Pronat në bregdet po “përpihen”/ Këtë vit po shiten gati 2 herë më shpejt se mesatarja kombëtare
“Scan Intel” ka analizuar vrojtimet e “Tregut të pasurive të paluajtshme në Shqipëri”, për të kuptuar se sa është kohëzgjatja e shitjes së një prone në vendin tonë. Ky vrojtim kryhet në formën e një ankete me mbi 200 kompani që operojnë në treg dhe që përfaqësojnë thuajse rreth 80% të tij, sipas vetë Bankës së Shqipërisë, që publikon vrojtimin në mënyrë periodike çdo 6 muaj. Publikimi më i fundit i referohet 6-mujorit të parë të këtij viti.
Shifrat sinjalizojnë kështu se në rang vendi, mesatarja e shitjes së një banese fiksohet pranë 10.8 muajve, në rënie të lehtë krahasuar me 6-mujorin e kaluar, kur fiksohej në 11 muaj. Në 6-mujorin e parë të vitit 2021 kjo kohëzgjatje fiksohej në 10.5 muaj, ndërsa përgjatë vitit 2020, pranë 10.6 muajve. Në Tiranë, kohëzgjatja mesatare e shitjes së një prone, sipas vetë aktorëve të tregut raportohet pranë rreth 9.7 muajve, në rritje të lehtë krahasuar me 6-mujorin paraardhës, por realitivisht më e ulët krahasuar me vitin 2020, kur kjo këhëzgjatje ishte pranë 10.4 muajve.
Surpriza e madhe e këtyre shifrave të anketimit ndërkohë vjen nga pronat në bregdet, që duket se po shiten me ritme mjaft të shpejta. Këtë vit, për 6-mujorin e parë, mesatarisht, një banesë në bregdet është shitur për 6 muaj, duke regjistruar një rekord absolut. Përgjatë 6-mujorit të kaluar, pra gjysmës së dytë të vitit 2021, një banesë në bregdet kërkonte mesatarisht 11 muaj për t`u shitur, tregojnë vrojtimet e Bankës së Shqipërisë, të analizuara nga “Scan Intel”. Madje, përgjatë gjysmës së parë të vitit 2020, koha mesatare për shitjen e banesave në bregdet ishte në 10.4 muaj.
Tendenca tregon se se fundmi, pronat në zonat bregdetare po shiten më shpejt se ato në kryeqytet dhe ndjeshëm nën mesataren kombëtare.
Aktorë të tregut janë shprehur vazhdimisht se gjatë 2 viteve të fundit kërkesa për apartamente, zona rezidenciale dhe prona më bregdet është rritur ndjeshëm, sidomos nga të huajt. Madje, të tjera të dhëna nga Banka e Shqipërisë, të publikuara vetëm pak kohë më parë tregonin se investimet e të huajve në prona në Shqipëri kanë prekur shifrën e rreth 930 milionë eurove, ndërkohë që vetëm në 6 muajt e parë të vitit kanë investuar plot 142 milionë euro.
Sondazh
Euro “rrëzon” eksportet shqiptare?! Bien me 28% në shtator. Rënie e ndjeshme për materialet e ndërtimit, lëndët djegëse
Shifrat më të fundit zyrtare mbi tregtinë e jashtme për shtatorin shpalosin një situatë të ngjashme me atë të muajve paraardhës. Në total, import/eksport janë......
Sa na vlen puna, sipas profesioneve? Për 1 kg mish, në bujqësi dhe ndërtim duhen thuajse 5 orë punë, në financë më pak se 2 orë
“Scan Intel” vijon me analizën mbi vlerën që ka puna në ditët e sotme përkthyer në disa prej mallrave dhe shërbimeve më me peshë, këtë herë duke marrë parasysh......
Shqipëria me rritjen e 5-të më të lartë të naftës në botë/ Rritje me 9.5%, ndërkohë që në glob u rrit me 0.9% për të njëjtën periudhë kohore
Luhatjet e çmimit të karburantit në vendin tonë gjatë këtij viti, sidomos gjatë muajve të fundit kanë ngritur jo pak herë pikëpyetje. Këto luhatje janë......
Indeksi i urisë, Shqipëria "në vend numëro"/ Asnjë ndryshim në pikëzim, renditemi të fundit në rajon
Indeksi Global i Urisë (GHI) për vitin 2022 e rendit Shqipërinë në vend të 27-të mes 121 vendeve të marra në analizë, ndërkohë që vlerësohet me 6.2 pikë. Gjatë......
Cilat biznese po “vuajnë” për punonjës? Në biznesin e vogël, 8 në 10 vende pune nuk mbushen. Në administratë dhe organizata mbushen mbi 80% e pozicioneve
Padiskutim që një prej problematikeve më të mëdha të biznesit gjatë viteve të fundit, që vijon edhe thellohet dita-ditës është mungesa e forcës së punës.......
Rritet me 9.4% numri i mjeteve rrugore në Shqipëri/ "Benzi" kryeson listën si më e preferuara, "Toyota" me rritjen më të lartë gjatë vitit 2021
Përgjatë vitit 2021 është rritur me 9.4% numri i mjeteve rrugore me status aktiv ose të çregjistruara përkohësisht duke arritur në 740,669 mjete, nga 676,811......
Ku punojnë të huajt në Shqipëri? Gjysma në ndërtim, ndjek arsimi dhe tregtia. Bujqësia, pa interes
Gjatë viteve të fundit janë vënë re jo pak të huaj të cilët janë punësuar në vendin tonë, dhe madje ka pasur edhe thirrje të herëpashershme nga vetë qeveria......
Lufta ndaj pabarazisë, jemi në fund të Europës/ Raporti i "Oxfam", dobët me taksimin, të fundit për shërbimet publike
Shqipëria renditet ndër vendet e fundit në Europë sa i përket luftës ndaj pabarazisë ekonomike dhe sociale, thuhet në indeksin e vitit 2022 të angazhimit për......
