Çfarë na shpëtoi nga epokat e akullnajave, fsheh më shumë jetë se pylli tropikal i Amazonës dhe ka një qarkullim prej 70 miliardë dollarësh?
Çfarë na shpëtoi nga epokat e akullnajave, fsheh më shumë jetë se pylli tropikal i Amazonës dhe çon një qarkullim prej 70 miliardë dollarësh? Përgjigje: rëra. Dhe çfarë e lindi matematikën, kompjuterët, xhamin, betonin dhe planetin tonë? Gjithmonë rëra. Ky material i paprekshëm, mbi të cilin shtrihemi gjatë verës, na ndikon më shumë sesa imagjinojmë: “Rëra është një nga aktorët kryesorë të jetës në Tokë”, thotë Michael Welland, një gjeolog britanik.
“Çdo sekondë gjenerohen miliarda kokrra rëre: secilës prej tyre i duhen shekuj për të udhëtuar nga malet në det, për t'u varrosur në shtratin e detit dhe për t'u kthyer në atmosferë me shpërthime vullkanike ose përplasje të pllakave tektonike.”
Rëra përbëhet nga minerale (kryesisht komponime silikoni: kuarci, argjila, graniti) të grimcuara nga era, akulli dhe uji.. Por rëra mund të bëhet edhe nga guaska, llavë vullkanike, koralet dhe ...mbetjet e peshqve papagall: ata janë krijuesit e plazheve të bardha të Karaibeve. Ky peshk ka një lloj sqepi me të cilin gëlltit koralet në kërkim të ushqimit: më pas nxjerr mbetjet e copëtuara, në masën 1 kg në vit. Për shkencën, në realitet, çdo material midis 0.06 dhe 2 mm mund të përkufizohet si rërë: prandaj edhe sheqeri, kripa ose fara.
Por rëra ka një ndikim global. Dhe çdo kokërr ka një identitet unik: mund të gjurmohet në shkëmbinjtë nga e ka origjinën. Sot rëra është materiali më i përdorur pas ujit. Çdo vit 40 miliardë tonë prej tij gërmohen në të gjithë botën: mund të ndërtohet një mur i lartë sa një ndërtesë 9-katëshe dhe aq i gjerë, për të gjithë Ekuatorin. Në fakt, rëra është përbërësi kryesor i betonit. Rëra përdoret për të bërë manikyr, plastikë, pasta dhëmbësh, kremra kundër diellit, bojëra. Dhe çipi kompjuterik: silici nxirret nga 99,99999% rërë e pastër kuarci.
Arkipelagjet artificiale. Kjo është arsyeja pse rëra drejton një biznes global prej 70 miliardë dollarësh. Me efekte kritike: shkakton 10% të emetimeve të CO2, kontribuon në erozionin e bregdetit dhe largon një burim natyror që nuk rinovohet. "Rëra e groposur në ndërtesa dhe asfalt nuk kthehet më në qarkullim," paralajmëron UNEP, programi i OKB-së për mjedisin. Mjafton të përmendim Dubain: ka gërvishtur 835 milionë tonë rërë nga shtrati i detit të Gjirit Persik për të ndërtuar arkipelagun artificial “Palmat” dhe “Bota”, me efekte të panjohura në jetën nënujore. Ose Singapori, i cili është zgjeruar me 20% falë rërës së importuar: tërheqjet masive kanë anuluar 24 ishuj indonezianë, duke hapur tensione politike me Malajzinë për kufijtë e rinj detarë.
Dhe ne duhet të falënderojmë gëlqerorët që përfunduan në oqeane nëse klima e Tokës mbetet e ekuilibruar. Gëlqerorët formohen kur shiu acid përzihet me rërën e silikatit të kalciumit. Nëse mbërrijnë në ujë të ftohtë, i cili i shkrin, detet lëshojnë CO 2, i cili ngroh atmosferën; nëse në vend të kësaj ata derdhen në ujëra të ngrohta, gurët gëlqerorë vendosen në shtratin e detit, duke mbajtur me vete CO 2. Është cikli silikon-karbon, një mekanizëm me anë të të cilit Toka ftohet kur temperatura rritet shumë dhe anasjelltas.
Rëra mund të jetë ngjitës: nëse mund të ndërtojmë kështjella rëre, kjo është falë tensionit sipërfaqësor midis ujit dhe ajrit, i cili lidh dy kokrra fqinje.
Shumë forma të jetës janë të fshehura në rërë, dhe disa ende nuk janë zbuluar. Nëse një pyll tropikal mund të presë 16 lloje (fila) organizmash, në rërë ka 22. Gaforre, mollëkuqe, akrepa, brumbuj, por edhe krijesa të padukshme më të vogla se një milimetër, psamonët. Ata ushqehen me gjethe, baktere, kafshë të ngordhura: falë tyre nëse i gjejmë plazhet të pastra - dhe plot gropa - edhe në gusht. Midis krijesave të rërës ka kafshë rezistente si tardigradët, të afta të mbijetojnë midis -200 ° C dhe +150 ° C.
Dhe strukturat më të vjetra në Tokë janë stromatolitet, sedimente të ndërtuara nga cianobakteret që kapin kokrra rëre me fijet e tyre: rëra ishte djepi i jetës. Dhe vetë planetët nuk janë gjë tjetër veçse rërë dhe pluhur ndëryjor të mpiksur së bashku gjatë miliona viteve.
Edel Strazimiri / SCAN
Sondazh
Hulumtimi: Varësia gjermane nga Kina po rritet 'me ritëm të jashtëzakonshëm'!
Ekonomia gjermane u bë më e varur nga Kina në gjysmën e parë të 2022, me investimet direkte dhe deficitin e saj tregtar duke arritur majat e reja, pavarësisht......
KESH blen energji me çmim rekord - Anuloi procedurën nga rritja e çmimeve, tender pas 6 ditësh me 106 euro/Mwh më shtrenjtë
Pavarësisht se 4 ditë më parë deklaroi se nevojat konsumatore për energji do të plotësohen nga prodhimi në Kaskadën e Drinit, Korporata Elektronergjetike......
Qeveria “nënvlerëson” Lekun - Rritet borxhi publik në valutë, 70 % e përbën Euro
Qeveria shqiptare po ndjek një politikë të kundërt me atë të vendosur për nxitjen e përdorimit të monedhës vendase në ekonomi. Raporti i Bankës së Shqipërisë......
“Vërshojnë” kreditë dhe kursimet në valutë - Leku mbetet zgjedhje e “detyruar” për qytetarët dhe bizneset
Pavarësisht masave të deeuroizimit të zbatuara nga Banka e Shqipërisë, duket se qytetarët kanë tendencë të zgjedhin më së shumti përdorimin e monedhave të......
Stoqet europiane bien ndërsa Dollari arrin në nivelin më të lartë të një muaji!
Indekset europiane të aksioneve ranë të premten pasi çmimet e prodhuesve gjermanë panë rritjen e tyre më të madhe të regjistruar ndonjëherë, ndërsa dollari......
Minatori kryesor i uraniumit rrit objektivin e prodhimit duke përmendur perspektivën rritëse bërthamore!
Prodhuesi më i madh në botë i uraniumit Kazatomprom , tha të premten, se ka rritur objektivin e tij të prodhimit për vitin 2024 duke përmendur kërkesën në......
SHBA dhe Tajvani forcojnë shkëmbimet tregtare - Reagon Kina: Do të marrim masat e duhura për të ruajtur sovranitetin
Shtetet e Bashkuara të Amerikës dhe Tajvani deklaruan se kanë nisur negociatat për një marrëveshje tregtare dypalëshe në fillim të kësaj vjeshte. Një......
Rusia parashikon dyfishim të çmimit të eksportit të gazit - Çmimi është rritur në krahasim me një vit më parë
Rusia parashikon se çmimi mesatar i eksportit të gazit do të dyfishohet këtë vit duke arritur deri në 730 dollarë për 1 mijë metra kub, para se të ulet......
