Kreditimi, rekord i ri gjatë nëntorit, - Arrin në 26.3 mld lekë, “falë” huasë së re për ndërmarrjet publike
Huaja e re për ekonominë gjatë muajit nëntor fiksohet në 26.3 miliardë lekë tregojnë shifrat më të fundit zyrtare nga Banka e Shqipërisë. Kjo shifër është më e larta mujore që prej dhjetorit të vitit 2020, si dhe më e larta në terma vjetorë gjatë nëntorit që prej vitit 2015, kur edhe të dhënat janë publike nga Banka e Shqipërisë. Këto të dhëna sinjalizojnë se sektori financiar bankar nëpërmjet aktivitetit kreditues vijon të jetë një prej shtyllave kryesore të rimëkëmbjes ekonomike të vendit pas dy krizave të njëpasnjëshme që kanë goditur vendin; tërmetin e dy viteve më parë, si dhe pandeminë.
Por, të dhënat e aktivitetit kreditues për nëntorin nxjerrin në pah një tjetër panoramë, dhe një element disi ndryshe që i ka dhënë shtysë rekordit të huasë së re. Ndryshe nga muajt paraardhës, shtysa ka ardhur nga kreditimi ndaj ndërmarrjeve publike, dhe jo nga sektori privat apo nga individët. Kështu, kredia e re për koorporatat jofinanciare publike gjatë nëntorit fiksohet në 3.7 miliardë lekë, që është edhe shifra më e lartë e regjistruar që prej dhjetorit të vitit 2016. Duket se kjo tendencë vjen si pasojë e vështirësive të mëdha që po kalojnë ndërmarrjet publike në vend, të cilat raportojnë humbje vjetore mjaft të larta, me hekurudhën shqiptare që kryeson këto humbje.
Ndërkohë, aktiviteti kreditues për sektorin privat duket në stanjacion gjatë nëntorit, krahasuar me tetorin, duke u fiksuar pranë 15.7 miliardë lekëve, në të njëjtat niveleve me muajin tetor. Por, në terma vjetorë kjo shifër duket në rritje të ndjeshme, pasi në nëntorin e vitit të kaluar, fiksohej pranë 11.1 miliardë lekëve.
Sa i përket individëve ndërkohë, shifrat sinjalizojnë një total të huasë së re gjatë nëntorit prej 6.7 miliardë lekësh, nga 6.5 miliardë lekë që ishte në muajin tetor. Një vit më parë gjatë së njëjtës periudhë kohore, shifra fiksohej pranë 5.2 miliardë lekëve, çka sinjalizon një rritje të ndjeshme vjetore. Huaja për blerje banesash për individët ndërkohë, si në lekë ashtu edhe në euro, edhe gjatë nëntorit raporton shenja ngadalësimi krahasuar me disa muaj më parë, kur ky tregues regjistroi shifra rekord maksimale.
Sondazh
68% e shqiptarëve paguhen nën pagën mesatare, - Analiza e pagave: 0.06% e më të mirëpaguarve zë 3.66% të pagave
Publikimi i të dhënave personale të cilat kanë një ndjeshmëri të lartë, si pagat, patjetër që përbën një kërcënim serioz për cilindo prej nesh. Por, nga ana......
Shqiptarët, të dytët në botë për optimizmin, - Gallup: 70%, optimistë dhe me shpresë për vitin 2022
Fundi i vitit është si një pasqyrë për të gjithë ne, pasi mund të kthehemi pas për të bërë bilancet tona. Dy vitet e fundit kanë qenë të vështira për mbarë......
Të huajt punësojnë 1 në 6 shqiptarë/ Thuajse gjysma e tyre punësohen nga ndërmarrje me pronësi italiane
“Scan Intelligence Unit” ka analizuar treguesit krysorë ekonomikë të ndërmarrjeve të huaja dhe të përbashkëta. Të dhënat janë marrë nga "Instituti i......
Tremujori i tretë "ringjall" investimet e huaja/ IHD prekin rekord që nga T4 2019, falë pasurive të paluajtshme
Investimet e huaja direkte në vendin tonë gjatë tremujorit të tretë të këtij viti rezultojnë me vlerën më të lartë që prej tremujorit të katërt të vitit......
Lodrat, rekord importesh/ Muaji nëntor 2021 prek vlerën e 636 mln lekëve, ndjehet rritja e çmimeve
Periudha e festave ndikon në importin e produkteve të ndryshme dhe sidomos në tregun e lodrave dhe produkteve piroteknike. Tregu i tyre pëson një rritje të......
Pandemia ul peshën e ndërmarrjeve të huaja/ Të huaja dhë të përbashkëta zënë 3.6% të totalit, nga 4% në 2019-ën
Publikimi i Institutit të Statistikave mbi “Ndërmarrjet e huaja në Shqipëri”, përmes të dhënave tregon se është ulur numri ndërmarrjeve të huaja e të......
Ngadalësohet rritja ekonomike/ Zbret në 6.99% në T3. Sezoni veror rriti ekonominë me vetëm 0.73%
Të dhënat më të fundit nga tremujori i tretë i vitit tregojnë se, Produkti i Brendshëm Bruto (PBB) është rritur me 6.99% kundrejt së njëjtës periudhë të......
Pandemia uli rrezikun e varfërisë?! Bie norma për të gjithë treguesit, megjithatë jemi 4.7 pikë larg mesatares së BE-së
Ndërkohë që pandemia në shumë vende të botës ka rritur normën e varfërisë, në Shqipëri duket se ka ndodhur krejt e kundërta. "Anketa e të Ardhurave dhe Nivelit......
