Tregtia e jashtme "thellon" rënien në prill - Importet dhe eksportet u ulën 19.2% e 3.9%. Ndikuan lëndët djegëse, materialet e ndërtimit
Të dhënat nga “Instituti i Statistikave” mbi tregtinë e jashtme referuar muajit Prill të këtij viti tregojnë se eksportet dhe importet vijojnë edhe për këtë muaj të regjistrojnë rënie. Kështu, në Prill eksportet e mallrave arritën vlerën 34 mld lekë, duke rënë me 19.2%, në krahasim me të njëjtën periudhë të një viti më parë dhe me 19.3%, në krahasim me Marsin e vitit 2023. Nga ana tjetër, importet e mallrave arritën vlerën 75 mld lekë, duke rënë me 3.9%, në krahasim me një vit më parë dhe me 7.1%, në krahasim me muajin paraardhës. Referuar të dhënave të muajit mars duket se importet kanë thelluar rënien e tyre në vlerë.
Nga ana tjetër, referuar analizës së të dhënave në volum, pra në peshë eksportet dhe importet nuk kanë shkuar në të njetin drejtim për muajin Prill të këtij viti. Importet kanë shënuar rritje, krahasuar me të njejtën periudhë të një viti me parë, ndërkohë eksportet paraqiten me rënie . Eksportet në peshë kanë rënë me 5,6%, krahasuar me muajin prill të vitit 2022, ndërsa importet janë rritur në peshë me 4.2%.
Po t’i analizojmë sipas grupmallrave shohim se në peshë rënien më të lartë sa i përket eksporteve e kanë shënuar “ Materiale ndërtimi dhe metale” me 27.2%, ndërkohë ndjek në renditje me një rënie të konsiderueshme “Tekstile dhe këpucë” me 20.6%, çka konfirmon impaktin e zhvlerësimit të euros te industria fasone. Rritje në volum në drejtim të eksporteve kanë shënuar edhe grupet “Lëkurë dhe artikuj prej lëkure” me 28.7%, “Minerale, lëndë djegëse” dhe “Ushqim, pije e duhan" me 2% secili.
Në drejtim të importeve, shifrat tregojnë se janë rritur në volum, paçka se në vlerë paraqiten me rënie. Kjo duket të jetë rrjedhojë kryesisht e rritjes prej 31.8% të importit të makinerive, pajisjeve dhe pjesëve të këmbimit. Rënie në peshë të importeve kanë regjistruar hidrokarburet me 11.8% dhe prodhimet e drurit me 15.9%.
“Scan Intel” ndër të tjera ka analizuar edhe ndryshim në vlerë të importeve dhe eksporteve sipas grupeve. Shifrat tregojnë se për eksportet rritjen më të madhe nga grupet në vlerë e kanë shënuar produktet e lëkurës me 26,5%, pasuar nga produktet kimike me një rritje prej 7%. Ekportet e ushqimeve po ashtu janë rritur në vlerë me 1.6%, ndërkohë me rënie paraqiten materialet e ndërtimit, prodhimet e drurit dhe hidrokarburet me 40.5%, 24.7% dhe 24.4% respektivisht.
Ndërkohë, nga ana tjetër, nëse analizojmë ndryshimin vjetror të importeve në vlerë shohim se rënien më të lartë e kanë regjistruar “Minerale, lëndë djegëse” me 46%.
Sa i përket kontributit të grupeve kryesore gjatë muajit prill në uljen e eksporteve prej 19.2%, kanë ndikuar grupet: “Materiale ndërtimi dhe metale” me 10.2 pikë përqindje, “Minerale, lëndë djegëse, energji elektrike” me 4.6 pikë përqindje dhe “Tekstile dhe këpucë” me 3.8 pikë përqindje. Ndërsa pozitivisht kanë ndikuar grupet: “Ushqime, pije, duhan” me 0.2 pikë përqindje dhe “Produkte kimike dhe plastike” me 0.2 pikë përqindje.
Për importet ndërkohë, në rënien e tyre prej 3.9% kanë ndikuar negativisht grupet: “Minerale, lëndë djegëse, energji elektrike” me 7.7 pikë përqindje, “Tekstile dhe këpucë” me 0.9 pikë përqindje dhe “Prodhime druri dhe letre” me 0.9 pikë përqindje. Ndërsa pozitivisht kanë ndikuar grupet: “Makineri, pajisje dhe pjesë këmbimi” me 4.8 pikë përqindje dhe “Materiale ndërtimi dhe metale ” me 1.0 pikë përqindje.
Xhorxhina Deda/SCAN
Sondazh
Pse KESH po shet energji më lirë se Bursa Shqiptare - Korporata: Treg i vogël, do e testojmë kur të jemi në kushte më të favorshme
Korporata Elektroenergjetike Shqiptare ka arkëtuar rreth 4.4 mln euro nga shitja e energjisë, përmes një procedure të realizuar të premten, ndërkohë që çmimi......
Blendi Gonxhja paralajmëron stuhi në DPSHTRR: ‘Largime nga detyra dhe luftë ndaj marifeteve’!
Përmes një postimi në rrjetet sociale Drejtori i Përgjithshëm i DHSPTRR, Blendi Gonxhja bën me dije se institucioni në fjale po vijon të monitorojë çdo proces......
DigitAlb – Zgjedhja e vetme për Shqiptarët dhe Diasporën!
Në epokën e re të transmetimeve televizive, teknologjia e avancuar sjell vazhdimisht mënyra të reja argëtimi për ne dhe për të gjithë bashkëkombasit tanë, kudo......
Britania lançon planin e gjysmëpërçuesve prej 1.2 miliardë dollarë pas ‘çmendurive’ të SHBA dhe BE për çipat!
Mbretëria e Bashkuar njoftoi të premten deri në 1 miliard £ (1.24 miliardë dollarë) mbështetje për industrinë e saj gjysmëpërçuese, duke kërkuar të rrisë......
Emergjencat e motit deklarohen për të gjithë Europën!
Disa emergjenca të lidhura me motin janë shpallur në të gjithë Europën, përfshirë Italinë, ku përmbytjet fatale kanë pasuar thatësirën e madhe në disa......
Grevat europiane të udhëtimeve në maj dhe qershor: Kur janë dhe cilat vende do të preken?
Europa vjon të mbetet një koshere grevash ende edhe tani, me shumë punonjës të pakënaqur që inflacioni i lartë nuk është shoqëruar me paga më të larta. Ecje në......
Ndalimi i duhanit në Francë: Ligjvënësit votojnë për masën e re për të frenuar rrezikun e zjarreve!
Ligjvënësit kanë votuar për masat e reja për të trajtuar shkatërrimin në rritje nga zjarret e lidhura me ndryshimet klimatike. Ata kanë votuar për të......
Financimi i Bizneseve të vogla dhe të mesme - USAID lançon platformën LORES, një zgjidhje Fintech për financimin e bizneseve në Ballkanin
Agjencia e Shteteve të Bashkuara për Zhvillim Ndërkombëtar (USAID) në bashkëpunim me Creative Business Solutions (CBS), një firmë konsulence biznesi, ka......
