Sejko me numrin 2 të FMN: Bankat në Shqipëri të konsoliduara dhe me likuiditet! BSH e gatshme për çdo lloj ndërhyrje për stabilitetin e çmimeve
Sistemi bankar në vend ka njohur konsolidim dhe është karakterizuar nga tregues të qëndrueshëm financiarë dhe likuiditet i bollshëm për të mbështetur zhvillimin e vendit. Gjatë vitit 2022, depozitat dhe kreditë u rritën, cilësia e kredisë vijoi përmirësimin dhe treguesit e tjerë të qëndrueshmërisë financiare mbetën në nivele të përshtatshme. Kanë qenë këto deklaratat e guvernatorit të Banëks së Shqipërisë, Gent Sejko në takimin me Zëvendësdrejtorin e Përgjithshëm të Fondit Monetar Ndërkombëtar, Bo Li. Zëvendësdrejtori i Përgjithshëm i FMN është duke zhvilluar një sërë takimesh të nivelit të lartë me autoritetet kryesore të vendit në kuadër të vizitës të tij zyrtare në Shqipëri.
Takimi me Guvernatorin Sejko u zhvillua në ambientet e Bankës së Shqipërisë, ku Li shoqërohej nga z. Domenico Fanizza, Drejtor Ekzekutiv për Shqipërinë në FMN dhe zj. Stephanie Eble, Përfaqësuese Rezidente Rajonale për Ballkanin Perëndimor. Të pranishëm në takim ishin dhe përfaqësues të tjerë të lartë të Bankës së Shqipërisë dhe të FMN-së.
Fillimisht, Guvernatori Sejko vlerësoi marrëdhëniet e shkëlqyera të bashkëpunimit midis Bankës së Shqipërisë dhe Fondit Monetar Ndërkombëtar, të cilat kanë qenë një mbështetje e vazhdueshme për hartimin e reformave ekonomike dhe financiare të vendit dhe sidomos për zbatimin e reformave të nevojshme për konsolidimin e sistemit bankar shqiptar.
Më tej, Guvernatori e ka njohur zotin Li me zhvillimet më të fundit makroekonomike në Shqipëri, me ecurinë e inflacionit dhe masat e marra nga Banka e Shqipërisë për mbajtjen e tij nën kontroll, me ecurinë e kreditimit në vend, konsolidimin e sistemit bankar dhe punën e bërë nga Banka e Shqipërisë në këtë fushë.
Në përmbushje të mandatit të saj kryesor, Banka e Shqipërisë ka vijuar procesin e normalizimit të politikës monetare, duke rritur normën bazë të interesit 3 herë gjatë këtij viti, për kontrollin e presioneve inflacioniste dhe kthimin e inflacionit në objektiv brenda një horizonti kohor afatmesëm. “Banka e Shqipërisë mbetet e gatshme të ndërhyjë në kohën dhe me forcën e duhur për të garantuar stabilitetin e çmimeve në vend, duke krijuar kushte të përshtatshme për rritjen e qëndrueshme dhe afatgjatë të ekonomisë shqiptare.” u shpreh Guvernatori.
Ambienti i jashtëm vazhdon të mbetet sfidues. Megjithatë, Guvernatori parashtroi se ekonomia shqiptare pritet të shënojë rritje në vitin 2022 e më tej, duke dëshmuar gjerësinë dhe soliditetin e burimeve të rritjes, qëndrueshmërinë e mbështetjen e sektorit financiar, si dhe fleksibilitetin e sektorit privat.
Për sa i përket sistemit bankar, Guvernatori u shpreh se vitet e fundit ky sistem ka patur një konsolidim të mëtejshëm, karakterizuar nga tregues të qëndrueshëm financiarë dhe likuiditet i bollshëm për të mbështetur zhvillimin e vendit. Gjatë vitit 2022, depozitat dhe kreditë u rritën, cilësia e kredisë vijoi përmirësimin dhe treguesit e tjerë të qëndrueshmërisë financiare mbetën në nivele të përshtatshme.
Disa nga çështjet e tjera në të cilat ai u ndal ishin nxitja e kreditimit të shëndetshëm, reduktimi i kredive me probleme, digjitalizimi i tregut të pagesave dhe fuqizimi i aftësisë për ndërhyrje të jashtëzakonshme. Ndërmarrja e hapave konkretë në secilën fushë mbetet një tregues konkret i angazhimit të Bankës së Shqipërisë për respektimin e detyrave të saj ligjore, adresimin e sfidave të reja, si dhe mirëqeverisjen institucionale.
Zëvendësdrejtori i Përgjithshëm i FMN, z. Bo Li, nga ana e tij theksoi se vitet e fundit, Shqipëria është përballur me tre goditje të forta të njëpasnjëshme si tërmeti i vitit 2019, pandemia mbarëbotërore dhe rritja e theksuar e ҫmimit të energjisë dhe ushqimeve për shkak të luftës në Ukrainë e megjithatë vendi ka vazhduar progresin e tij, falë edhe masave mbështetëse dhe koordinimit përkatës të autoriteteve kryesore në vend për të kufizuar në kohë efektin e këtyre goditjeve.
Një meritë e veçantë për këto arritje të mëdha i takon Bankës së Shqipërisë, e cila ka qenë mjaft e suksesshme në zbatimin e politikave të saj, duke kontribuar në një ambient të shëndoshë makroekonomik dhe duke siguruar një treg të konsoliduar bankar në Shqipëri. “Banka e Shqipërisë me të drejtë ka nisur procesin e normalizimit të politikës monetare në vitin 2022 për të mbajtur në kontroll presionet inflacioniste..” u shpreh z. Li.
Më tej, Zëvendësdrejtori i Përgjithshëm, z Li, nënvizoi se pavarësisht sfidave botërore dhe efekteve të tyre lokale, Shqipëria duhet të vazhdojë rrugën e reformave të mëtejshme me qëllim adoptimin dhe përafrimin me standardet e BE-së. . Forcimi i institucioneve, përmirësimi i qeversisjes dhe përputhshmëria me standardet më të mira ndërkombëtare mbeten kushte thelbësore për zbatimin e reformave dhe arritjen e këtyre objektivave.
Në përfundim të takimit, përfaqësuesit e FMN-së vizituan edhe Muzeun e Bankës së Shqipërisë, ku u njohën me rrugëtimin ndër vite të monedhës shqiptare, historinë financiare të vendit dhe krijimit të bankës qendrore në Shqipëri.
Sondazh
Frika e recesionit ul çmimet e naftës - Lehtësimi i kufizimeve të COVID-19 në Kinë pritet të rrisin kërkesën
Çmimet e naftës ranë të hënën pasi frika për një recesion global shkaktoi shqetësime se rritja e kërkesës për karburant do të ngadalësohet. Kontratat e së......
Çmimi i lartë i bukës në Europë shënon rekord - Në muajin gusht, rritje prej 18% në krahasim me një vit më parë
Të dhënat e raportit më të fundit tëEurostat konfirmojnë se cmimi aktual i bukës është më i larti i regjistruar ndonjëherë. Shkaku kryesor mbetet lufta në......
Komisioni Europian merr “pushtetin” e emergjencës - Rregulla të reja për krizën e furnizimit në tregun e përbashkët
Kompanitë me bazë në Europë mund të jenë të detyruara t’i japin prioritet prodhimit të produkteve kryesore si dhe të krijojnë rezerva me mallra sipas projekt......
Maqedonia e Veriut, 400 milionë dollarë nga turizmi - Mbi 2.6 milionë turistë kanë zgjedhur të vizitojnë vendin!
Drejtori i Agjencisë për promovim dhe mbështetje të turizmit në Maqedonin e Veriut, Ljupço Janevski, konfirmoi se turizmi mund ta mbyllë vitin me mbi 400......
Vendet e varfra, taksë globale për të pasurat? - Objektivi, financimi i humbjeve dhe dëmeve të shkaktuar nga ndryshimi i klimës
Vendet më të varfra në botë po përgatiten të përballen me ekonomitë më të pasura për sa i përket një kërkese për financim të menjëhershëm – mundësisht duke......
Kostot dhe emigracioni “shuajnë” blegtorinë në Shqipëri - Hoxha: Prodhimi i qumështit në rënie, e “paguajnë” konsumatorët
Kostot në rritje të blegtorëve kanë bërë që të braktisin tufat e bagëtive dhe si rrjedhim të ketë më pak lëndë të parë për fabrikat e përpunimit të qumështit.......
Policia, operacione ndaj dyqaneve për kontrabandë/ Bllokohen 5 në Durrës, sekuestrohen 2 kilogram flori
Policia e Shtetit vijon serinë e operacioneve ndaj subjekteve tregtare për të evidentuar kontrabandën. Referuar njoftimit zyrtar, Policia po ushtron kontrolle......
“100 euro për çdo student” - Dorëzohet në Kryeministri peticioni me 6 mijë firma!
Vetëm pak javë i ndan nga fillimi i vitit të ri akademik dhe studentët tregohen të vendosur për të marrë një ndihmë nga qeveria për përballizmin e krizës......
