Tiranë-Durrës pa toll, 5 kilometrat e para nisin vitin tjetër – Do të kushtojë 20 milion euro
Punimet për zgjerimin e autostradës Tiranë-Durrës do të nisin që vitin e ardhshëm për 5 kilometrat e para, ndërsa aksi, ndryshe nga projektet e mëparshme, nuk do të jetë me pagesë.
Drejtori i ARRSH, Evis Berberi, tha për emisionin INSIDER në televizionin SCAN, se ky projekt do të afrohet në kohë, për shkak të emergjencës nga tejkalimi i trafikut. Sipas tij, rruga është e projektuar për maksimumi 30 mijë mjete në 24 orë, por në kulmin e sezonit turistik ka arritur në 93 mijë mjete në ditë.
“Faza e parë nis nga mbikalimi i kthesës së Kamzës dhe përfundon tek mbikalimi i Rinasit. Do të jetë një rrugë me 4 korsi, e kategorisë A. Këtu do të lidhet me trafikun e veriut. Pastaj në fazën e dytë do të lidhemi me nyjen e madhe që po bëhet tek City Parku dhe pastaj gradualisht do të shkojmë në drejtim të Durrësit në faza të tjera, për t’i paraprirë zhvillimit që do të ndodhë në këtë zonë, si Porti i Ri i Mallrave në Porto Romano, Marina e Durrësit, por edhe Gjiri i Lalzit, që do marrin gjithmonë e më shumë zhvillim dhe rrjedhimisht qarkullim automjetesh”, tha Berberi për SCAN.
Drejtori i Autoritetit Rrugor Shqiptar deklaroi se ky aks jetik do të jetë gjithmonë falas për përdoruesit e mjeteve, ndërsa zbuloi edhe kostot paraprake për këtë projekt zgjerimi.
“Faza e parë kushton 20 milionë euro për 5 kilometrat. Në segmentin e parë dhe të dytë, deri në drejtim të Vorës. Nuk do të kemi problematikë me shpronësimet, pasi do të shtrihemi deri në vijën e kanalit”, u shpreh Berberi.
Paralelisht, vitin tjetër do të nisë ndërhyrja edhe në sistemin e aksit Kombinat-Plepa, njohur si rruga e Ndroqit. Rruga do të zgjerohet në 10 metra, ndërsa do të sistemohen edhe kthesat.
Angelo Haruni / SCAN
Sondazh
Tuneli i Llogarasë, këtë verë pa pagesë - Drejtori i ARRSH zbulon detajet
Ndërtimi i tunelit të Llogarasë po ecën me ritme shumë të mira dhe institucionet presin inaugurimin e tij në kohë për sezonin veror 2024. Drejtori i......
Sa vende të lira pune ka në Shqipëri?- Oferta pune për profesionet elementare dhe të diplomuarit
Një ndër problematikat kryesore që po hasin aktualisht bizneset shqiptare në vend është mungesa e fuqisë punëtore për shkak të emigracionit të të rinjve drejt......
Me çfarë ngrohen shqiptarët? - Energjia elektrike, në vendin e dytë. Ja ndarja sipas qarqeve
Drutë e zjarrit dhe qymyri janë burimi kryesor i ngrohjes për familjet shqiptare. Të dhënat e fundit të disponueshme nga INSTAT të përpunuara nga SCAN tregojnë......
Ligji i pronave sërish në Kushtetuese? - Gati padia e re, Vorpsi: Kundër skemës, “hileja” që fshihet pas indeksimit
Pronarët nuk pajtohen me ndryshimet e fundit të bëra në ligjin “Për trajtimin e pronave dhe përfundimin e procesit të kompensimit”. Nga studio e emisionit “Box......
Vijon sfida e rindërtimit edhe në 2024-ën - Parashikohen rreth 7 miliardë lekë fonde për tërmetin vitin e ardhshëm
Tërmeti i 26 Nëntorit të vitit 2019 shkaktoi humbje të mëdha si në aspektin social ashtu edhe në aspektin ekonomik. Sipas të dhënave nga “Ministria e Financave......
Centrali diellor i Karavastasë, gati për prodhim - Vihen në punë linja e transmetimit, shteti do ia blejë energjinë me çmim preferencial
Parku fotovoltaik në Karavasta është thuajse gati të nisë prodhimin e energjisë elektrike, teksa linja e transmetimit 220 kV Fier – Karavasta tashmë është vënë......
Prani e ulët investitorësh, bonot rriten në 3.41% - Ankandi i fundit i nëntorit reflekton rritjen e normës bazë nga Banka e Shqipërisë
Rritja e fundit e normës bazë të interesit nga ana e Bankës së Shqipërisë ka nisur të transmetohet te yield-et e bonove të thesarit. Në ankandin e zhvilluar në......
Bonot, të qendrueshme, obligacionet rritje të lehtë - Letrat me vlerë të qeverisë përgjatë gjithë vitit të ankoruara pranë normes bazë të BSH
Rritja e normës bazë të interesit nga ana e Bankës së Shqipërisë në fillim të këtij muaji ka ndryshuar disi trajektoren e yielde-ve të letrave me vlerë të......
