“Vërshojnë” kreditë dhe kursimet në valutë - Leku mbetet zgjedhje e “detyruar” për qytetarët dhe bizneset
Pavarësisht masave të deeuroizimit të zbatuara nga Banka e Shqipërisë, duket se qytetarët kanë tendencë të zgjedhin më së shumti përdorimin e monedhave të huaja sesa monedhën kombëtare. Referuar raportit të publikuar nga Banka Qendrore, vihet re se depozitat në valutë arritën në 53.2% të totalit të depozitave të klientëve në 6 mujorin e parë të vitit, rreth 1.4 pikë përqindje më lart se fundi i gjashtëmujorit të kaluar dhe 2.3 pp më lart se një vit më parë.
Ndërsa depozitat mbi një vit në monedhën vendase kanë ruajtur nivel të përafërt me fundin e gjashtëmujorit të kaluar, duke shënuar nivelin 14.5% të totalit të depozitave.
E thënë ndryshe, qytetarët shqiptarë kanë rritur kursimet në valutë të huaj përgjatë kësaj periudhe. E njëjta tendencë është shfaqur edhe në kahun e kreditimit. Kështu sipas raportit të Bankës së Shqipërisë, kreditë në valutë shënuan nivelin 51.2% të tepricës së kredive, ose 0.1 pp më shumë se fundi i dhjetorit 2021 dhe 1.4 pp më shumë se një vit më parë. Lajmi i mirë në këtë drejtim është rënia e vlerës dhe të peshës së kredisë në valutë të pambrojtur nga kursi i këmbimit.
Pra rastet kur të ardhurat janë në monedhën vendase dhe kreditimi në valutë. Kjo ecuri ndodh prej disa periudhash dhe përfaqëson një kontribut të rëndësishëm në uljen e profilit të rrezikut të portofolit të kredisë për bankat.
Kreditë e pambuluara ndaj rrezikut të kursit të këmbimit përbëjnë 34.3% të kredive në valutë, 2.8 pp më pak se fundi i gjashtëmujorit të kaluar dhe 7 pp më pak se një vit më parë. Banka e Shqipërisë vlerëson se gjatë periudhës janar - qershor 2022, luhatshmëria e monedhës vendase ka shënuar nivele të përafërta me periudhat e kaluara.
Kundrejt euros, leku është mbiçmuar lehtë në dy 3-mujorët e fundit. Kjo ecuri përkon me sjelljen sezonale të viteve të fundit, ku gjatë muajve mars-prill vihet re një mbiçmim i lekut ndaj euros. Paketa e masave për nxitjen e përdorimit të monedhës vendase ka nisur të zbatohet nga Banka e Shqipërisë që në muajin Shkurt 2018, bazuar në Memorandumin e Bashkëpunimit me Ministrinë e Financave dhe Ekonomisë, si dhe me Autoritetin e Mbikëqyrjes Financiare, por deri më sot rezultatet kanë qenë të papërfillshme.
Elisabeta Dosku / SCAN
Sondazh
Stoqet europiane bien ndërsa Dollari arrin në nivelin më të lartë të një muaji!
Indekset europiane të aksioneve ranë të premten pasi çmimet e prodhuesve gjermanë panë rritjen e tyre më të madhe të regjistruar ndonjëherë, ndërsa dollari......
Minatori kryesor i uraniumit rrit objektivin e prodhimit duke përmendur perspektivën rritëse bërthamore!
Prodhuesi më i madh në botë i uraniumit Kazatomprom , tha të premten, se ka rritur objektivin e tij të prodhimit për vitin 2024 duke përmendur kërkesën në......
SHBA dhe Tajvani forcojnë shkëmbimet tregtare - Reagon Kina: Do të marrim masat e duhura për të ruajtur sovranitetin
Shtetet e Bashkuara të Amerikës dhe Tajvani deklaruan se kanë nisur negociatat për një marrëveshje tregtare dypalëshe në fillim të kësaj vjeshte. Një......
Rusia parashikon dyfishim të çmimit të eksportit të gazit - Çmimi është rritur në krahasim me një vit më parë
Rusia parashikon se çmimi mesatar i eksportit të gazit do të dyfishohet këtë vit duke arritur deri në 730 dollarë për 1 mijë metra kub, para se të ulet......
Rritet çmimi i banesave të reja në Malin e Zi - Mesatarja në tremujorin e dytë të këtij viti është 1.375 euro për metër katror
Sipas të dhënave më të fundit, çmimi mesatar për metër katror i një apartamenti të ri në Mal të Zi është 1.375 euro, në tremujorin e dytë të këtij viti. Në......
Shtimi i burimeve të rinovueshme - BE synon të rrisë nxjerrjen e lëndëve të para
Komisioni Europian synon të rrisë prodhimin e lëndëve të para të nevojshme për energjinë e rinovueshme. Sipas Financial Times, planifikohet heqja e pengesave......
Zbulohet evazion gjigand në Greqi - 14 biznese shërbimi fshehën të ardhura prej 5,15 milionë euro
Auditimet e Autoritetit të Pavarur të të Ardhurave Publike në Greqi kanë zbuluar një evasion fiskal të jashtëzakonshëm. Kontrollet janë kryer në bizneset e......
Ether është rritur 100% që nga ‘fundosja’ e tij në qershor, duke tejkaluar masivisht Bitcoin!
Që nga fundosja në mes të qershorit, Ether ka tejkaluar masivisht Bitcoin pasi investitorët parashikojnë një përmirësim të madh të blockchain Ethereum. Bitcoin......
