Çfarë impakti ka patur ligji i ri i sigurimeve me Fondin e Kompensimit dhe Kartonin Jeshil?!
Ligji i ri “Për sigurimin e detyrueshëm në sektorin e transportit” ka dhënë impakt direkt në një përmirësim të ndjeshëm të situatës me Fondin e Kompensimit dhe Kartonin Jeshil, një vit e gjysmë pas hyrjes së tij në fuqi. Bazuar nga shifrat e raportuara nga shoqëritë e sigurimit dhe Byroja Shqiptare e Sigurimit, për dëmet e ndodhura pas datës 1 korrik 2021, objekt i Fondit të Kompensimit, aktualisht asnjë prej tyre nuk ka shkuar në gjykatë.
Gjithashtu, një pjesë e konsiderueshme e këtyre dëmeve (87%) janë paguar përmes praktikës së siguruesit të drejtpërdrejtë, si një nga risitë e ligjit, ku i dëmtuari në një aksident të shkaktuar nga një mjet i pasiguruar ose i paidentifikuar e ka kërkuar dëmshpërblimin te shoqëria e tij e sigurimit (një format i ngjashëm me sigurimin Kasko).
Byroja Shqiptare e Sigurimit trajton rastet e aksidenteve të Kartonit Jeshil, si edhe të Fondit të Kompensimit. Në të kaluarën, ka patur problematika në të dy këta komponentë, për shkak të mospagesës së dëmeve brenda afateve, si edhe numrit të konsiderueshëm të pazgjidhur të kërkesave për dëmshpërblim.
Sipas informacionit të publikuar akumulimi i këtyre rasteve ndër vite dhe problematikat e mbartura sollën edhe vendosjen e Byrosë Shqiptare të Sigurimit në statusin e monitorimit nga ana e Këshillit të Byrove, në tetor të vitit 2013. Përmirësimi i ndjeshëm i situatës së dëmeve te Byroja, falë ndryshimeve të fundit ligjore dhe monitorimit të shtuar nga ana e Autoritetit, sollën edhe daljen e Byrosë Shqiptare të Sigurimit nga monitorimi i Këshillit të Byrove në dhjetor të vitit të kaluar.
Disa nga ndryshimet e fundit ligjore që kanë dhënë impakt të ndjeshëm në përmirësimin e situatës së Byrosë janë:
- Krijimi i një fondi garancie për kartonin jeshil, ku çdo anëtar i Byrosë, i autorizuar për të lëshuar karton jeshil, duhet të depozitojë një garanci bankare pranë një banke të nivelit të dytë në Shqipëri, në favor të Byrosë, në shumën që përcaktohet nga asambleja e anëtarëve, por jo më të vogël se 250,000 euro. Gjithashtu, sa i përket Fondit të Kompensimit, ligji parashikon krijimin e një fondi garancie, që nuk mund të jetë më i vogël se 150 milionë lekë.
- Përveç fondit të garancisë, në rastin e Fondit të Kompensimit, Autoriteti i kërkon dhe monitoron anëtarët e Byrosë Shqiptare të Sigurimit në lidhje me mbajtjen e provigjoneve (rezervave) për të gjithë vlerën e dëmeve pezull objekt i Fondit të Kompensimit.
- Riorganizimi strukturor i Byrosë Shqiptare të Sigurimit, ku në pikën 3 të nenit 35, parashikohet se Byroja Shqiptare e Sigurimit organizohet në dy departamente të pavarura: Departamenti i Kartonit Jeshil dhe Departamenti i Fondit të Kompensimit.
- Trajtimi i rasteve të Fondit të Kompensimit përmes siguruesit të drejtpërdrejtë, ku palës së dëmtuar nga një aksident i shkaktuar nga një mjet i pasiguruar ose i paidentifikuar i lind e drejta ta kërkojë dëmshpërblimin te shoqëria e vet e sigurimit. Sipas shifrave të raportuara, që nga hyrja në fuqi e ligjit, në 1 korrik 2021, e deri në fund të vitit 2022, rreth 87% e rasteve Fond Kompensimi, janë trajtuar përmes siguruesit të drejtpërdrejtë.
Të gjitha ndryshimet ligjore kanë sjellë përmirësim të konsiderueshëm të situatës, si për dëmet Fond Kompensimi, ashtu edhe për Kartonin Jeshil. Përmirësimi i situatës me pagesat e prapambetura për Kartonin Jeshil solli edhe vendimin e Këshillit të Byrove për të ulur me rreth 1 milionë euro garancinë financiare që Byroja Shqiptare e Sigurimit duhet të mbajë për rastet e thirrjes së garancive.
E . S / SCAN
Sondazh
Pse Hungaria do të votojë kundër anëtarësimit të Kosovës në BE, duke çuar më tej tensionet?!
Hungaria ka rinovuar mbështetjen e saj për Serbinë në strategjinë e saj për të penguar ofertën e Kosovës për anëtarësim në BE, si me OKB-në ashtu edhe me......
Shefi i OKB-së paralajmëron: Sundimi i ligjit rrezikon të kthehet në 'sundim të paligjshmërisë'!
Sekretari i Përgjithshëm i Kombeve të Bashkuara, António Guterres paralajmëroi se sundimi i ligjit rrezikon të kthehet në "sundimin e paligjshmërisë", duke......
Shqipëria ‘hua shtesë’ Fondit Saudit për Zhvillim – Rreth 45 milion euro për ndërtimin e rrugës Tiranë–Elbasan–Qukës–Qafa e Plloçës
Nëpërmjet një njoftimi të publikuar në Fletoren Zyrtare, bëhet me dije se është ratifikuar marrëveshja e huas ndërmjet Këshillit të Ministrave të Republikës së......
'Veprim më i ashpër ndaj pastrimit të parave' - Zvicra mbetet ‘një pikë e nxehtë’ për korrupsionin financiar të korporatave!
Prokurorët zviceranë duhet të zbatojnë ligjet kundër pastrimit të parave në mënyrë më efektive pasi vendi mbetet një pikë nxehtë për korrupsionin financiar të......
Java mbyllet negativisht për valutat kryesore!
Edhe pse regjistruan një rritje të konsiderueshme gjatë fillimit të kësaj jave kjo periudhë 7-ditore është mbyllur negativisht për valutat kryesore me Dollarin......
Nafta, fitime javore prej mbi 6% - Mbështetet nga rihapja e Kinës dhe nga dobësimi i dollarit
Nafta vijon të tregtohet pranë 84 dollarëve për fuçi, edhe në sesionin e sotëm, ndërsa gjatë kësaj jave pritet të publikojë fitime prej mbi 6%. Çmimet janë......
Euro, në nivelin më të lartë në 9 muaj - Ngadalësimi i inflacionit në SHBA, presion mbi dollarin
Dollari amerikan po qëndron në rënie edhe në sesionin e sotëm, duke prekur sërish nivelin më të ulët në 7 muajt e fundit, pasi inflacioni në SHBA rezultoi në......
Bursat, në nivelin më të lartë që nga prilli - Bankat qendrore mund të ngadalësojnë hapin e rritjes së interesave
Bursat europiane janë hapur në rritje edhe në sesionin e sotëm, ndërsa një ditë më parë prekën nivelin më të lartë që nga prilli i vitit 2022. Indeksi......
