Amerikanët blenë $9.8 mld produkte - Shpenzimet “online” gjatë së “Premtes së Zezë” u rritën me 7.5%
Shpenzimet nëpërmjet “e-commerce” apo tregtisë elektronike në SHBA gjatë së Premtes së Zezë u rritën me 7.5%, krahasuar me një vit më parë, duke arritur një rekord prej 9.8 miliardë dollarësh, sipas një raporti të Adobe Analytics. Sipas analistëve, ky është një tregues i mëtejshëm se konsumatorët, të vetëdijshëm për çmimet, duan të shpenzojnë për ofertat më të mira dhe janë në kërkim të tyre. “Ne kemi parë një konsumator shumë strategjik, që po përpiqet të përfitojë nga këto ditë të shënuara, në mënyrë që të mund të maksimizojë zbritjet”, deklaroi Vivek Pandya, analist i Adobe Digital Insights.
Rritja e shpenzimeve gjatë së Premtes së Zezë pasqyron një konsumator që është i gatshëm të shpenzojë më shumë se në vitin 2022, kur çmimet e karburanteve dhe ushqimeve ishin jashtëzakonisht të larta. Blerjet impulsive mund të kenë luajtur rolin kryesor në këtë rritje, pasi rreth 5.3 miliardë dollarë të shitjeve në internet erdhën nga blerjet nëpërmjet celularit. Sipas Adobe Analytics, influencuesit dhe reklamat në mediat sociale e kanë bërë më të lehtë për konsumatorët që të realizojnë shpenzime shumë thjeshtë nga pajisjet e tyre celulare.
Megjithatë, blerësit janë të ndjeshëm ndaj çmimeve, duke menaxhuar buxhete më të shtrënguara për shkak të inflacionit rekord të vitit të kaluar dhe normave të larta të interesit. Sipas sondazhit të Adobe, 79 milionë dollarë nga shitjet erdhën nga konsumatorët që zgjodhën metodën fleksibël të pagesës “Bli Tani, Paguaj Më vonë”, 47% më shumë se viti i kaluar.
Kategoritë më të shitura gjatë së Premtes së Zezë, sipas raportit të Adobe, ishin pajisjet elektronike si orët inteligjente dhe televizorët, së bashku me lodrat dhe lojërat. Ndërkohë, mjetet e riparimit të shtëpisë nuk funksionuan mirë, ndërsa shitësit më të mëdhenj ishin të lidhur drejtpërdrejt me cilindo produkt që kishte zbritjet më të mëdha.
Adobe mbledh të dhënat e saj duke analizuar 1 trilion vizita në faqet e internetit të shitjeve me pakicë në SHBA, 18 kategori produktesh dhe 100 milionë artikuj unikë.
Ndërkohë, një analizë e Mastercard për shitjet e së Premtes së Zezë të këtij viti, zbuloi se shitjet në dyqane u rritën pak më shumë se 1% kundrejt shitjeve në internet, të cilat u rritën me mbi 8% krahasuar me vitin e kaluar. Për këtë arsye, u shmangën edhe radhët e gjata nëpër dyqane apo markete. Konsumatorët ndihen më komodë kur bëjnë blerje në internet, edhe për faktin sepse është më e lehtë të bëhen krahasime të çmimeve dhe të sigurohet çmimi më i mirë.
Edhe shitësit me pakicë janë të vetëdijshëm për rritjen e vetëdijes së konsumatorëve që kërkojnë marrëveshje të mira dhe duan të kapin sa më shumë prej tyre. Sipas një analize të mëparshme të Adobe, shitjet gjatë së Premtes së Zezë e ruajtën vrullin e një ditë më parë, që ishte Dita e Falenderimeve, kur shitjet në internet arritën në 5.6 miliardë dollarë.
Në këtë linjë, Adobe parashikon që shpenzimet të kenë qenë të larta edhe gjatë fundjavës dhe gjatë të Hënës Kibernetike. Raporti parashikon që blerësit në internet do të shpenzojnë afërsisht 10 miliardë dollarë gjatë së shtunës dhe të dielës, dhe një rekord prej 12 miliardë dollarësh të Hënën Kibernetike. Por, Adobe pret që shpenzimet ka të ngjarë të fillojnë të ngadalësohen gjatë sezonit të festave. “Ne presim që rritja e shitjeve të ngadalësohet sepse zbritjet nuk do të zgjasin përgjithmonë, po do të diktojnë shumë për sa i përket sjelljes së blerësve këtë sezon,” tha analisti i Adobe, Vivek Pandya. Ai vuri në dukje se ka gjithmonë kompani që e shtyjnë sezonin e uljeve gjatë festave, kështu që shpenzimet e konsumatorëve amerikanë mund të vazhdojnë deri në fund të dhjetorit. Por rritja reale e shitjeve përfundon në nëntor.
Lidion Kulla / SCAN
Sondazh
Bursat europiane e nisin javën në rënie - Pritet të publikojnë fitime mujore prej 6%, gjatë nëntorit
Bursat europiane po qëndrojnë në rënie në sesionin e sotëm, duke u tërhequr lehtë nga niveli me i lartë që nga 20 shtatori të regjistruar të premten. Indeksi......
Tiranë-Durrës pa toll, 5 kilometrat e para nisin vitin tjetër – Do të kushtojë 20 milion euro
Punimet për zgjerimin e autostradës Tiranë-Durrës do të nisin që vitin e ardhshëm për 5 kilometrat e para, ndërsa aksi, ndryshe nga projektet e mëparshme, nuk......
Tuneli i Llogarasë, këtë verë pa pagesë - Drejtori i ARRSH zbulon detajet
Ndërtimi i tunelit të Llogarasë po ecën me ritme shumë të mira dhe institucionet presin inaugurimin e tij në kohë për sezonin veror 2024. Drejtori i......
Sa vende të lira pune ka në Shqipëri?- Oferta pune për profesionet elementare dhe të diplomuarit
Një ndër problematikat kryesore që po hasin aktualisht bizneset shqiptare në vend është mungesa e fuqisë punëtore për shkak të emigracionit të të rinjve drejt......
Me çfarë ngrohen shqiptarët? - Energjia elektrike, në vendin e dytë. Ja ndarja sipas qarqeve
Drutë e zjarrit dhe qymyri janë burimi kryesor i ngrohjes për familjet shqiptare. Të dhënat e fundit të disponueshme nga INSTAT të përpunuara nga SCAN tregojnë......
Ligji i pronave sërish në Kushtetuese? - Gati padia e re, Vorpsi: Kundër skemës, “hileja” që fshihet pas indeksimit
Pronarët nuk pajtohen me ndryshimet e fundit të bëra në ligjin “Për trajtimin e pronave dhe përfundimin e procesit të kompensimit”. Nga studio e emisionit “Box......
Vijon sfida e rindërtimit edhe në 2024-ën - Parashikohen rreth 7 miliardë lekë fonde për tërmetin vitin e ardhshëm
Tërmeti i 26 Nëntorit të vitit 2019 shkaktoi humbje të mëdha si në aspektin social ashtu edhe në aspektin ekonomik. Sipas të dhënave nga “Ministria e Financave......
Centrali diellor i Karavastasë, gati për prodhim - Vihen në punë linja e transmetimit, shteti do ia blejë energjinë me çmim preferencial
Parku fotovoltaik në Karavasta është thuajse gati të nisë prodhimin e energjisë elektrike, teksa linja e transmetimit 220 kV Fier – Karavasta tashmë është vënë......
