Turizmi, bekim e mallkim për Europën Jugore! - “Historia e suksesit” të Mesdheut shpëton eurozonën nga recesioni
“Një spirancë shpëtimi” po i jepet ekonomisë së Europës Jugore nga turistët amerikanë që dynden masivisht për të shijuar diellin dhe detin, duke ndryshuar korrelacionet e fuqisë ekonomike në Kontinentin e Vjetër. Hiperturizmi është një mundësi, por edhe një kërcënim që kërkon një qasje gjithëpërfshirëse dhe të shumëanshme, thonë analistët. Në baret, hotelet dhe restorantet në rrugët me kalldrëm të Lisbonës, biznesi është aq i mirë sa kryebashkiaku uli kohët e fundit taksën e të ardhurave lokale për banorët.
Me një rritje ekonomike prej 8.2% vitin e kaluar dhe një rritje prej 20% të të ardhurave nga taksat krahasuar me periudhën para pandemisë, autoritetet komunale e bënë falas transportin publik edhe për të rinjtë dhe të moshuarit. Ndërtesat shekullore po restaurohen, një aeroport i ri, dy herë më i madh se ai ekzistues, është në ndërtim, si dhe një lidhje tre-orëshe hekurudhore me shpejtësi të lartë me Madridin.
Shembulli i Lisbonës përsëritet në të gjithë Europën Jugore, e cila – falë kryesisht vizitorëve amerikanë – po përjeton një boom të paprecedentë turistik në vende që ishin simbole të stagnimit ekonomik, duke krijuar qindra mijëra vende pune dhe duke mbushur arkat e qeverive.
"Historia e suksesit" e Mesdheut po rishkruan historinë e fundit ekonomike të Europës. Në vitet 2010, Gjermania dhe ekonomitë e tjera me industri të rënda prodhuese ndihmuan Kontinentin e Vjetër të dilte nga kriza e borxhit falë eksporteve të forta të automjeteve dhe mallrave, veçanërisht në Kinë. Sot, Italia, Spanja, Greqia dhe Portugalia kontribuojnë në rritjen vjetore të bllokut.
Ndërsa ekonomia e Gjermanisë është në situatë të vështirë, Spanja është ekonomia kryesore me rritjen më të shpejtë të Europës. Pothuajse ¾ e rritjes së fundit të vendit dhe një në katër vende të reja pune janë të lidhura me turizmin, ndërsa në Greqi, e cila po fiton terren pas pandemisë, 44% e të gjitha vendeve të punës janë të lidhura me turizmin.
Trendi është pjesë e një ripërshtatjeje globale pas bllokimeve të COVID-19. Shpenzimet globale të udhëtimit u rritën shtatë herë më shpejt se ekonomia globale gjatë dy viteve të fundit, një model që pritet të vazhdojë gjatë dekadës së ardhshme. Europa, veçanërisht jugu, ka përfituar më shumë se rajonet e tjera. Edhe pse strehon vetëm 5% të popullsisë së botës, BE mori rreth një të tretën e të gjithë dollarëve të turizmit ndërkombëtar vitin e kaluar, më shumë se gjysmë trilion dollarë, krahasuar me rreth 150 miliardë dollarë në SHBA, ku turizmi ka qenë i ngadalshëm në rimëkëmbje.
E ndërsa turizmi rrit të ardhurat, shenjat e pakënaqësisë po shfaqen në të gjithë rajonin. Mijëra vendas po protestojnë kundër turizmit masiv dhe mbipopullimit. Një ankesë e shpeshtë është se përfituesit më të mëdhenj janë kompanitë amerikane, nga Airbnb tek Uber. Disa ekonomistë shqetësohen gjithashtu se një rritje e turizmit mund të përkeqësojë sfidat ekzistuese ekonomike. Ashtu si zbulimi i naftës, fokusi i ri i Evropës Jugore në turizëm mund të pengojë aktivitetet me vlerë më të lartë duke bashkuar kapitalin dhe punëtorët, një fenomen që disa analistë e kanë quajtur ‘sëmundje plazhi’.
Dorina Kurtaj /SCAN
Sondazh
Fieri, “lider” në prodhimin bujqësor - Rritet prodhimi i drithërave në Shqipëri dhe botë
Ashtu siç rritet prodhimi i drithërave në botë edhe të korrat në Shqipëri janë në rritje. Sipas të dhënave të INSTAT, prodhimi i drithërave për vitin 2023......
Kina hakmerret ndaj produkteve europiane - Në objektiv, konjaku francez, mishi spanjoll dhe automjetet gjermane
Konjaku, që prodhohet kryesisht në Francë, verërat nga vendet e Mesdheut, automjetet ku dominon Gjermania, produktet e mishit derrit ku Spanja ka shumë prodhim......
Inteligjenca Artificiale rrit çmimin e gazit - Roli i saj kritik në tranzicionin energjetik
Aktualisht, në rrugën drejt reduktimit të gjurmës globale të karbonit, gazi natyror pritet të luajë rolin e një karburanti kalimtar. Në të njëjtën kohë,......
Më shumë se 1.5 milionë ditë pune të humbura - Grevat në Gjermani pritet të përkeqësojnë dhe më shumë situatën
Numri i ditëve të punës të humbura për shkak të grevave në Gjermani u dyfishua vitin e kaluar krahasuar me një vit më parë dhe u rrit në më shumë se 1.5......
Plani radikal i Barcelonës: Ndalon qiratë afatshkurtra të turizmit
Këshilli i qytetit të Barcelonës ka njoftuar një plan radikal për të 'liruar' qytetin nga rreth 10,000 licencat e banesave turistike gjatë pesë viteve të......
Zvicra burgos anëtarët e familjes më të pasur në Mbretërinë e Bashkuar për abuzim me punëtorët!
Familja u shpall fajtore për sekuestrimin e pasaportave të punëtorëve, i ndaloi të dilnin jashtë dhe i detyroi të punonin deri në 18 orë në ditë. Prokurorët......
Si të mbroheni kur ecni në valët vdekjeprurëse të të nxehtit?!
Temperaturat janë rritur mbi 40 gradë Celsius ditët e fundit, duke bërë që autoritetet lokale të mbyllin Akropolin në Athinë dhe të paralajmërojnë njerëzit të......
Universitetet më të mira në botë: Europa pretendon 2 nga 3 vendet e para!
Universitetet më të mira në botë janë zbuluar në edicionin e 21-të të renditjes botërore të universiteteve QS. Lista kryesohet sërish nga Instituti i......
