Rritja befasuese e transportit ajror, në tre muaj 1.9 milionë pasagjerë - Vetëm gjatë muajit mars, Shqipërinë e kanë vizituar 565 mijë turistë
Statistikat e transportit detar dhe ajror të publikuara së fundmi nga INSTAT konfirmojnë rritjen e pamenduar të hyrjeve të turistëve në vend. Në tre muajt e parë të këtij viti janë regjistruar 1.5 milionë hyrje të vizitorëve të huaj, duke u rritur me 43% nga 1 milionë që ishin gjatë vitit të shkuar.
Nëse krahasojmë llojin e transportit të përdorur nga shtetasit shqiptarë dhe të huaj për të udhëtuar, vërehet se transporti ajror është preferuar më tepër se transporti detar. Në një hark kohor prej 3 vitesh, vlerësohet se përdorimi i transportit ajror është rritur dukshëm që prej vitit 2022, sidomos për daljet nga Shqipëria.
Shifrat me të fundit nga INSTAT tregojnë që numri i pasagjerëve që kanë udhëtuar me linja ajrore në tremujorin e parë 2024 është 1.9 milionë duke u rritur me 63,8 %, nga 1.1 milionë pasagjerë që kanë udhëtuar në të njëjtën periudhë të vitit të kaluar. Ndërsa në vitin 2022 ky tregues ishte më i ulët, me rreth 760 mijë pasagjerë të regjistruar.
Ndërkohë numri i pasagjerëve që kanë udhëtuar nëpërmjet porteve detare në vend është mbi 135 mijë persona. Porti i Durrësit është porti kryesor në vend nga i cili kanë udhëtuar 80,9% e pasagjerëve, ndjekur nga porti i Vlorës me 11,6 % dhe më pas porti i Sarandës me 7,5%.
Në muajin mars, Shqipërinë e vizituan 565 mijë turistë, një rritje kjo prej 47.1% llogaritur me të njëjtën periudhë të vitit 2023. Gjatë këtij viti parashikohet të vijnë rreth 14 milionë shtetas të huaj, ndaj kjo rrjedhimisht do të përkthehet edhe në një rritje të përdorimit të formave të ndryshme të transportit.
Ledina Elezi/SCAN
Sondazh
Çmimi i parë, Shqipëria fuqizon sigurinë kibernetike - Intervistë ekskluzive për SCAN/ Tafa: Kemi bërë progres të lartë në investime dhe burime njerëzore
Shqipëria ka rrëmbyer çmimin e parë ndër 114 shtete të botës në konkursin më të madh për sigurinë kibernetike. Në një intervistë ekskluzive me gazetaren......
Më pak kontrata për sigurimin vullnetar - Qytetarët zgjedhin të sigurohen për jetën, aksidentet dhe shëndetin
Sigurimi vullnetar shihet si zgjedhja e duhur për personat që për shkaqe të caktuara nuk mund të sigurohen nga skema e sigurimit të detyrueshëm dhe për ata që......
Pronat, përfitimet nga digjitalizimi i Kadastrës - Ish-Kreu i Hipotekës, Pjetri: Lehtësohet procesi, shkurtohet koha për tapinë
Prej më shumë se tre vitesh, Agjencia e Kadastrës ka nisur punën për digjitalizimin e regjistrave kadastral. Por, nga të dhënat aktuale, rezulton që ky proces......
Përzgjidhen 20 start up-e më të mira, financim deri 30 mijë euro - Fokus i granteve, promovimi i inovacionit dhe zhvillimit ekonomik në Shqipëri
Shpallen fituesit e start up-eve, pas thirrjes së parë për aplikime të Challenge Found. Nga 247 start up-e të cilët aplikuan në këtë thirrje, juria e......
Edhe 1 ditë afat për deklarimin e të ardhurave - DIVA, detyrim për mbi 73 mijë të punësuar në vend
Mbi 73 mijë të punësuar në vend do të kenë edhe një ditë kohë për të plotësuar Deklaratën Individuale Vjetore të të Ardhurave. 30 prilli është afati i fundit......
“Ofertë për çdo kategori turistësh” - Rama: Rëndësi, cilësia e numrave. Balluku: Në maj hapet gara për aeroportin e Gjirokastrës
Teksa pritshmëritë për 14 mln turistë gjatë vitit 2024 janë në qendër të deklaratave për ecurinë e këtij sektori, sipas kryeministrit Edi Rama rëndësi ka......
Ekonomia u kreditua me 763 mld lekë në mars - Institucionet financiare dhanë më shumë hua në lekë, se në euro
Të dhënat e publikuara nga “Banka e Shqipërisë’, që i referohen muajit mars 2024 tregojnë se në terma vjetorë kredia e dhënë nga institucionet financiare......
Kryeministri spanjoll Pedro Sánchez konfirmon qëndrimin e tij në detyrë pas skandalit për korrupsion!
Kryeministri spanjoll Pedro Sánchez tha të hënën se do të vazhdojë në detyrë “madje me më shumë forcë” pas disa ditësh reflektimi. Sánchez tronditi vendin......
