Në cilin qark ka më shumë beqarë? Rreth 36.6% e popullsisë nuk janë martuar asnjëherë, dominojnë meshkujt
Sipas të dhënave të Censusit 2023, Shqiptarët rezultojnë se po martohen gjithnjë e më pak. Rreth 36.6% e popullsisë totale në vend është me statusin beqar ose nuk është martuar kurrë. Nga kjo përqindje, 44.3% janë femra dhe 55.7% janë meshkuj, përqindje kjo më e lartë dhe për shkak të moshës më të vonshme mesatare të martesës së këtyre të fundit. Ndryshimet në stilin e jetesës, rritja e moshës për t’u martuar, plakja graduale e popullsisë dhe emigracioni i lartë i të rinjve janë disa nga faktorët kryesorë që ndikojnë në këtë prirje.
Por sa i përhapur është ky fenomen në qarqet e Shqipërisë? Ku ka më shumë beqarë dhe ku më pak? Në një analizë të detajuar, "Scan Intel" ka krahasuar të dhënat e popullsisë banuese dhe asaj beqare për të përcaktuar numrin e beqarëve për çdo 1,000 banorë.
Sipas përllogaritjeve rezulton se Kukësi renditet i pari me 423 beqarë për 1,000 banorë. Një pjesë e madhe e popullsisë ka migruar drejt qyteteve të mëdha ose jashtë vendit për mundësi më të mira pune, duke çuar në një strukturë të lartë të beqarëve në zone.
Më pas, renditet Tirana me 413 beqarë për 1,000 banorë. Duke qenë një qendër e madhe urbane me mundësi të shumta punësimi, shumë të rinj zgjedhin të përqendrohen në karrierë duke e shtyrë martesën për më vonë.
Dibra gjithashtu ka një përqindje të lartë të personave që nuk janë martuar, ku raporti beqarë për 1,000 banorë në këtë qark është 392. Pas Dibrës vjen Durrësi dhe Berati me 376 dhe 363 beqarë për 1,000 banorë përkatësisht. Po ashtu, Lezha dhe Shkodra kanë shifra të ngjashme për sa i përket numrit të beqarëve. Konkretisht, Lezha ka 362 beqarë për 1,000 banorë, ndërsa Shkodra ka 357.
Edhe Elbasani shfaq një përqindje të konsiderueshme të popullsisë beqare. Me 344 beqarë për 1,000 banorë, ky qark përfaqëson një strukturë demografike të ndikuar kryesisht nga emigracioni. Ndërkohë në Korçë, Vlorë dhe Fier raporti beqar për 1000 banorë është respektivisht, 322, 315 dhe 302. Në fund të listës është Gjirokastra me 292 beqarë për 1,000 banorë.
Ajo që vihet re në të gjitha qarqet është se numri i meshkujve beqarë është më i lartë se ai i femrave beqare. Mesatarisht kemi 33.9% ose 8,408 meshkuj më shumë të pamartuar sesa femra. Diferenca është më e theksuar në qarkun e Gjirokastrës, ku meshkujt beqarë tejkalojnë ndjeshëm numrin e femrave me të njëjtin status. Konkretisht, në këtë qark janë 55% më shumë meshkuj beqarë.
Sondazh
Projekti, lulishte e re 13 mijë metra katrorë në Vlorë - Rikualifikim edhe për “Kalin e Trojës” dhe Ali Demin
Lulishtet e qytetit të Vlorës do t’i nënshtrohen rikualifikimit urban. Bashkia e Vlorës ka shpallur tenderin me vlerë 20.9 milionë lekë për rikualifikimin e......
Dobësohet Euro ndërsa Dollari dhe Paundi rikuperojnë pikë!
Monedha europiane është dobësuar këtë mëngjes pas mbylljes së zgjedhjeve amerikane duke u blerë sot me 97.9 lekë dhe duke u shitur me 98.5 lekë në raport me......
6.000 familje përfitojnë ulje për kondicionerë - Maqedonia e Veriut ofron kuponë për familjet me të ardhura të ulëta
Ministria e Energjisë, Minierave dhe Burimeve Minerale në Maqedoninë e Veriut bën me dije se ka filluar dhënia e kuponëve për blerjen dhe montimin e......
“Synojmë rritjen e aksesit në kulturë” - Ministri Gonxhja, në Komisionin e Edukimit për pr.buxhetin 2025
Në Komisionin parlamentar për Edukimin dhe Mjetet e Informimit Publik, po diskutohet në parim projektligji “Për Buxhetin e Vitit 2025” me Ministrin e......
“Si do i rrisim të ardhurat në buxhet në 2025”? - Ministri Petrit Malaj, në Komisionin parlamentar të Ekonomisë
Ministri i Financave, Petrit Malaj, po flet në Komisionin parlamentar të Ekonomisë dhe Financave për të ardhurat dhe shpenzimet e projektbuxhetit 2025. “Tre......
“Ringjallet” Kalldrëmi i Sarisalltikut - Hapen tenderat për rrugët e fshatrave në Gjirokastër e Përmet
Përfundimi i vitit kalendarik po shoqërohet me shtimin e investimeve, sidomos të njësive të pushtetit vendor. Në Agjencinë e Prokurimeve Publike janë......
Si mbështeten gratë përmes buxhetimit gjinor? - Sulçe: Puna e papaguar e grave shtëpiake do ishte kontribut për ekonominë
Buxhetimi gjinor është një qasje që synon të integrojë perspektivën gjinore në procesin e buxhetimit public, ndërsa përqëndrohjet në analizimin sesi......
Sistemi e-visa, lehtësim i procedurës së aplikimit për vizë - AKSHI, tender 146 mln lekë për digjitalizimin e shërbimeve konsullore
Agjencia Kombëtare e Shoqërisë së Informacionit ka hapur tender për përmirësimin e sistemit të vizës elektronike për Ministrinë për Europën dhe Punët e......
