Pse bizneset shqiptare po orientohen drejt euros? - Bie interesi për lekun, por pritshmëritë janë që kjo të ndryshojë!
Lufta në Ukrainë dhe rritja e fortë e çmimeve në tregjet ndërkombëtare, ka bërë që bizneset shqiptare të orientohen më shumë drejt monedhës europiane euro sesa ndaj lekut.
Kjo konstatohet në raportin e fundit të tendencave të kreditimit të publikuar nga Banka e Shqipërisë. Banka e Shqipërisë konstaton se kredia në valutë për biznese ka pësuar rritjen më të madhe gjatë tremujorit të parë të këtij viti.
Kredia në valutë njohu rritje dyshifrore, prej 12,5 %, ose dy herë më shumë sesa në të njëjtën periudhë të vitit të kaluar.
Kjo kredi dominon portofolin e kredisë për biznese, me 57%, pjesa më e madhe e të cilëve kanë të ardhura në valutë, shkruhet në raportin e Bankës së Shqipërisë. Rritja e kredisë në valutë u mbështet nga kërkesa e shtuar e bizneseve për blerjen e mallrave jashtë, në kushtet e rritjes së shpejtë të çmimeve dhe pasigurisë që solli fillimi i konfliktit në Ukrainë.
Po kështu, edhe likuiditeti i bollshëm i bankave në valutë si rrjedhojë e rritjes së qëndrueshme të depozitave në monedhë të huaj, është një tjetër faktor në mbështetje të kreditimit në valutë. “Norma e rritjes së kredisë në lekë për biznese është ngadalësuar dukshëm, në 5.4%. Përdorimi i burimeve alternative të financimit, përkeqësimi i besimit dhe rritja e pasigurisë tek bizneset e vogla dhe ato të mesme duken se kanë ulur kërkesën për financim në monedhën vendase.
Bizneset e vogla dhe të mesme, për vetë natyrën e biznesit të tyre, e kryejnë aktivitetin kryesisht në lekë dhe rreziku i kursit të këmbimit dhe pasiguria e lartë e krijuar mbas fillimit të konfliktit Rusi - Ukrainë kanë ndikuar edhe në shtrëngimin e standardeve për këtë grup nga bankat” shkruhet në raportin e Bankës së Shqipërisë.
Një element tjetër që ka ndikuar në uljen dhe ngadalësimin e kreditimit në lekë është edhe përfundimi i skemave mbështetëse që ka dhënë më parë qeveria, sikurse ishin garancitë sovrane.
Në këtë kontekst, situata e kreditimit në lekë pritet të ndryshojë, për faktin se qeveria shqiptare ka rikthyer skemën mbështetëse për bizneset, raporton SCAN.
Përmes një akti normativ, qeveria shqiptare i ka hapur rrugën ripërdorimit të mekanizmit të garancisë sovrane.
Kompanitë e shumicës për produktet ushqimore e kanë të vështirë të krijojnë rezervën 3 mujore të përcaktuar me ligj, shkak për të cilin Qeveria ka vendosur të hyjë në lojë.
Qeveria sapo ka dërguar në Kuvend një Akt Normativ, i cili bën të mundur që këto kompani të përfitojnë kredi nga bankat tregtare, për të cilat del garant qeveria përmes mekanizmit të garancisë sovrane.
SCAN
Sondazh
Roma-Feyenoord, përballja financiare! - Si vlerësohen në treg dy skuadrat që luajnë në finalen e “Conference League”?
Këtë të mërkure në Tiranë zhvillohet finalja e ‘Conference League’ ku përballen dy skuadra të njohura të Europës, Roma e Italisë dhe Feyenordi i Holandës. Por......
Spanja e përshkruan veten si përgjigja e Europës për problemin e energjisë ruse!
Kryeministri spanjoll Pedro Sanchez ka thënë se vendi i tij dhe Europa Jugore më gjerësisht mund të japin një përgjigje për mungesën e furnizimeve me gaz nga......
Presidentja e Bankës Qendrore Europiane: Kriptovalutat nuk vlejnë asgjë!
Presidentja e Bankës Qendrore Europiane, Christine Lagarde mendon se kriptovalutat nuk vlejnë asnjë monedhë. "Vlerësimi im shumë i përulur është se nuk vlen......
Pajisjet elektronike do të kushtojnë më shtrenjtë pasi gjigantët e çipave rritën çmimet e tyre!
Produktet që mbështeten në gjysmëpërçuesit do të bëhen edhe më të shtrenjta ndërsa shkritoret e çipave përgatiten të rrisin çmimet e tyre, sipas analistëve.......
Gjykata Europiane e Drejtësisë shpall fajtore Bullgarinë për rregullat e ndotjes së ajrit – Mund të gjobitet nëse nuk rregullon situatën
Gjykata Evropiane e Drejtësisë (GJED) ka konfirmuar se Bullgaria ka shkelur rregullat e BE-së për ndotjen e ajrit, sepse nuk ka trajtuar ndotjen e dioksidit të......
Gjiganti gjerman i makinave: Do t’ia kalojmë Tesla-s në shitjet e automjeteve elektrike deri në vitin 2025!
Shefi ekzekutiv i Volkswagen beson se prodhuesi më i madh i makinave në Europë mund të kalojë Tesla-n për t'u bërë shitësi më i madh në botë i automjeteve......
Mushkonjat e malaries kafshojnë edhe gjatë ditës: Parandalimi duhet përmirësuar!
30% e kafshimeve që transmetojnë malarien ndodhin brenda dhe në mes të ditës dhe jo gjatë natës siç besohej më parë: parandalimi duhet përmirësuar. Nata......
Biznesi i bulmetit/ Analiza e tregut: Rreth 35 milionë euro xhiro, fitime të ulta, 2 kompani kontrollojnë 65%!
“Scan Intel” vijon analizën në bllok të tregjeve të caktuara, këtë herë me industrinë e përpunimit të qumështit. Ky cikël ka nisur fillimisht me laboratorët......
