Bankat shqiptare bëjnë bilancin e një viti - Sejko: Sektori përmirësoi dukshëm performancën financiare
Sektori bankar përmirësoi dukshëm performancën financiare gjatë vitit 2023. Rolin parësor në rritjen e fitimit këtë vit e ka pasur indeksimi i normave të interesit për produktet bankare, i cili ka qenë më i shpejtë për kreditë dhe titujt, ndërsa ka ndodhur më ngadalë për llogaritë dhe depozitat e klientëve. Kështu e ka perifrazuar aktivitetin e këtij sektori Guvernatori I Bankës Qendrore, Gent Sejko, në takimin e fundvitit të Shoqatës Shqiptare të Bankave.
Portofoli i kredisë shfaqi rritje të dominuar nga kredia në monedhën vendase dhe kredia për prona të patundshme. Deri në shtator, kredia kapërceu vlerën prej 720 mld lekësh, ndërsa depozitat e klientëve në banka kapërcyen vlerën 1,556 mld lekë. Ndërkohë, niveli i kredive me probleme qëndroi në 5.1%, por pozitiv është fakti që niveli i mbulimit me provigjione të këtij portofoli është rritur në 71% (nga 67% vitin e kaluar).
Niveli i kapitalizimit të sistemit bankar vijoi të rritet edhe këtë vit, në 19.63%, duke reflektuar edhe rritjen e kërkesave rregullatore për rezervat makroprudenciale dhe rezervat për ndërhyrje të jashtëzakonshme (MREL). Të dy këto elemente kanë rritur qëndrueshmërinë dhe sigurinë e sistemit bankar.
Zhvillime mjaft pozitive ka pasur edhe në përmirësimin e infrastrukturës së pagesave, ndihmuar edhe nga përmirësimi i kuadrit rregullator në fushën e sistemeve të pagesave. Për të dytin vit radhazi, sistemi AIPS Euro tashmë po vijon të japë frytet e tij në sistemin bankar dhe në ekonominë shqiptare. Bazuar në statistikat e disponueshme, transaksionet ndërbankare në euro për klientë brenda vendit janë rritur rreth 42% në 11 muajt e parë të vitit 2023. Përfitimet për aktorët ekonomikë janë rritur ndjeshëm, duke i kursyer ekonomisë shqiptare të paktën 22 milionë euro. Përdorimi i sistemit, përtej reduktimit të kostove të transaksioneve, ka ndikuar në shkurtimin e kohës së nevojshme dhe kostove për administrimin e parasë fizike.
Të tjera zhvillime pozitive vijnë edhe nga zgjerimi i përdorimit të pagesave elektronike, ku me përfundimin e Strategjisë Kombëtare për Pagesat në Vlerë të Vogël, numri i pagesave elektronike për frymë në vit është gati dyfishuar në 18, përkundrejt objektivit prej 10 pagesash. Këto arritje reflektojnë bashkërendimin e përpjekjeve të përbashkëta dhe përqasjen proaktive të sistemit bankar nëpërmjet zgjerimit të ndjeshëm të infrastrukturës dhe shërbimeve të nevojshme.
Por, sipas Guvernatorit Sejko, pavarësisht këtyre zhvillimeve, është e nevojshme të vijohet me të njëjtin intensitet dhe angazhim edhe për realizimin në kohë të projekteve si open-banking, instant payment dhe up-grade të sistemeve të pagesave. Ky i fundit synon kalimin në standardet e komunikimit ISO 20022 dhe SEPA, të cilat do të digjitalizojnë dhe modernizojnë tregun në tërësinë e tij dhe do të krijojnë potencial për integrimin me tregjet e Bashkimit Evropian.
Dorian Koça/SCAN
Sondazh
Festat, AKU kontrolle të rrepta në subjekte tregtare - 850 mijë lekë gjoba vetëm për tre ditë. Inspektime në të gjithë vendin
Në prag të festave të fundvitit Autoriteti Kombëtar i Ushqimit ka intensifikuar kontrollet në terren në mbrojtje të shëndetit të konsumatorëve. Inspektimet......
Balfin Real Estate nënshkruan marrëveshje me kompaninë austriake Beacon Invest
Balfin Real Estate zgjeron tregun e operimit jashtë kufijve të Shqipërisë falë një marrëveshjeje bashkëpunimi të nënshkruar pak kohë më parë në Vjenë me......
Ministri Mete mbledh Këshillin e Investimeve - Nis konsultimi i Programit të Reformave Ekonomike 2024-2026
Këshilli i Investimeve ka mbajtur një mbledhje nën drejtimin e Ministrit të Financave dhe Ekonomisë, z. Ervin Mete, në takimin e fundit për vitin 2023, me temë......
Dossier/ Misteri i grabitjes së Bankës së Napolit në Fier, 1943
Nga Kreshnik KUÇAJ Emisioni 'DOSJA E' në SCAN TV Në mesnatën e 7 dhjetorit të vitit 1943, ndërsa banorët e Fierit po përgatiteshin të festonin......
ATP miraton dosje të reja kompensimi, shpërndahet fondi 115 milionë lekë për pronarët
Agjencia e Trajtimit të Pronave (ATP) njofton se, më datë 13 dhjetor 2023, ka përfunduar procesin e shqyrtimit për 59 (pesëdhjetë e nëntë) kërkesa, të cilat......
Banka e Anglisë po kryen pagesat 'e para në botë' me blockchain!
Fnality, një firmë pagesash me shumicë e bazuar në blockchain, tha të enjten se aksionerët Lloyds Banking Group, Santander dhe UBS kishin përfunduar......
Hungaria bllokon miliardat e BE-së për Ukrainën!
Hungaria vazhdon të bllokojë në BE ndihma të tjera për Ukrainën. Kryeministri hungarez, Viktor Orban ka vendosur një kusht të premten në samitin e BE: Ai do......
Si është mbyllur kjo javë për valutat kryesore?!
Dollari amerikan e ka mbyllur këtë javë negativisht duke pësuar rënie këtë të premte teksa është blerë sot me 93.2 lekë dhe është shitur me 95 lekë në raport......
