Si po ndikon rritja e pagave në pensione? - Skema po ul varësinë ndaj buxhetit të shtetit, rritet fuqia paguese
Reforma e rritjes së pagave në sektorin publik përgjatë vitit që kaloi si dhe rritja e pagës minimale në shkallë vendi në 40 mijë lekë në muaj, duket se ka dhënë ndikim të menjëhershëm në shëndoshjen e skemës së pensioneve, e cila prej vitesh është konsideruar si një “gropë” për buxhetin e shtetit për shkak se kërkon transferta të larta për mbulimin e shpenzimeve.
Për herë të parë gjatë vitit që kaloi, Instituti i sigurimeve Shoqërore e mbylli vitin me një tepricë në të ardhura prej 7.9 miliardë lekësh, të cilat janë derdhur në të ardhurat e përgjithshme të buxhetit për vitin 2024.
Si rezultat i performancës pozitive të të ardhurave, është reduktuar ndjeshëm transferta e buxhetit të shtetit për skemën e sigurimeve shoqërore. Kjo transfertë në vitet 2018-2022 ka qenë mesatarisht 36 për qind e totalit të shpenzimeve, para të cilat duhet të hiqeshin nga zëra të tjerë për të mbuluar pensionet dhe kategoritë e tjera të mbështetjes financiare që jep ISSH. Ndërsa në vitin 2023 kjo transfertë ka rënë ishte 27 për qind.
Po ashtu trendi në rënie i transfertës së buxhetit të shtetit për skemën e pensioneve parashikohet të vazhdojë edhe gjatë vitit 2024, duke u ndikuar nga rritja e pagave në sektorin publik, reformë e cila do të vijojë edhe përgjatë këtij vitit, e cila nxit edhe rritjen e pagave në sektorin privat
Por kush e mban peshën më të madhe të të ardhurave në skemën e pensioneve? Referuar të dhënave të Institutit të Sigurimeve Shoqërore, për 6-mujorin e parë 2023, ndër kontribuuesit kryesor në arkën e shtetit është sektori privat, i cili zë 64 për qind në raport me numrin total të kontribuuesve, ndjekur nga institucionet publike të cilat zënë 20.1 për qind, të vetëpunësuarit në bujqësi zënë 9.8 për qind dhe ata vullnetar 1.1 për qind.
Përgjatë kësaj periudhe numri total i kontribuuesve regjistrohet në 831,381 individë, duke shënuar një rritje me afro 33 mijë kontribuues krahasimisht me 6-mujorin e parë 2022.
Nëse do të analizojmë performancën e secilës kategori gjatë vitit që lamë pas në raport me vitin 2022, vihet re se formalizimi i fermerëve dhe firmat private kanë kryesuar në rritjen e numrit të kontribuuesve.
Elisabeta Dosku/ SCAN
Sondazh
Kushner për New York Post: Ja pse po investoj në Shqipëri dhe Serbi! - Planet për ndërtimin e hoteleve luksoze në Ballkan
Në një intervistë eksluzive për Neë York Post, Jarde Kushner ka shpjeguar arsyet e investimeve të synuara në vendin tonë. Këto investime tejkalojnë shifrën e 1......
251 milionë euro sigurime për dy muaj - Janar – shkurt/ Shifra më e lartë në 5 vitet e fundit
Viti 2024 ka nisur mbarë për buxhetin e Institutit të Sigurimeve Shoqërore dhe për skemën e pensioneve, pasi të ardhurat nga kontributet e sigurimeve......
Goditja e trefishtë për ekonominë greke - Parashikim i zymtë për të ardhmen nga Moody’s
Ekonomia greke po shfaq probleme për sa i përket zhvillimit, duke bërë që dhe vlerësimi i Moody’s të jetë negativ. Një rol të madh luan rritja e cmimeve të......
Shqiptarët orientohen drejt gjuhës angleze - Në testim morën pikë më të larta se 62% e pjesëmarrësve nga 108 vende të botës
Tranzicioni gjuhësor në Shqipëri, nga gjuha italiane në gjuhën angleze, reflekton një transformim të shoqërisë dhe kulturës shqiptare në epokën e globalizmit.......
Qyteti i gjelbër në Dubai kushton 353 milionë dollarë - Fermë urbane, biçilkleta, automjete elektrike dhe fotovoltaikë në çdo çati
Një nga zonat me konsumin më të ulët të karbonit në botë është ‘Qyteti i Gjelbwr i Dubait’. Ndërtesat e tij konsumojnë 40% më pak ujë falë infrastrukturës së......
Page mesatare prej 900 euro në muaj, indeksim i pensioneve si dhe bonusi i fundvitit - Mete, fjalim për Aktin Normativ të Buxhetit 2024
Ministri i financave, Ervin Mete ka mbajtur një fjalim në seancën plenare të Kuvendit për Aktin Normativ të Buxhetit 2024 i cili është paraqitur sot për......
Kosova merr financim për termocentralin diellor 120 MW - Banka Europiane e Investimeve po jep një kredi prej 33 milionë euro
Banka Europiane e Investimeve po jep një kredi prej 33 milionë euro për një termocentral diellor prej 120 MW me kapacitet maksimal. Ndërmarrja energjetike e......
Itali, rreth 40 mijë mjekë arratisen jashtë vendit - Reduktim drastik i taksave për t’i bindur të rikthehen
Brenda 5 viteve janë rreth 40 mijë mjekët italianë që kanë braktisur vendin për një pagë më të mirë. Qeveria po përpiqet ‘t’i bindë’ të rikthehen duke premtuar......
