Si Japonia dhe SHBA po zgjerojnë aleancën e sigurisë mes tyre?!
Vetëm pak javë pas riformulimit të strategjisë japoneze të mbrojtjes kryeministri Fumio Kishida takohet të premten (13.01) në Uashington me presidentin e SHBA-së Joe Biden. Të dy vendet janë duke forcuar bashkëpunimin e tyre ushtarak, ekonomik dhe në fushën e teknologjisë duke reaguar kësisoj ndaj ndryshimeve të rrethanave gjeopolitike të sigurisë.
Edhe siguria në rrugën e Tajvanit është në fokus të aleancës së re të përforcuar amerikano-japoneze. Në një deklaratë të publikuar të premten e kaluar (6.01) nga Shtëpia e Bardhë thuhet, se Biden dhe Kishida do të diskutojnë zgjerimin e bashkëpunimit në kontekstin e një sërë temash rajonale dhe globale që nga ndryshimi i klimës, teknologjitë e rëndësishme për të ardhmen, programet bërthamore të Koresë së Veriut si dhe luftën në Ukrainë e deri tek „ruajtja e paqes dhe stabilitetit në rrugën e Tajvanit".
Pika kryesore e takimit ka të bëjë me orientimin e ri të politikës japoneze të mbrojtjes dhe të sigurisë. Direktivat e riformuluara në dhjetor japin përgjigje ndaj „rrethanave më serioze dhe më të ndërlikuara" të sigurisë që nga Lufta e Dytë Botërore, thuhet në dokumentin përkatës. Demonstrimi ushtarak i Kinës në Azinë Lindore përshkruhet si „sfida më e madhe strategjike" e të gjitha kohërave. Ndaj Japonia do të shpenzojë më shumë për mbrojtjen edhe në aleancë me SHBA-në do të marrë përsipër një rol më të rëndësishëm ushtarak.
Kishida do ta rrisë buxhetin për mbrojtjen deri më 2027 në 2 % të produktit bruto në vend, ndërsa deri tani si kuotë jo zyrtare maksimale ishte 1 %. Njëkohësisht Japonia për herë të parë synon „aftësinë ushtarake kundërsulmuese", për neutralizimin e pozicioneve të raketave në territor armiqësor. Për këtë Japonia do të blejë nga SHBA, 500 raketa dhe do të konstruktojë edhe raketat e veta.
Ndryshimi i strategjisë është hapi i fundit i madh i Japonisë pas një rruge shumëvjeçare drejt një fuqie më të madhe ushtarake. Kryeministri prej shumë vitesh Shinzo Abe në këtë strategji shihte rrugën drejt një Japonie si „fuqi normale". Për vite me radhë Kishida ka qenë ministër i Jashtëm në qeverinë e Abesë dhe e ka mbështetur politikën e tij.
Distancimi nga pacifizmi tradicional i pasluftës në Japoni dëshirohej edhe nga SHBA. Në matjen e forcave me Kinën për Tajvanin dhe rrjedhën e kufijve në lindje të detit jugor kinez SHBA-së i duhet një Japoni më e aftë për të vepruar.
Në kuadër të takimit mes Biden dhe Kishida të premten (13.01) do të nënshkruhet edhe një marrëveshjeve për sigurinë kibernetike nga ministri japonez i Ekonomisë, Tregtisë dhe Industrisë, Yasutoshi Nishimura si dhe ministri i SHBA-së për Mbrojtjen e Atdheut. DW
E . S / SCAN
Sondazh
Si me një shitje të juanit kinez, Rusia po nis ndërhyrjen në forex-in e vitit 2023?!
Rusia tha se do të rifillojë ndërhyrjet në valutë të huaj me shitjen e juanit nga e premtja, duke nënvizuar rëndësinë në rritje të monedhës së Kinës në......
Paradoksi/ Kreu i një prej kompanive më të mëdha të naftës në botë emërohet si president i samitit të klimës COP28!
Emiratet e Bashkuara Arabe njoftuan të enjten se kreu i gjigantit shtetëror të naftës Abu Dhabi National Oil Company (ADNOC), një nga kompanitë më të mëdha të......
Bankat, shkëlqyen depozitat e kredia, vëmendje interesave - Shoqata e Bankave, Brumbulli: Shpresojmë që zbutja e inflacionit të ndalë rritjen e normës bazë
Në një intervistë eksluzive për Scan Televizionin, Sekretari i Përgjithshëm i Shoqatës Shqiptare të Bankave Spiro Brumbulli ka analizuar treguesit e vitit që......
Qeveria i jep të drejtë vetes të rrisë “pa limit” pensionet - Kur vendoset për indeksim më shumë se një herë dhe si bëhet llogaritja?!
Qeveria shqiptare i jep të drejtë vetes që të mund të vendosë për indeksimin e pensioneve më shumë se një herë në vit. Referuar vendimit të miratuar së fundmi......
Kooperativat e energjisë, gati ligji - I hapet rruga bashkimit të prodhuesve nga dielli, era dhe uji. Akses në tregjet e energjisë
Prodhuesit e energjisë elektrike nga burime të rinovueshme, sikurse është dielli, era apo uji mund të bashkohen me njëri-tjetrin, duke krijuar “kooperativa......
Si do mblidhen paratë e ndërtimeve dhe shtesave pa leje - Qeveria ndryshon tarifat e legalizimeve. 10 mijë lekë për çdo kat të ndërtimit
Janë përcaktuar tarifat e reja dhe mënyrat e pagesave përsa I përket legalizimeve. Në mbledhjen e fundit, Këshilli i Ministrave ka përcaktuar vlerën e tarifave......
Korça ndriçohet me ‘drita inteligjente’ – Shpallet tenderi prej 78 milionë lekë!
Agjencia e Prokurimit Publik ka shpallur tenderin për ‘Shfrytëzimin inteligjent të energjisë (Projekti i eficencës së energjisë) për qytetin e Korçës. Sipas......
Parku diellor privat, “ok” nga qeveria - Fuqia e instaluar do jetë 100 MW, 2% e energjisë së prodhuar do i dhurohet shtetit
Këshilli i Ministrave i ka hapur rrugë ndërtimit të një centrali të madh diellor në zonën e Ballshit. Impianti do të jetë investim tërësisht privat e nuk do të......
