Çfarë përdorin shqiptarët për ngrohje?/ Mbi 1 në 2 familje, me dru zjarri. Kryeqytetasit, durrsakët dhe vlonjatët, me energji elektrike
Gjatë ditëve të ftohta të dimrit të gjithë drejtohemi drejt burimeve të ndryshme të ngrohjes për të sigurar një ambient më të ngrohtë dhe për t’u mbrojtur nga i ftohti. Po cilat janë burimet kryesore të ngrohjes për familjet shqiptare? “Scan Intelligence Unit”, ka bërë një analizë të të dhënave të “Vjetarit Statistikor” mbi burimet kryesore të ngrohjes për vitin 2020. Burimet kryesore të ngrohjes në familjet shqiptare për vitin 2020 janë drutë e zjarrit dhe qymyri, me 54,6 %, ndjekur nga energjia elektrike, me 38,8 % dhe gazi, me 5,8 %. Krahasuar me vitin 2019-të, ka rënë përqindja e familjeve të cilat kanë përdorur drutë e zjarrit si burim kryesor, me 0.1 pikë përqindje dhe është rritur përqindja e atyre që kanë përdorur energjinë elektrike. Nga ana tjetër rënie ka pësuar edhe përqindja e familjeve të cilat përdorin gazin, nga 6.2% gjatë 2019-ës, në 5.8% gjatë 2020-ës. Krahasuar me vitin 2019 ndërkohë, përdorimi i gazit për ngrohje thuajse është përgjysmuar, si numër familjesh.
Dibra është qarku me përqindjen më të lartë të familjeve, me 96.7%, të cilat kanë përdorur drutë e zjarrit si burim kryesor të ngrohjes për vitin 2020. Pas Dibrës, renditet qarku i Kukësit me përqindjen më të lartë të familjve të cilat ngrohen kryesisht me dru zjarri ose qymyr. Durrësi nga ana tjetër është qarku i cili ka përqindjen më të ulët të familjeve të cilat përdorin drutë e zjarrit për t'u ngrohur.
Sa i përket energjisë elektrike si burim ngrohje, është qarku i Tiranës i cili regjistron përqindjen më të lartë të përdorimit të energjisë si burim kryesor i ngrohjes, me 57,9 %. Dibra dhe Kukësi kanë përqindjen më të ulët të familjeve që përdorin energjinë elektrike si burim kryesor ngrohje, me 2% dhe 4.4% përkatësisht.
Durrësi regjistrohet si qarku me përqindjen më të lartë të familjeve të cilat përdorin gazin si burim për ngrohje, krahasuar me qarqet e tjera. Megjithëse Durrësi ka si burim kryesor të ngrohjes energjinë elektrike, janë 12.2% të familjeve të cilat gjatë vitit 2020 kanë përdorur gazin si burim të ngrohjes. Pas Durrësit ndjek qarku i Shkodrës më përqindjen më të lartë të përdorimit të gazit, me 8%. Shifrat tregojnë se Kukësi nuk e përdor gazin si burim energjie.
Sa i përket burimeve të tjera të ngrohjes siç janë nafta, gasoil dhe vajguri, kanë një përdorim në përqindje shumë të vogël, ku kryesisht regjistrohen në qarkun e Vlorës me 2,2% të familjeve përdoruese, ndjekur nga qarku i Beratit dhe Lezhës me 1.5% secili. Qarqe si Dibra dhe Kukësi nuk i përdorin hidrokarburet si burim të energjisë.
Sondazh
Fuqia Ushtarake, Shqipëria e 115-ta në botë/ Raporti i “Global Firepower": Renditemi të dytët në rajon, por përkeqësohemi në pikëzim
“PowerIndex”, indeksi i fuqisë ushtarake të shteteve, i finalizuar nga “Global Firepower", mat fuqinë ushtarake të 140 shteteve të ndryshme. Ky indeks e......
Pandemia “ndezi” dashurinë e shqiptarëve për bujqësinë! Bizneset në sektor zënë mbi 90% të rritjes së ndërmarrjeve aktive në 2020-ën
Në të gjithë Shqipërinë ka rreth 166 mijë biznese aktive, sipas të dhënave që i referohen vitit 2020, në rritje me 4,044 njësi krahasuar me vitin e pandemisë.......
Gjirokastër, gati 1 në 2 është pensionist/ Në Vlorë, Korçë, Berat, thuajse 1 në 3 banorë, Tirana, më e reja
Mes shumë treguesve të tjerë ekonomike dhe socialë, “Vjetari Satistikor rajonal 2021”, ka të dhëna dhe mbi mbrojtjen sociale dhe ndihmën ekonomike. “Scan......
Inflacioni në 3.8% sipas Eurostat/ Çmimet rriten më pak se në Europë, rritja mesatare vjetore për vitin 2021 në 2.3%
Metodologjia e Agjencisë Europiane të Statistikave për matjen e ndryshimit të çmimeve të konsumit, tregon se gjatë muajit dhjetor, inflacioni në vendin tonë......
Sa vlen shkollimi në Shqipëri? Arsimi i mesëm rreth 13 mijë lekë në muaj, i larti rreth 34 mijë, renditja sipas qarqeve
Shkollimi është padiskutim një prej elementëve më thelbësor të mirëqënies së një individi dhe të një familje. Këtë gjë e tregojnë edhe shifat më të fundit......
Konsumi u rrit me 1.5%/ Elbasani, Dibra dhe Gjirokastra me rritjen më të madhe, në Tiranë dhe Durrës, familjet u "shtrënguan" më shumë
“Vjetari Rajonal 2021”, i publikuar nga Instituti i Statistikave, mes shumë të dhënave të tjera, i referohet dhe shpenzimeve për konsum mujor të familjeve.......
Analiza e tregtisë së jashtme për 2021/ Efekti i inflacionit, rritja e hidrokarbureve, “shfaqja” e Arabisë Saudite
Tregtia e jashtme ka regjistruar një rritje vjetore mjaft të lartë gjatë vitit të kaluar, tregojnë shifrat më të fundit nga Instituti i Statistikave. “Scan......
Në cilat qytete paguhesh më shumë dhe në cilat më pak? Kryeqyteti dhe Dropulli në vend të parë, Himara në fund të listës
“Scan Intelligence Unit”, ndryshe nga analizat e tjera mbi pagën mesatare në vend, këtë herë ka sjellë për publikun një perceptim më të gjerë të statistikave,......
