Qen dhe skaner për të kapur paratë e padeklaruara në kufi - Mbi 173 mijë euro të sekuestruara gjatë këtij viti, ndjekje penale
Elisabeta Dosku/ SCAN
Lëvizja me para të padeklaruara në kufi kryesisht nga ana e qytetarëve shqiptarë, por nuk përjashtohen edhe turistët e huaj, vijon të jetë një fenomen ekzistent pavarësisht ligjit në fuqi, fushatave të informimit që janë bërë nga administrata doganore për këtë qëllim, të cilat përfshijnë edhe vendosjen e banerave edhe në aeroporte dhe pika të tjera doganore.
Referuar ligjit në fuqi, të gjithë personat të cilët hyjnë në vend apo largohen nga territori i Republikës së Shqipërisë, janë të detyruar të deklarojnë shumat në të holla, çdo lloj instrumenti të negociueshëm të mbajtësit, metalet ose gurët e çmuar, sendet me vlerë dhe objektet antike, duke filluar nga shuma 10 000 euro ose kundërvlerën e saj në monedha të tjera, qëllimin e mbajtjes së tyre, si dhe të paraqesë dokumente justifikuese përkatëse.
Kontrollet për fshehjen e shumave të parave tashmë bëhen nga scaner të specializuar, por edhe nga qen të stërvitur, të cilët përveç lëndëve narkotikëve dhe eksplozivëve janë në gjendje të zbulojnë edhe paratë e fshehura.
Por mesa duket ka pasagjerë që guxojnë të kalojnë kufirin me shuma më të mëdha me shpresën se nuk do të diktohen.
Vetëm një javë më parë si rezultat i intensifikimit të kontrolleve në hyrje/dalje, për të menaxhuar fluksin e lëvizjes, shërbimet e Policisë Kufitare të Hanit të Hotit sekuestruan 84 mijë euro nga dy shtetas polakë, të cilët po i nxirrnin nga vendi pa i deklaruar.
Referuar të dhënave nga Drejtoria e Përgjithshme e Doganave, gjatë muajit Qershor, janë sekuestruar 35.755 euro të padeklaruara. Po ashtu 25 mijë euro janë sekuestruar në Prill dhe në muajin shkurt 29 mijë euro të padeklaruara janë kapur në pikën kufitare të Kapshticës, duke e çuar shifrën në total në 173 mijë euro. Në këto raste materialet procedurale i kanë kaluar Prokurorisë për veprime të mëtejshme, për veprën “Mosdeklarimi në kufi i të hollave dhe i sendeve me vlerë”.
Procedurat e deklarimit për të gjithë individët që kanë më shumë se 10 mijë euro gjatë kalimit të kufirit, kryhen pranë zyrave të Administratës Doganore, në Pikën e Kalimit Kufitar, hyrje apo dalje. Dhe procesi i deklarimit shoqërohet me dokumentet përkatëse të justifikimit të të ardhurave për shumën të cilët pasagjerët mbajnë me vete. Shifra e parave të sekuestruara për vitin 2023 arrin në 2.7 milionë euro.
Sondazh
Bota po bëhet më e pasur, por kush po përfiton më shumë?
Edel Strazimiri / SCAN Vlera e aseteve në të gjithë globin u rrit në 477 trilionë dollarë (441 trilionë euro) në vitin 2023, sipas raportit të pasurisë......
Rreth 25% e të rinjve jashtë tregut të punës - Ato me arsim të mesëm janë më të prekurit
Armela Duka/SCAN Papunësia mbetet ende sfidë në vendin tonë, sidomos kur analizojmë situatën nga afër përmes shifrave. Në vitin 2023, pavarësisht se norma e......
Agjentët imobiliar kërkesë Parlamentit për rivlerësimin 3% - Shoqata: Ngërç, zvarritja ka bllokuar shit-blerjen e pasurive të paluajtshme!
Diamila Leka/ Scan Agjencitë imobiliare në një deklaratë të përbashkët i drejtohen një zëri Parlamentit që të avancojë në lidhje me miratimin e taksës së......
Si është mbyllur kjo javë për valutat kryesore - Forcohen Euro dhe Paundi!
Dollari amerikan e ka mbyllur këtë javë në kuota konstante teksa është blerë sot me 91.8lekë dhe është shitur me 92.8 lekë duke mos ndryshuar shumë nga dita e......
Mete zhvillon takim me Shefen e Misionit të FMN-së për Shqipërinë!
Ministri i Financave, Ervin Mete, priti në një takim Shefen e Misionit të Fondit Monetar Ndërkombëtar për Shqipërinë, Anke Weber. Takimi u zhvillua në......
Për çfarë ankohen më shumë në Prokurime Publike? - Në 5 muaj regjistrohen 388 ankesa, arkëtohen 7.9 milionë lekë si garanci
Diamila Leka/ Scan Komisioni i Prokurimit Publik ka regjistruar 93 ankesa gjithsej për muajin maj. Dhe duke i analizuar ankesat sipas procesit për të cilin......
Pse po bien shitjet e automjeteve elektrike? - Pasoja të rënda për prodhuesit
Dorina Kurtaj /SCAN Prodhuesit e automjeteve që kanë investuar veçanërisht shumë në zhvillimin dhe prodhimin e automjeteve të pastra elektrike po detyrohen......
Asgjë nuk e ndal fluksin e turistëve në Europë - Këtë vit do shpenzohet shuma rekord prej 800 miliard eurosh
Dorina Kurtaj /SCAN Valët e të nxehtit, hotelet e shtrenjta dhe mbipopullim në rrugë, restorante dhe dyqane të qyteteve. Asgjë nuk po dekurajon turistët,......
