Amerikanët zgjedhin sërish Donald Trump - Disfatë ekzistenciale për Demokratët dhe shpresë për aleatët e SHBA
U fol kaq shumë për atmosferën, gëzimin, optimizmin dhe buzëqeshjen Hollivudiane të Kamala Harris. Por, Amerika e refuzoi marketingun. Katër vjet më parë, fitimtari Joe Biden e quajti Donald Trumpin si një “moment i gabuar”. Duke qenë se Trump fitoi votën popullore, përveç kolegjit elektoral të Amerikës, historia me siguri tani do t'ia japë atë emërtim Bidenit.
Mbi të gjitha, Trump është ndër presidentët më të njohur dhe më të hetuar në historinë e Shteteve të Bashkuara të Amerikës. Ta zgjedhësh Trump një herë president mund të jetë aksident; por ta zgjedhësh për herë të dytë nuk është më rsatësi. Trump është ligjërisht presidenti i ardhshëm i Shteteve të Bashkuara të Amerikës.
Pyetja është pse? Pjesërisht mund të shpjegohet me faktin se një numër i mjaftueshëm amerikanësh e duan atë që Trump po shet: dëbimin masiv të emigrantëve të paligjshëm, fundin e globalizimit dhe gishtin e mesit ndaj qasjes së elitës liberale ndaj identitetit. E gjithë kjo tejkaloi çdo dyshim që votuesit kishin për karakterin e Trump.
Që SHBA-ja ka zgjedhur një kriminel të dënuar, i cili gjithashtu është akuzuar për përpjekje për të rrëzuar zgjedhjet e fundit dhe është një admirues i hapur i autokratëve, mund të interpretohet në dy mënyra. Ose votuesit nuk e marrin seriozisht rrezikun që Trump paraqet, ose ata e dinë saktësisht se ku po e lejojnë vendin të futet, por gjithsesi e cilësojnë si biznes, si zakonisht.
Sido që të jetë, rizgjedhja e Trump është një katastrofë ekzistenciale për demokratët. Përbën gjithashtu një ndryshim historik të lojës për aleatët e Amerikës. Kundërshtimet demokratike do të vijnë me shumë shpejtësi. Çdo autopsi, me siguri do të nxjerrë në pah faktin se një Biden dukshëm i sëmurë priti shumë gjatë për të hequr dorë nga nominimi i partisë së tij.
Nëse Biden do të ishte tërhequr gjashtë muaj më parë, demokratët do të kishin kohë për të gjetur një perspektivë më të mirë se Harris. Mbase edhe një garë e vërtetë në “primare” nuk do të kishte bërë asnjë ndryshim. Për të qenë të sinqertë me Harris, ajo drejtoi një fushatë të kuruar mirë, mundi Trumpin në debatin e vetëm televiziv dhe bashkoi demokratët pas saj.
Por Harris ishte në rastin më të mirë mediokre sa herë që biseda kalonte në ekonomi, një temë që ajo bëri çmos për ta shmangur. Mungesa e një narrative ekonomike bindëse do të ishte një e metë e madhe në çfarëdolloj zgjedhjesh në SHBA. Pra, nëse do të ishin zhvilluar “primaret” brenda demokratave, do të ishte zbuluar kjo e metë e Harris.
Pasi e trashëgoi kurorën nga Biden, Kamala Harris kishte pak kohë në dispozicion dhe pak incentiva për të korrigjuar mangësitë e saj. Megjithatë, ajo ende mund të kishte krijuar një moment si të “Sister Souljah” për të provuar se nuk ishte radikale e Berkeley-t. Kritika e Bill Clinton ndaj kësaj autoreje me ngjyrë në vitin 1992 tregoi se ai nuk ishte një liberal i modës së vjetër, gjë që e ndihmoi atë të zgjidhej president.
Harris ishte e kujdesshme duke u përpjekur të shmangte lidhjet e saj me shkaqet më të çuditshme progresive, gjatë fushatës të shkurtër 16-javore. Por, ajo nuk ja doli që të harrohej mbështetja e mëparshme për kufij të hapur dhe një mbështetje më të ulët financiare për policinë.
Biden gjithashtu mund të fajësohet për interpretimin e tepruar të fitores së tij të vitit 2020. Ky ishte rezultat i keqpërdorimit të pandemisë së koronavirusit nga Trump, jo shqetësimeve për shëndetin e demokracisë amerikane. Biden fitoi duke premtuar se do t'i jepte fund pandemisë dhe do të rivendoste normalitetin në politikën amerikane.
Në periudhën midis emërimit dhe inaugurimit, megjithatë, Biden filloi të besonte se kishte një licencë për ndryshim gjithëpërfshirës. Stimujt masivë prej 1.9 trilion dollarësh ushqyen inflacionin, që ishte ndërkohë në rritje për shkak të çrregullimeve në kahun e ofertës.
Sigurisht, Trump përbënte një kërcënim të thellë për rendin kushtetues të SHBA-së, siç bën tani me steroidet. Biden zgjodhi Merrick Garland si prokuror të përgjithshëm, i cili nuk po nxitonte t’i kërkonte llogari Trump.
Ashtu si me humbjen e Hillary Clinton në vitin 2016, ka shumë gjurmë gishtash në humbjen e Harris. Por, do të jetë shumë më e vështirë këtë herë të fajësohen aktorët e huaj. Presidenti i Rusisë, Vladimir Putin, pa dyshim do të shohë avantazhe të mëdha nga rizgjedhja e Trump, veçanërisht në lidhje me Ukrainën. Megjithatë, ishin amerikanët ata që e rikthyen Trumpin në detyrë pa ndihmë të dukshme. Sido që të jetë, loja e fajësimit të demokratëve do të jetë dytësore për të kuptuar se çfarë do të vijë më pas. Trump është zotuar për hakmarrje dhe ai e mendon atë.
Është plotësisht e mundur që republikanët të realizojnë një tripletë: presidencën, Senatin, që tashmë është i sigurt, dhe Dhomën e Përfaqësuesve, e cila mbetet në ekuilibër. Nëse republikanët marrin kontrollin e plotë të Capitol Hill, do të ketë kontroll të pakët mbi autoritetin ekzekutiv të Trump. Gjykata e Lartë e SHBA-së i shkroi tashmë presidentit Trump ekuivalentin e një çeku të bardhë gjyqësor, kur vendosi në korrik se ai kishte imunitet gjithëpërfshirës për veprimet e tij si president.
Amerika është futur në një qoshe vendimtare. Nuk do të ishte e udhës të supozohej se Trump nuk dëshironte të thoshte atë që tha, kur u zotua se do ti ndiqte nga pas armiqtë e tij. Do të ishte gjithashtu iluzion të mendohej se ai do të ndihet në çfarëdo mënyre i kufizuar nga ndarja 50-50 e vendit të tij. Trump ka një mandat për të riparuar SHBA-në në mënyra të paimagjinueshme shkatërruese. Nuk do të ketë kthim prapa nga rezultati sizmik i zgjedhjeve të 2024 në Amerikë.
(Përkthyer nga The Economist)
Sondazh
Për herë të parë në histori, tetë kompani amerikane vlerësohen në më shumë se 1 trilion dollarë!
Për herë të parë në histori, tetë kompani amerikane kanë arritur një vlerësim tregu që tejkalon 1 trilion dollarë, duke e bërë atë një moment historik të......
Udhëheqësit e BE-së miratojnë 'Marrëveshjen e re të konkurrencës' por shmangin borxhin e përbashkët!
27 udhëheqësit e Bashkimit Europian kanë miratuar një "Marrëveshje të re të konkurrencës europiane" të shumëpritur për të tronditur ekonominë e ndenjur të......
Bitcoin tani mund të arrijë në 100 mijë dollarë pas fitores së Trump! - A është koha e duhur për të blerë?
Bitcoin arriti një rekord të lartë të mërkurën në mëngjes, pasi dukej gjithnjë e më e mundshme që Donald Trump të merrte Shtëpinë e Bardhë. Kriptovaluta......
Italia përfshin bizneset e vogla, të mesme në taksat digjitale - Lëvizja vjen pas ankesave të SHBA-së dhe shqetësimeve për “hakmarrje”
Italia ka zgjeruar taksat e brendshme për shërbimet digjitale, duke përfshirë edhe ndërmarrjet e vogla dhe të mesme, tha Ministri i Ekonomisë Giancarlo......
Drejt përfundimit parkimi publik në Zvërnec - Financimi nga FSHZH, lehtësi për vizitorët në Manastir
Po shkojnë drejt përfundimit punimet për parkimin e ri në Manastirin e Zvërnecit në Vlorë. Projekti ka hyrë në fazën finale, duke siguruar 120 vende parkimi......
Borrel paralajmëron: Bota nuk mund të presë nga Uashingtoni për veprime klimatike!
Mes frikës se presidenti i zgjedhur Donald Trump do të tërheqë SHBA-në nga bisedimet globale për klimën për herë të dytë, shefi i politikës së jashtme të......
Hapet impianti i parë i hidrogjenit në Danimarkë - Projekti synon të arrijë 12 MW kapacitet, prodhimi 1500 tonë gaz në vit
Kompania daneze European Energy inauguroi impiantin e parë në vend, për prodhimin e hidrogjenit të gjelbër në shkallë të gjerë. Zhvilluesi i burimeve të......
52 mln eurot e para nga fondet e BE - RMV duhet të përmbushë disa kushte për t’i përfituar
Maqedonia e Veriut, ashtu si vendet e tjera të Ballkanit Perëndimor pritet të marrë fondet e para të mbështetjes financiare nga Bashkimi Europian. Për të......
