiane pranon të përpunojë pagesën ruse të tranzitit të naftës në Europën Qendrore!
Një bankë europiane ka rënë dakord të përpunojë një pagesë për tranzitin e naftës ruse përmes Ukrainës, thanë rafineri sllovak Slovnaft sipas Reuters duke......
Kazakistani do të nisë eksportet botërore të naftës përmes Azerbajxhanit për të anashkaluar Rusinë!
Kazakistani pritet të shesë një pjesë të naftës së tij bruto përmes tubacionit më të madh të naftës në Azerbajxhan nga shtatori, pasi vendi kërkon alternativa......
