1 milion kontrata sigurimi në 8 muaj - AMF: Të ardhurat nga primet e shkruara bruto arritën 16.35 mld lekë
Hamit Yzeiraj/SCAN
Gjatë periudhës janar - gusht 2024, tregu i sigurimeve në Shqipëri ka shënuar një rritje të ndjeshme. Të ardhurat nga primet e shkruara bruto arritën në 16.35 miliardë lekë, duke shënuar një rritje prej 6.64% krahasuar me të njëjtën periudhë të vitit të kaluar. Numri i kontratave të sigurimit arriti në 1 milionë të tilla me një rritje prej 8.32%.
Sigurimet e Jo-Jetës mbeten dominues, duke kontribuar me 91.85% të totalit të primeve, ndërsa sigurimet e Jetës dhe risigurimi zënë përkatësisht 8.11% dhe 0.036%. Nga pikëpamja e ndarjes sipas llojit, sigurimi i detyrueshëm përbën 60.07% të tregut, ndërsa sigurimi vullnetar gati 40%. Dëmet e paguara bruto u rritën me 29.04%, duke arritur në 5,595 milionë lekë.
Sigurimi motorik përbënte 73.09% të këtyre dëmeve, me një vlerë prej afro 4.1 mld lekë, dhe një rritje prej 29.83% krahasuar me vitin e kaluar. Primet për sigurimin e detyrueshëm motorik arritën në 9,8 miliardë lekë, me një rritje prej 8.28%. Produkte të tjera si MTPL dhe Kartoni Jeshil shënuan gjithashtu rritje, përkatësisht 10.50% dhe 1.86%.
Megjithatë, sigurimi kufitar pati një rënie prej 10.88%. Në segmentin e sigurimeve vullnetar, primet arritën 6.5 miliardë lekë, një rritje prej 4.26%, me një rritje të kontratave prej 3.99%. Sigurimet e pronës, përgjegjësive dhe garancive kontribuan me mbi 2.8 miliardë lekë, me sigurimin nga zjarri që dominonte këtë kategori.
Në përgjithësi, tregu i sigurimeve në Shqipëri po tregon një trend të qëndrueshëm rritjeje, duke reflektuar një shtim të interesit të qytetarëve për mbrojtjen financiare përmes kontratave të sigurimit.
Ndërtimi dhe shërbimet “ushqejnë” ekonominë - Rritja e PBB në gjysmën e parë të vitit arrin në 3.9%
Elisabeta Dosku/ SCAN Sektori i ndërtimit dhe shërbimeve japin kontributin kryesor në ekonominë shqiptare, ndërsa rritja ekonomike për gjysmën e parë......
Kreu i ri i NATO-s thekson mbështetjen për Ukrainën - Rutte, “i pashqetësuar” për pasojat e zgjedhjeve të SHBA brenda aleancës
Kristi Ceta/SCAN Kreu i ri i NATO-s, Mark Rutte shprehu mbështetje të fortë për Ukrainën dhe tha se nuk ishte i shqetësuar për zgjedhjet e ardhshme......
Ekonomia u rrit me 4,06% në tremujorin e dytë
Instituti i Statistikave (INSTAT) publikoi të dhënat për rritjen e ekonomisë gjatë tremujorit të dytë të këtij viti. Produkti i Brendshëm Bruto (P.B.B)......
Cilat biznese morën më shumë kredi? - Tregtia kryeson edhe në Gusht. Energjia "sposton" ndërtimin
Xhorxhina Deda/SCAN Huaja e re drejt sektorit privat jofinanciar gjatë Gushtit fiksohet pranë rreth 33 miliardë lekëve, në rritje të ndjeshme krahasuar......
Si do të shpërndahen 15 milionë euro në bujqësi? - Skema e investimeve, financim deri 20 mijë euro për aplikant
Elisabeta Dosku/ SCAN Nga 30 shtatori janë hapur aplikimet për fermerët dhe grupimet e fermerëve që duan të përfitojnë nga skema e investimeve në......
Rënie e besimit në tregti, treguesit e tjerë përmirësohen - Vrojtimi i BSH/ Industria, ndërtimi dhe shërbimet tregojnë rritje të qëndrueshme
Armela Duka/SCAN Treguesi i ndjesisë ekonomike për muajin shtator të këtij viti u rrit me 0.6 pikë duke vazhduar trendin pozitiv të muajve të fundit.......
Rikuperon Dollari ndërsa Franga shënon rënie!
Dollari amerikan ka pasur rritje të lehtë të vlerës mëngjesin e sotëm duke u blerë me 88.1 lekë dhe duke u shitur me 89.2 lekë në raport me ditën e......
Risena Xhaja në krye të Agjencisë së Administrimit të Pasurive të Sekuestruara dhe Konfiskuara
Risena Xhaja emërohet në krye të Agjencisë së Administrimit të Pasurive të Sekuestruara dhe Konfiskuara. Xhaja vjen në këtë detyrë pas një përvojë të......
