Zhvlerësimi i euros, si ndikoi në të ardhurat doganore? - Luhatjet e kursit shkaktuan efekt zinxhir në eksporte dhe normën e inflacionit
Ledina Elezi/SCAN
Luhatjet e kursit të këmbimit kanë ndikuar negativisht në të ardhurat doganore përgjatë këtij viti. Sipas analizës së administratës doganore, në 8 muaj janë grumbulluar 12 miliardë lekë më pak nga doganat.
Të ardhurat doganore dhe TVSH-ja mbi importet llogariten mbi bazën e vlerës së mallrave në monedhën vendase. Kur një monedhë e huaj, si euro, apo dollari amerikan, zhvlerësohen përkundrejt lekut shqiptar, vlera e importeve në lek ulet. Kjo nënkupton që edhe pse sasia e importeve mund të mbetet e njëjtë, vlera totale e llogaritur në lek është më e ulët, që çon në më pak taksa doganore nga detyrimet dhe TVSH-ja. Në rast se nuk do të ishte efekti i kursit të këmbimit, këto të ardhura të munguara do të ishin të ardhura shtesë nga administrata doganore.
Zhvlerësimi i euros solli një efekt shtesë në inflacionin e përgjithshëm, nëpërmjet rënies së çmimeve të importit. Sipas të dhënave më të fundit, në muajin shtator 2024 ndryshimi vjetor i indeksit të çmimeve të konsumit është 1.9%, ndërsa një vit më parë ky ndryshim ishte 4%. Inflacioni mesatar pёr nëntëmujorin e parë të këtij viti është 2.3%.
Efekti i çmimeve në rënie, i kombinuar me atë të kursit të këmbimit, vijon të jetë në faktor ndikues në ecurinë e tregtisë së jashtme. Të dhënat e tregtisë së mallrave në terma nominal për periudhën nëntëmujore, tregojnë për një rënie të eksporteve me 8.5% krahasuar me një vit më parë.
Si rezultat i flukseve të larta të euros në treg prej të ardhurave nga turizmi, paratë e emigrantëve dhe investimet e huaja direkte, kursi i këmbimit ka pësuar luhatje të forta në 5 vitet e fundit, megjithëse shpejtësia e mbiçmimit ka qenë në zbutje gjatë vitit 2024. Kursi mesatar Lek/Euro për periudhën janar-shtator 2024 ishte 101.5 nga 110.3 që ishte mesatarisht gjatë të njëjtës periudhë të 2023-it. Ndërsa kursi mesatar Lek/USD për janar-shtator 2024 ishte 93.4 nga 101.9 që ishte mesatarisht gjatë vitit të kaluar.
Sondazh
Bashkitë “gostiten” me 67 milionë euro shtesë - Grant sipas perfomancës dhe shtesë për rritjen e pagave
Elisabeta Dosku/ SCAN Në vitin 2025, granti nga buxheti i shtetit për pushtetin vendor do të jetë në shumën 43.1 miliardë lekë nga 36.5 miliardë në......
Sa financime do të marrë Shqipëria nga BE? - Plani i Rritjes Ekonomike, 922 mln euro në 4 vite. 76.7 mln vetëm në 2024-ën
Ledina Elezi/SCAN Nga 6 miliardë euro që do t'i shpërndahen vendeve të Ballkanit Perëndimor në kuadër të Planit të Rritjes Ekonomike të Bashkimit......
Karburant, 82.68 lekë/litër më lirë - Politika nxitëse për biokarburantet, pritet miratimi në Kuvend
Ola Mitre / SCAN Nga viti 2025 në tregun shqiptar do të duhet të nisë përdorimi i biokarburanteve, teksa pas përmbylljes së konsultimit publik të......
Ndryshimi i 2025/ Pensionet, do indeksohen mbi bazën e ushqimeve - Përllogaritja, jo më mbi bazën e inflacionit të përgjithshëm
Elisabeta Dosku/ SCAN Pensionet e ulëta për ata që aktualisht janë në moshën e tretë dhe rritja e kostove të jetesës, ka bërë që të mos arrijnë të......
Shqipëria investon për sistemin antiraketor “SHORAD” - Në listë, radarë, anije luftarake dhe avion “Air Tractor”
Shqipëria po bëhet gati të investojë ndjeshëm në fushën e mbrojtjes gjatë 3 viteve të ardhshme. Një nga investimet më të rëndësishme të planifikuara është......
Të ardhurat nga mikroçipet do të rriten me 14% në 2025 - Rritja e shitjeve do të vijojë, e nxitur nga zhvillimi i inteligjencës artificiale
Kristi Ceta/SCAN Sipas parashikimit të fundit nga firma e kërkimit teknologjik dhe konsulencës Gartner, të ardhurat globale të gjysmëpërçuesve janë......
“In vitro” do të subvencionohet për çiftet e reja në Shqipëri - Vitin e ardhshëm, 150 përfituesit e parë
Ernilda Luzi/ Scan Përballë sfidës së rënies së fortë të lindshmërisë që po njeh vendi në vitet e fundit, qeveria shqiptare ka parashikuar të aplikojë......
Rënie e përgjithshme e valutave kryesore
Dollari amerikan është dobësuar edhe këtë mëngjes pasi është blerë sot me 90.2 lekë dhe është shitur me 91.3 lekë në raport me dje sipas kursit të......
