Desktop - General - 1
Bota Postuar më 29 Tetor 2024, 13:55

“1% e miliarderëve nxitin ndryshimet klimatike” - Sipas raportit, qeveritë duhet të taksojnë të pasurit për të kufizuar emetimet

Nga SCAN TV
“1% e miliarderëve nxitin ndryshimet klimatike” - Sipas

Kristi Ceta/SCAN

 

Emetimet e larta të karbonit të shkaktuara nga 1% e super të pasurve në botë po përkeqësojnë urinë, varfërinë dhe vdekjet e tepërta, sipas raportit të Oxfam. Për shkak të jahteve luksoze, avionëve privatë dhe investimeve në industritë ndotëse, konsumi i njerëzve më të pasur në botë po e bën gjithashtu më të vështirë kufizimin e ngrohjes globale në 1.5C.

Duke i paraprirë një buxheti në Mbretërinë e Bashkuar, një zgjedhje presidenciale në SHBA dhe samitin e klimës Cop29 në Baku, Azerbajxhan, ekzaminimi i grupit për pabarazinë e ndotjeve u bën thirrje qeverive të tatojnë super të pasurit në mënyrë që të kufizojnë konsumin e tepërt dhe të gjenerojnë të ardhura për tranzicionin e energjisë së pastër.

Hulumtimi i Oxfam zbuloi se pesëdhjetë nga miliarderët më të pasur në botë prodhojnë mesatarisht më shumë emetime karboni në tre orë sesa një britanik mesatar gjatë gjithë jetës së tij. Mesatarisht, ata kryejnë 184 fluturime me avion privat në një vit, duke kaluar 425 orë në fluturim. Kjo prodhon aq karbon sa njeriu mesatar në botë do të prodhonte në 300 vjet. Jahtet e tyre luksoze lëshuan në një vit aq karbon sa një person mesatar në 860 vjet.

Dy avionët privatë të themeluesit të Amazon, Jeff Bezos, kaluan gati 25 ditë në ajër gjatë një periudhe 12-mujore dhe lëshuan aq karbon sa një punonjës i Amazon në SHBA do të lëshonte në 207 vjet. Ndërsa dy avionë të Elon Musk, kreut të Tesla, lëshuan së bashku po aq CO2 në të njëjtën periudhë sa emetimet e 834 viteve të gjeneruara nga një person mesatar.

Oxfam llogarit se një taksë prej 60 për qind mbi të ardhurat e 1 përqindëshit më të pasur do të zvogëlonte ndotjet më shumë se totali i emetimeve të Mbretërisë së Bashkuar dhe do të mblidhte 6.4 trilionë dollarë në vit për investime në energjinë e rinovueshme.

Sondazh

Poll

Live TV

All - General - 2
Të fundit
Të gjitha lajmet
All - General - 3
Desktop - General - 7

Më të vizituarat