Sa të ardhura ka një shqiptar në muaj? Vetëm 207 euro! Analiza e “SIU”, bazuar mbi të ardhurat e pagave, pensioneve, biznesit dhe emigrantëve
Niveli i të ardhurave për frymë është padiskutim treguesi kryesor i mirëqënies së qytetarëve në një shtet. Tregues të shumtë të kësaj natyre tregojnë se Shqipëria është ndër vendet me të ardhurat për frymë më të ulta në rajon dhe më gjerë. “Scan Intelligence Unit” ka bërë një analizë gjithpërfshirëse të të ardhurave, për t`i dhënë përgjigje pikërisht pyetjes se sa të ardhura për frymë kanë shqiptarët në një vit ose në një muaj. Në analizë janë marrë të ardhurat nga paga, biznesi, pensionet dhe mbrojtja sociale, si dhe remitancat, si burimet kryesore. Fitimet neto nga biznesi janë përfshirë në këtë analizë duke qenë se një pjesë e konsiderueshme e popullsisë varet nga këto fitime. Nga kjo analizë e zgjeruar, sa i përket të ardhurave nga pagat janë marrë të dhënat që kanë rrjedhur së fundmi, të cilat sipas një filtri paraprak bazuar në kryqëzimin e këtyre të dhënave me ato zyrtare, rezultojnë të jenë të sakta, ose shumë të përafërta.
Nga të 4-tët zërat e marra në analizë, dalim në pëfundimin se të ardhurat vjetore të shqiptarëve janë rreth 7.06 miliardë euro në vit. Për të nxjerrë treguesin e të ardhurave për frymë është marrë e gjithë popullsia, pra edhe të miturit, duke qenë se edhe ata janë konsumatorë në një ekonomi tregu. Në total, të ardhurat për frymë vjetore të shqiptarëve janë 2494 euro. Ndërsa, ato mujore, fiksohen në 207 euro për frymë. Kaq duket të jenë të ardhurat mesatare të një shqiptari në një muaj, për çfarëdolloj moshe dhe kategorie, të paktën bazuar në kanalet formale.
Zëri që mban peshën më të madhe është pikërisht ai i pagave, me rreth 374 mld lekë në vit bruto, ose rreth 3 miliardë euro. Kjo shifër bazohet në një projeksion të thjeshtë mbi bazën e të dhënave të pagave të muajit prill të vitit të kaluar. Duhet theksuar gjithashtu fakti se kjo shumë është bruto, pra jo e taksuar, dhe në xhepat e qytetarëve “përfundon” e reduktuar, sipas normës progresive të tatimit. Duke marrë një normë mesatare tatimi prej rreth 13%, pa përfshirë këtu kontributet shoqërore dhe shëndetësore, atëherë shifra zbret në 325 mld lekë, ose rreth 2.7 mld euro. Në vend të dytë si burim të ardhurash është ai i fitimeve të biznesit, me rreth 200 mld lekë në vit, ose rreth 1.7 milardë euro. Këto të dhëna janë të bazuara mbi një projeksion mbi fitimet e 11 muajve të parë të vitit të kaluar. Edhe këtu duhet theksuar fakti se mungojnë fitimet e biznesit të vogël që i përjashtohet tatimit mbi fitimin, pra ata me të ardhura nën 14 milionë lekë në vit. Në vend të tretë ndjek mbrojtja sociale, me rreth 173 mld lekë, sipas buxhetit të vitit të kaluar, ose rreth 1.45 mld euro. Në vend të fundit kemi remitancat me rreth 160 miliardë lekë, ose rreth 1.3 mld euro.
Shifra përfundimtare prej 207 eurosh për frymë për çdo shqiptar në muaj, siç u përmend më sipër bazohet vetëm në kanalet formale. Përveç mbrojtjes sociale, të 3 zërat e tjerë kanë një marzh të lartë informaliteti, i cili bën që shifrat të jenë të cunguara. Pra, kjo shifër tregon jo vetëm një nivel mjaft të ulët të ardhurash për frymë, që e bën të papërballueshme jetesën, por edhe tregon se niveli i informalitetit është mjaft i lartë, dhe gjithashtu pabarazia. Shifra është e përafërt, pasi siç e kemi theksuar më lartë, ka disa përjashtime, dhe përjashtimi kryesor i referohet fitimit të biznesit të vogël me të ardhura nën 14 milionë lekë në muaj, që nuk figuron në këtë analizë.
Sondazh
Rezervat e BSH rriten me 780 mln euro/ Në vetëm një muaj. Rritja rezulton thuajse e gjitha në valutë të huaj
Nëntori i vitit të kaluar regjistron një rritje të ndjeshme të rezervës së Bankës së Shqipërisë, që tashmë ka prekur rekordin më të lartë historik, pranë 4.99......
Aftësia digjitale, Shqipëria e 48-ta në botë/ Raporti i "WILEY": Grumbullojmë 5.2 pikë duke lënë pas vendet e rajonit
“WILEY”, komuniteti i kërkimit shkencor, i fokusuar kryesisht në risitë digjitale dhe inovacionin, ka publikuar së fundmi “Indeksin e Hendekut të Aftësive......
Sa fiton biznesi shqiptar? Rreth 2 mld euro në vit normal, por me pandeminë “avulluan” 450 milionë euro
Sipërmarrja është jo vetëm shtylla kryesore e çdo ekonomie në një treg të lirë, por edhe një burim të ardhurash mjaft i rëndësishëm për individët dhe familjet,......
Ekonomia shqiptare, e 123-ta në botë, - Raporti global WELT: Ne dekadën në vijim do të humbasë pozicione
Tabela e Nivelit Ekonomik Botëror 2021 (World Economic League Table), e cila mat suksesin ekonomik të vendeve të botës, ka publikuar së fundmi edicionin e......
Tirana, ideale për vegjetarianët. Renditemi të katërtit në Europë për restorantet më të mira
Gjatë periudhës së festave nuk mungojnë gatimet tradicionale që mund të serviren në tryezat e familjeve shqiptare. Padyshim, produkti i mishit zë vend në......
Tkurren depozitat bankare, - Bien me 0.7% në nëntor, rënia e parë pas 20 muajsh
Gjatë nëntorit të këtij vitit, sasia e depozitave në sektorin bankar ka pësuar një tkurrje për të parën herë që prej muajit prill të vititi 2020. Asokohe......
Kreditimi, rekord i ri gjatë nëntorit, - Arrin në 26.3 mld lekë, “falë” huasë së re për ndërmarrjet publike
Huaja e re për ekonominë gjatë muajit nëntor fiksohet në 26.3 miliardë lekë tregojnë shifrat më të fundit zyrtare nga Banka e Shqipërisë. Kjo shifër është më e......
68% e shqiptarëve paguhen nën pagën mesatare, - Analiza e pagave: 0.06% e më të mirëpaguarve zë 3.66% të pagave
Publikimi i të dhënave personale të cilat kanë një ndjeshmëri të lartë, si pagat, patjetër që përbën një kërcënim serioz për cilindo prej nesh. Por, nga ana......
