Si ndryshoi në 5 vite tregtia Shqipëri-Kosovë/ Analiza e shifrave të shkëmbimeve mes dy vendeve shqiptare!
Shqipëria dhe Kosova po njohin një rritje të ndjeshme të shkëmbimeve tregtare mes tyre. Viti 2021, ka shënuar një rekord historik në nivelin e shkëmbimeve mes dy vendeve, duke e kthyer Kosovën në një prej partnerëve të rëndësishëm ekonomikë të Shqipërisë.
Në 5 vite, Kosova po kthehet në një treg shumë të rëndësishëm të mallrave të Shqipërisë, e sidomos të materialeve të ndërtimit dhe metaleve. Shkëmbimet tregtare mes dy vendeve janë dyfishuar duke e kthyer Kosovën në një prej partnerëve tregtarë me rritjen më të shpejtë të shkëmbimeve.
Referuar të dhënave të Tregtisë së Jashtme të Instat, në vitin 2017 Shqipëria eksportoi në Kosovë mallra më vlerë rreth 21 miliardë lekë dhe gradualisht, deri në vitin 2021, vlera e eksporteve ka arritur vlerën e 37.7 miliardë lekëve.
E njëjta tendencë rritëse konstatohet edhe me importet, ku në 5 vite shifra e tyre është rritur nga 8.4 miliardë lekë në 15.4 miliardë lekë.
Por cilat janë mallrat që po shkëmbehen më shumë mes dy vendeve dhe si kanë ndryshuar ato në 5 vitet e fundit?
- Niveli i eksporteve për grupin e mallrave “Ushqime, pije e duhan” nga 2.8 miliardë ka shkuar në 4.7 miliardë lekë.
- Mineralet dhe lëndët djegëse e energjia elektrike nga 4.8 miliardë lekë kanë arritur në 2021 në 8 miliardë lekë.
- Produktet kimike dhe plastike nga 1.1 miliardë lekë kanë arritur në 3.1 miliardë lekë.
- Lëkurë dhe artikuj prej lëkure nga 8 miliardë lekë kanë arritur në 15 miliardë lekë.
- Prodhime druri dhe letre nga 436 milionë lekë kanë arritur në 936 milionë lekë.
- Materialet e ndërtimit dhe metalet nga 9.5 miliardë lekë kanë arritur në 17.4 miliardë lekë.
- Makineritë dhe pjesët e këmbimit nga 714 milionë lekë kanë arritur në 1.7 miliardë lekë.
Por cila është situata e eksporteve në 5 muajt e parë të këtij viti?
Në 5 muajt e parë të këtij viti, Kosova renditet si një ndër 3 vendet më të cilat Shqipëria ka pasur rritjen më të madhe të eksporteve. Në total, në periudhën janar-maj 2022 Shqipëria ka eksportuar në Kosovë mallra me vlerë 15.8 miliardë lekë. Nëse tendenca e eksporteve vijon edhe në muajt në vijim e njëjtë, atëherë këtë vit mund të kemi një ‘thyerje’ të rekordit historik të eksporteve mes dy vendeve.
Gjatë këtyre 5 muajve, Shqipëria ka eksportuar në Kosovë ushqime, pije e duhan me vlerë 2.1 miliardë lekë. Po ashtu, ka eksportuar minerale, lëndë djegëse e energji elektrike me vlerë 2.6 miliardë lekë që në fakt rezulton më pak se vitin e kaluar.
Sa i përket produkteve kimike dhe plastike, Shqipëria ka eksportuar në Kosovë 1.8 miliardë lekë ndërsa prodhime druri dhe letre 564 milionë lekë.
Ndikimin më të madh në rritjen e eksporteve të Shqipërisë në Kosovë e ka pasur grupmallrat materiale ndërtimi dhe metale., ku këtë 5 mujor janë eksportuar 7.2 miliardë lekë, duke njohur rritje të konsiderueshme në krahasim me të njëjtën periudhë të një viti më parë. Nëse do të analizojmë importet e Shqipërisë nga Kosovë, rezulton se ato janë rritur por larg ritmeve me të cilat po rriten eksportet.
SCAN
https://www.youtube.com/watch?v=wdoi3EmPDQU
Sondazh
Porti i Durrësit deri në Prishtinë, gati hekurudha - Kosova do lidhet në terminalin e gazit në Vlorë, riaktiviziohet projekti IAP, do lidhet me TAP
Terminali i gazit të lëngshëm në Vlorë, bashkëpunimi i operatorëve KESH dhe KEK për transmetimin dhe depozitimin e energjisë dhe hekurudha që do lidhë Durrësin......
“Të përcaktohet buxheti e kostot për ligjin spitalor” - Opozita, në komisionin parlamentar të shëndetësisë: Mungesë transparence
Me debate është shoqëruar diskutimi i projektligjit për shërbimin spitalor këtë të hënë në Komisionin e Shëndetësisë dhe Çështjeve Sociale. Planifikimi......
“Të indeksohen pagat dhe pensionet” - Radonshiqi: Paketa antikrizë ka nevojë për rishikim!
Në kushtet kur kriza e rritjes së çmimeve po vijon, qeveria duhet të shikojë mundësinë për indeksimin e pensioneve dhe pagave, si një mënyrë për të mbrojtur......
Shqipëri-Kosovë, dy qeveritë mblidhen në Prishtinë - Rama paralajmëron mbledhjen e përbashkët të dy Kuvendeve. Kurti: Oqean mundësish
Dy qeveritë e Shqipërisë dhe Kosovës kanë zhvilluar mbledhjen e tetë të përbashkët. Dy Kryeministrat kanë theksuar hovin që ka marrë bashkëpunimi mes dy......
Turizmi me rritje për të gjashtin muaj radhazi - Hotelet regjistrojnë 51 mijë netë qëndrime më shumë!
Shifrat e strukturave akomoduese vijojnë me rritje për të gjashtin muaj radhazi. Publikimi i Institutit të Statistikave tregon se numri i vizitorëve gjithsej......
Na duhet një orë punë për të blerë 1 litër naftë/ Shqipëria, e para në Europë, një zvicerani i duhen vetëm 4 minuta!
Një shqiptar mesatar paguhet neto në muaj, 410 euro. Kjo shumë përkthehet në 2.36 euro neto në orë. Kaq vlen ora e punës së një shqiptari mesatar. Por, çfarë......
Inflacioni i lartë në Gjermani: Gjithnjë e më shumë qytetarë kërkojnë ndihma ushqimore!
Rritja drastike e cmimeve të energjisë po prek shumë gjermanë, deri në pikën që disa prej tyre nuk kanë zgjidhje tjetër përvec se të kërkojnë ndihmë......
Drejtori i “Sberbank” përgënjeshtron Putin: Rusisë do t’i duhen 10 vjet për të rimarrë veten nga sanksionet perëndimore!
Sberbank është banka kryesore ruse, dhe ka një rëndësi të vecantë për Kremlinin. Kreu i bankës, Herman Gref, paralajmëroi se do të duhen 10 vjet para se......
