Biznesmenët gjermanë janë pesimistë - Sipas një sondazhi, presin një përkeqësim në 12 muajt e ardhshëm
Bizneset gjermane as në kulmin e pandemisë nuk kanë qenë aq pesimiste dhe aq të shqetësuara për shitjet e tyre sa janë tani, duke u përballur me krizën e energjisë dhe një ekonomi në prag të recesionit.
Sondazhet e fundit tregojnë se biznesmenët gjermanë tani kanë frikë nga më e keqja. 52% e tyre besojnë se gjërat do të përkeqësohen në 12 muajt e ardhshëm, sipas një sondazhi të kryer nga Shoqata e Dhomave Gjermane të Industrisë dhe Tregtisë. Vetëm 8% e të anketuarve presin që situata të përmirësohet.
Sipas shoqatës, kjo është situata më e keqe që nga viti 1985 kur nisën sondazhet. Edhe gjatë pandemisë së koronavirusit dhe krizës globale financiare përqindja e optimistëve ka kaluar gjithmonë 10%. Vlerësimet e sipërmarrësve gjermanë tregojnë për një recesion të afërt, me PBB-në që do të tkurret me 3% gjatë vitit të ardhshëm. Vlerësimet e industrialistëve janë qartësisht më pesimiste se ato të qeverisë, e cila vlerëson se aktiviteti ekonomik pritet të bjerë me 0.4% në vitin 2023.
Një arsye kryesore është varësia e madhe e industrive gjermane nga gazi natyror i lirë i furnizuar nga Rusia deri pak muaj më parë dhe shkalla e goditjes që kanë pësuar kur Moska ndërpreu furnizimet. Sondazhi ka një rekord prej 82% të bizneseve që tani renditin energjinë dhe lëndët e para ndër rreziqet që kërcënojnë sipërmarrjen e tyre. Kriza i ka detyruar industritë me intensitet energjie të reduktojnë aktivitetin ekonomik, duke rezultuar në një në katër industri kimike dhe një në gjashtë industri të automobilave të shkurtojnë prodhimin. Në të njëjtën kohë, 17% e prodhuesve gjermanë të makinave po mendojnë të transferojnë prodhimin e tyre në një vend tjetër, ndërsa 41% e bizneseve të të gjitha degëve e cilësojnë situatën e tyre ekonomike si “të vështirë”. Përqindja përkatëse vitin e kaluar ishte 31%.
Gjetjet e sondazhit vijnë në kontrast të fortë me një sondazh të ngjashëm të kryer të hënën nga instituti ekonomik gjerman Ifo në Mynih. Një pamje krejtësisht e ndryshme del nga ky sondazh, ku bizneset gjermane janë dukshëm më pak të shqetësuara sot sesa në kulmin e pandemisë. Konkretisht, vetëm 7.5% e kompanive deklarojnë në tetor se janë në rrezik mbylljeje, ndërsa në qershor 2020 arrinte në 21.8%.
Përveç kësaj, industritë gjermane përballen me një problem tjetër, mungesën e madhe të fuqisë punëtore, e cila ndikon në konkurrueshmërinë e tyre. Mungesa e personelit të kualifikuar, pasojë e plakjes së popullsisë, e përkeqësuar nga pandemia, po prek veçanërisht industritë e mëdha në sektorin e prodhimit, nga Airbus tek gjigantët gjermanë BMW dhe BASF.
Anketat e fundit tregojnë se 50% e industrive gjermane po reduktojnë prodhimin për shkak të mungesës së stafit. Madje, llogaritet se këto mungesa dhe si pasojë reduktimet e prodhimit i kushtojnë ekonomisë gjermane 85 miliardë dollarë në vit.
SCAN
Sondazh
Rritja e çmimeve, ligj që privatët të rrisin pagat! Vetëm 'Balfin Group” i ka rritur vullnetarisht, Shabani: Të tjerët të detyrohen
Inflacioni dhe rritja e çmimeve, kanë krijuar një situatë të vështirë për të gjithë e gjithashtu kanë krijuar nevojën e rritjes së pagave për punonjësit, si në......
Fluturimet Europë-SHBA - Fitimet e tremujorit të tretë, më të larta për kompanitë amerikane se para periudhës Covid
Kompanitë ajrore amerikane kanë mbyllur tremujorin veror me të ardhura dhe pasagjerë në shifra rejord mes Shteteve të Bashkuara të Amerikës dhe Europës. Një......
A po shkojnë vendet e Ballkanit Perëndimor drejt anëtarësimit në BE?!
Procesi i Berlinit, i ngritur në vitin 2013, synonte të afronte Ballkanin Perëndimor me BE-në. Deri më tani, formati ka qenë kryesisht një mundësi fotografike......
“Bankat, të pambrojtura ndaj krizës energjetike?!” - Studimi i holandezes ING paralajmëron rrezikun e krijimit të kredive të reja të këqija
Bankat në Gjermani, Greqi, Itali dhe Holandë janë më të ekspozuarat në Europë ndaj efekteve të krizës energjetike nëpërmjet kreditimit të korporatave,......
Pse Polonia po ndërton një mur në kufirin me Rusinë?!
Varshava po punon për "vulosjen" e kufirit mes frikës se Moska po e përdor atë si një kanal për emigrimin e paligjshëm. Polonia së fundi përfundoi një barrierë......
Study: Smoking risks the extreme impoverishment of 13,000 Albanian families
Due to the high costs of tobacco consumption, nearly 13,000 families with 60,000 members in our country are at risk of falling below the poverty level. The......
Fed rrit normën e interesit me 75 pikë bazë, më e larta që nga viti 2008 - Pritet ndryshim i politikës në të ardhmen!
Rezerva Federale miratoi një rritje të katërt radhazi tre-çerek pikësh të normës së interesit dhe sinjalizoi një ndryshim të mundshëm në mënyrën se si do t'i......
Inflacioni i Turqisë arrin në 85% ndërsa Erdogan vazhdon të përjashtojë rritjen e normave të interesit!
Inflacioni në Turqi u rrit për të 17-in muaj radhazi në tetor, duke arritur 85.5% nga viti në vit pasi çmimet e ushqimeve dhe energjisë vazhdojnë të rriten,......
