Shqipëria Postuar më 28 Gusht 2024, 12:07

Sa netë qëndruan vizitorët në strukturat akomoduese? - Një turist u akomodua mesatarisht 2 netë përgjatë gjashtë muajve të parë

Nga SCAN TV
Sa netë qëndruan vizitorët në strukturat akomoduese? -

Xhorxhina Deda/SCAN

Shifrat nga “Instituti i statistikave” tregojnë se në gjysmën e parë të vitit 2024 numri i vizitorëve në strukturat akomoduese u regjistrua në rreth 1 milionë, ndërsa numri i netë qëndrimeve në rreth 2.3 milionë. Përmes këtyre treguesve ‘Scan Intel’ ka llogaritur netët mesatare të qëndrimit për totalin e vizitorëve si edhe për vizitorët e huaj.

Referuar shifrave numri mesatar i netë qëndrimeve nga vizitorët gjithsej është 2.1 netë. Nga ana tjetër, numri mesatar i netë qëndrimeve nga vizitorët e huaj llogaritet në 2.2 netë për person. Pra, mund të themi se mesatarisht një turist ka qëndruar 2 netë në një nga strukturat akomoduese. Edhe nëse i referohemi vetëm muajt qershor, si fillimi i sezonit klasik të verës, sërish dalim në të njejtën shifër.

Krahasuar me vitin e kaluar duket se këtë vit numri i turistëve ka qenë më i lartë, por kanë qëndruar më pak, edhe pse diferenca është fare e vogël. Nëse marrim në analizë shtatë vitet e fundit, të dhënat tregojnë se nuk vërehet ndonjë ndryshim i madh në mesataren e netëve të qëndrimit për person. Në të njejtën periudhë të viteve të kaluara mesatarja si për vizitorët gjithsej, ashtu edhe për ato të huaj, vlerësohet në afërsisht 2 netë.

Nëse do të flsinim për llojin e stukturës akomoduese, të dhënat tregojnë se hotelet kanë peshën më të madhe të numrit të vizitorëve, por ajo që vihet re është rritja e numrit të vizitorëve, sidomos ato vendas, në kampingje apo rulota argëtimi.

 

 

Sondazh

Poll
Shqipëria 28 Gusht

Sa këmbehen sot valutat kryesore?

  Dollari amerikan ka rikuperuar disi nga dita e djeshme teksa është blerë sot me 89.4 lekë dhe është shitur me 90.3 lekë sipas kursit të këmbimit......

Live TV

Të fundit
Të gjitha lajmet

Më të vizituarat