Qeveritë e BE-së arrijnë marrëveshje për rregulla më të buta fiskale!
Ministrat e financave të Bashkimit Europian ranë dakord të mërkurën për reformën më të fundit të rregullave fiskale dy dekadash të bllokut, duke lejuar më shumë kohë për të ulur borxhin publik dhe duke krijuar stimuj për investimet publike edhe gjatë konsolidimit të buxhetit.
Reforma vjen pasi nivelet e borxhit kombëtar u shtynë në nivele rekord nga programet e rimëkëmbjes pandemike dhe me rajonin që duhet të nisë shpenzime të reja për të mbajtur në rrugën e duhur objektivat e tij të klimës, politikës industriale dhe sigurisë.
“Tani kemi arritur një marrëveshje të mirë për rregullat fiskale të BE-së”, tha ministrja holandeze e financave Sigrid Kaag. “Kjo marrëveshje parashikon rregulla fiskale që nxisin reforma, me hapësirë për investime dhe të përshtatura për situatën specifike të shtetit anëtar në fjalë.
Rregullat e reja përcaktojnë shumat minimale të deficitit mesatar dhe reduktimit të borxhit që një qeveri duhet të respektojë, për të kënaqur kampin e kursyer të vendeve të BE-së që drejtohet nga Gjermania. Por, në përgjithësi, rregullat e reja janë më të buta se kuadri i mëparshëm, duke shënuar një fitore për vendet kryesisht jugore të udhëhequra nga Franca.
Marrëveshja tani do të negociohet me Parlamentin Europian përpara se të bëhet ligj. Ndërsa disa detaje mund të korrigjohen, thelbi i gjerë i ndryshimeve nuk ka gjasa të ndryshohet.
Marrëveshja nuk do të ketë asnjë ndikim në politikën fiskale të BE-së në vitin 2024, sepse buxhetet kombëtare për vitin e ardhshëm tashmë janë vendosur në bazë të udhëzimeve të miratuara më parë në 2023.
Por rregullat e reja do të vendosin një ritëm të ngadaltë, por të qëndrueshëm të reduktimit të deficitit dhe borxhit nga viti 2025 për katër deri në shtatë vjet, me opsionin më të gjatë në dispozicion nëse një vend ndërmerr reforma dhe investime në fushat që BE-ja i ka prioritet.
Italia, e cila këmbënguli se reformat dhe investimet e rënë dakord tashmë sipas planit të rimëkëmbjes pas pandemisë të BE-së duhet të jenë të mjaftueshme për të çuar zgjatjen në shtatë vjet, mori atë që donte.
“Ne e konsiderojmë pozitivisht pranimin e kërkesave tona fillestare për zgjatjen automatike të planit të lidhur me investimet e Planit Kombëtar të Rimëkëmbjes”, tha në një deklaratë ministri italian i Financave Giancarlo Giorgetti.
Edel Strazimiri / SCAN
Sondazh
Regjistrimet e papunësisë në SHBA tregojnë qëndrueshmëri për ekonominë më të madhe në botë
Prodhimi i Brendshëm Bruto (PBB) në Shtetet e Bashkuara u zgjerua me 4.9% në tre muajt e fundit deri në shtator tremujor pas tremujor. Të dhënat e fundit janë......
Mbretëria e Bashkuar nënshkruan marrëveshje financiare me Zvicrën pas Brexit!
Firmat financiare me bazë në Mbretërinë e Bashkuar do të jenë në gjendje t'u shërbejnë klientëve zviceranë duke përdorur rregullat e brendshme, sipas një......
Analistët e tregjeve, optimistë për 2024 - “Ekonomia do të shmangë recesionin, e konfirmon tregu i banesave”
Asnjë ekonomist apo investitor nuk ka “globin e kristaltë” për të parë të ardhmen. Pra, kur bëhet fjalë për të bërë parashikime për vitin në vijim, shumë prej......
Nafta ndal rritjen 3-ditore - Ngadalësimi i kërkesës “eklipson” tensionet në Detin e Kuq
Nafta po tregtohet e qëndrueshme në sesionin e sotëm, pas disa ditësh me radhë në rritje, pasi në fokus të tregjeve janë rikthyer shqetësimet për ngadalësimin......
Euro, e qëndrueshme pranë 1.095 USD - Investitorët presin shpenzimet e konsumit personal në SHBA
Dollari amerikan është dobësuar lehtë në sesionin e sotëm, pas fitimeve të realizuara një ditë më parë, për shkak të rënies së tregut të aksioneve, që i......
Ari vijon të tregtohet pranë 2,050 USD - Tregjet presin PBB dhe shpenzimet konsumatore në SHBA
Ari po tregtohet i qëndrueshëm, pranë 2,050 dollarëve edhe në sesionin e sotëm, ndërsa investitorët po presin të dhënat ekonomike të SHBA për qartësi të......
Bitcoin rikuperon humbjet - Optimizmi mbi ETF-të e ringjit pranë 44,000 USD
Bitcoin po tregtohet pranë 44,000 dollarëve edhe në sesionin e sotëm, por fitimet janë kufizuar nga rënie e tregjeve globale të aksioneve gjatë 24-orëve të......
Tregjet globale ndalin rritjen - Investitorët tërheqin fitimet e nëntë sesioneve të fundit
Bursat europiane po qëndrojnë në rënie në sesionin e sotëm, duke ndjekur tendencën e tregjeve globale. Indeksi pan-Europian Stoxx 600 po qëndron në rënie me......
