Rikthimi i madh i Mario Draghi - Objektivi: Rritja e konkurencës, tranzicioni i gjelbër dhe teknologjitë e reja
Ai i Mario Draghit në Bashkimin Europian konsiderohet si një rikthim i madh. Roli i tij do të përqendrohet në rritjen e konkurencës, kalimin në ekonominë e gjelnër dhe zhvillimi i teknologjive të reja. Emri i 76-vjeçarit Draghi është dëgjuar edhe për presidencën e Komisionit në prag të zgjedhjeve europiane që do të mbahen në qershor
Ish-presidenti i Bankës Qendrore Europiane dhe ish-kryeministri i Italisë, Mario Draghi, po i rikthehet skenës europiane, në kuadër të përpjekjeve të Komisionit për rritjen e konkurrencës së BE-së, kalimin në një ekonomi më të gjelbër dhe zhvillimin e teknologjive të reja.
“Super Mario”, siç njihej Draghi gjatë mandatit të tij në BQE, tashmë do të punojë me ministrat e financave të Bashkimit Europian - Ecofin për këto çështje pas një nisme të vetë Komisionit. Presidentja e BE-së Ursula von der Leyen e zgjodhi atë duke i kërkuar të bënte propozime specifike në lidhje me zhvillimin e konkurrencës së ekonomisë europiane, veçanërisht përballë sfidave të mëdha që vijnë nga SHBA-ja dhe Kina.
Emri i 76-vjeçarit Draghi është dëgjuar edhe për presidencën e Komisionit në prag të zgjedhjeve europiane që do të mbahen në qershor, ku thuhet se ai ka deklaruar se nuk do të ishte i interesuar të merrte një rol në institucionet e BE-së. Megjithatë, burime të Reuters nga Italia bëjnë të ditur se ai nuk do të tërhiqej nëse do të kishte një marrëveshje shumëpalëshe dhe konsensus të institucioneve për kandidimin e tij.
Emri i tij është dëgjuar edhe për presidencën e Këshillit Europian pasi Charles Michel ka bërë të ditur se do të jetë kandidat në zgjedhjet europiane dhe tani është në kërkim të zëvendësit të tij për këtë post.
Draghi, i cili pasi shërbeu në BQE nga viti 2011 në 2019 mori postin e kryeministrit të qeverisë së koalicionit të gjerë të Italisë nga viti 2021 deri në 2022, do të diskutojë me ministrat e financave hapat e nevojshëm për të nxitur investimet publike dhe private, sipas burimeve të cituara nga Reuters. Tashmë për këtë qëllim ai dyshohet se ka pasur kontakte në Milano me biznesmenë të ndryshëm muajin e kaluar. Raporti që ai do të paraqesë përfshin propozime specifike dhe pritet të bëhet publik deri në fund të qershorit.
Gjatë kësaj kohe, Europa po përballet me shumë sfida. SHBA po rrit vazhdimisht konkurencën e saj sidomos me legjislacion të veçantë që ofron stimuj të mëdhenj për kompanitë e të gjitha llojeve për të investuar atje, duke “vjedhur” fonde nga BE-ja.
Kina, nga ana e saj, nuk është tërhequr kurrë nga synimi i saj për t'u bërë një superfuqi edhe më e fortë dhe ka tentuar disa herë të blejë kompani europiane të teknologjisë së lartë.
Gjithashtu gjatë kësaj kohe ka nisur një garë për zhvillimin e teknologjive të inteligjencës artificiale dhe SHBA-ja ka epërsinë përmes kompanive gjigante si Microsoft, Alphabet e të tjera. Europa gjithashtu varet nga teknologjitë e tjera, si mikroçipet, nga kompanitë aziatike duke përfshirë Kinën dhe Korenë e Jugut.
Në të njëjtën kohë, Europa përballet me sfidën e madhe për të ecur drejt një ekonomie me emetim neto zero në dekadat e ardhshme, e cila kërkon ndryshime të mëdha veçanërisht në sektorët e energjisë dhe prodhimit.
Sfidat për Evropën në sektorin e energjisë janë të veçanta. Sulmi i Rusisë ndaj Ukrainës ekspozoi varësinë e BE-së nga gazi natyror i importuar, duke nxitur grupet industriale të kontinentit të zhvendosin prodhimin diku tjetër. Kjo vjen pavarësisht nga përpjekjet e bllokut për të kaluar në furnizues të tjerë të gazit dhe naftës. Në të njëjtën kohë, ndërsa kriza energjetike ka nxitur investimet në burimet e rinovueshme, ky tranzicion pritet të zgjasë dekada.
Dorina Kurtaj /SCAN
Sondazh
Kina po kthehet në kantierin detar të botës - Vendi aktualisht përbën më shumë se gjysmën e prodhimit global
Pas rolit të pakundërshtueshëm si ‘fabrika e botës’ prej dekadash, tashmë Kina po kthehet në kantierin e botës. Vendi ka marrë rolin e liderit mbi industrinë......
Japonia shet bonot e para klimatike - Mbahet ankandi i parë në botë i këtij lloji
Në Japoni është mbajtur ankandi i parë në botë i bonove të tranzicionit klimatik. Qeveria planifikon të emetojë një total prej 133 miliardë dollarësh gjatë 10......
Gara për hapësirën - Turqia lë pas Greqinë
Në garën aktuale hapësinore duket se Turqia ka bërë hapa përpara përballë Greqisë. Astronauti i parë turk është rikthyer në Tokë, duke bërë që Athina të rrisë......
Britania paguan influencera shqiptarë në Tik Tok për të frenuar emigrantët - The Times: Për këtë fushatë janë akorduar 1 milion paund
https://www.youtube.com/watch?v=1zL73HopLWs Qeveria britanike po planifikon që të paguajë influencera në Tik Tok që frenojë emigrantët që të kalojnë......
Gjermania tani është ekonomia e tretë më e madhe në botë pasi Japonia rrëshqet në recesion!
Japonia rrëshqet në recesion, duke u bërë ekonomia e 4-të më e madhe, pas SHBA-së, Kinës dhe tani Gjermanisë. Ekonomia e Japonisë është tani e katërta më e......
Sa këmbehen sot valutat kryesore?!
Dollari amerikan nga forcimi që ka patur që në fillim të kësaj jave duket se ka ndryshuar krah këtë mëngjes duke u dobësuar disi teksa është blerë sot me 96.3......
Tymrat e shkarkimit nuk ndotin aq shumë sa kjo pjesë tjetër e makinës!
Ju mund të habiteni kur të mësoni se cila pjesë e automjeteve është më e keqja për planetin tonë! Mund të mendojmë se, si shoqëri, po bëjmë hapa të mëdhenj......
Dëshironi të fitoni shumë para? – Këto janë 20 profesionet më të paguara në botë!
Nëse jeni student, praktikant ose po mendoni për një ndryshim karriere, ky informacion mund të jetë shumë i dobishëm. Zgjedhja e profesionit tuaj të ardhshëm......
