Euro “rrëzon” eksportet shqiptare?! Bien me 28% në shtator. Rënie e ndjeshme për materialet e ndërtimit, lëndët djegëse
Shifrat më të fundit zyrtare mbi tregtinë e jashtme për shtatorin shpalosin një situatë të ngjashme me atë të muajve paraardhës. Në total, import/eksport janë rritur me 23.8% krahasuar me të njëjtën periudhë të një viti më parë, në vlerë, por nga ana tjetër kanë rënë me 8.1% në peshë. Rritja e ndjeshme e çmimeve ka fryrë kështu numrat sa i përket vlerës, paçka se importet dhe eksportet kanë qenë më të ulta në peshë.
Në vlerë ndërkohë, shifrat tregojnë se eksportet gjatë shtatorit arritën në 39 miliardë lekë, në rritje me 16.3% krahasuar me shtatorin e vitit të kaluar, dhe me 9.5% krahasuar me gushtin, ndërkohë që importet arritën në 88 miliardë lekë, në rritje me 27.4% krahasuar me të njëjtën periudhë të vitit të kaluar, dhe me 10.5% krahasuar me muajin gusht. Defiçiti tregtar prej 49 miliardë lekësh rezulton 37.6% më i lartë se shtatori i vitit 2021.
Shifrat më në detaj ndërkohë, të analizuara dhe përpunuara nga “Scan Intel” tregojnë se eksportet gjatë shtatorit kanë rënë me plot 27.7% në volum, por janë rritur me 16.3% në vlerë. Nga ana tjetër, për herë të parë pas disa muajsh me radhë shohim se importet janë rritur edhe në peshë, edhe në vlerë, paçka se jo në mënyrë proporcionale. Kështu, importet në peshë gjatë shtatorit u rritën me 8.6%, ndërkohë që në vlerë janë rritur me rreth 27%.
Por, shifrat tregojnë edhe një rënie të ndjeshme të disa prej produkteve kryesore “Made in Albania” gjatë shtatorit. Eksportet e materialeve të ndërtimit kanë rënë me plot 22.9% në peshë, dhe me rreth 5.4% edhe në vlerë, krahasuar me shtatorin e vitit të kaluar. Rënie të konsiderueshme regjistrojnë edhe grupmallrat e “lëkurës” si dhe ato të “mineraleve dhe lëndëve djegëse”. Këto të fundit kanë qenë “lokomotiva” e eksporteve shqiptare gjatë vitit të fundit, dhe në shtator kanë rënë me plot 37% në peshë, paçka se në vlerë është vënë re rritje.
Duket se luhatjet e ndjeshme në kursin e këmbimit, sidomos zhvlerësimi i euros në tregun vendas dhe mbiçmimi i Lekut, ka filluar të japë efektet e para në drejtim të tregtisë së jashtme, duke i bërë eksportet shqiptare më pak të konkurrueshme, duke qenë se vendet europiane mbeten partnerët tanë kryesorë tregtarë, duke zënë mbi 80% të eksporteve.
Edhe aktorë të tregut kanë bërë thirrje për ndërhyrje në këtë drejtim, sidomos drejtuar Bankës së Shqipërisë, si institucioni përgjegjës për politikat monetare dhe stabilitetin e monedhës vendase.
Në drejtim të importeve ndërkohë, shifrat sinjalizojnë se ka një rënie të konsiderueshme në volum sa i përket ushqimeve, pijeve dhe duhanit, me mbi 12%, paçka se në vlerë rritja rezulton mbi 20%.
Sondazh
Sa na vlen puna, sipas profesioneve? Për 1 kg mish, në bujqësi dhe ndërtim duhen thuajse 5 orë punë, në financë më pak se 2 orë
“Scan Intel” vijon me analizën mbi vlerën që ka puna në ditët e sotme përkthyer në disa prej mallrave dhe shërbimeve më me peshë, këtë herë duke marrë parasysh......
Shqipëria me rritjen e 5-të më të lartë të naftës në botë/ Rritje me 9.5%, ndërkohë që në glob u rrit me 0.9% për të njëjtën periudhë kohore
Luhatjet e çmimit të karburantit në vendin tonë gjatë këtij viti, sidomos gjatë muajve të fundit kanë ngritur jo pak herë pikëpyetje. Këto luhatje janë......
Indeksi i urisë, Shqipëria "në vend numëro"/ Asnjë ndryshim në pikëzim, renditemi të fundit në rajon
Indeksi Global i Urisë (GHI) për vitin 2022 e rendit Shqipërinë në vend të 27-të mes 121 vendeve të marra në analizë, ndërkohë që vlerësohet me 6.2 pikë. Gjatë......
Cilat biznese po “vuajnë” për punonjës? Në biznesin e vogël, 8 në 10 vende pune nuk mbushen. Në administratë dhe organizata mbushen mbi 80% e pozicioneve
Padiskutim që një prej problematikeve më të mëdha të biznesit gjatë viteve të fundit, që vijon edhe thellohet dita-ditës është mungesa e forcës së punës.......
Rritet me 9.4% numri i mjeteve rrugore në Shqipëri/ "Benzi" kryeson listën si më e preferuara, "Toyota" me rritjen më të lartë gjatë vitit 2021
Përgjatë vitit 2021 është rritur me 9.4% numri i mjeteve rrugore me status aktiv ose të çregjistruara përkohësisht duke arritur në 740,669 mjete, nga 676,811......
Ku punojnë të huajt në Shqipëri? Gjysma në ndërtim, ndjek arsimi dhe tregtia. Bujqësia, pa interes
Gjatë viteve të fundit janë vënë re jo pak të huaj të cilët janë punësuar në vendin tonë, dhe madje ka pasur edhe thirrje të herëpashershme nga vetë qeveria......
Lufta ndaj pabarazisë, jemi në fund të Europës/ Raporti i "Oxfam", dobët me taksimin, të fundit për shërbimet publike
Shqipëria renditet ndër vendet e fundit në Europë sa i përket luftës ndaj pabarazisë ekonomike dhe sociale, thuhet në indeksin e vitit 2022 të angazhimit për......
FMN zhvlerëson ekonominë shqiptare/ Vitin e ardhshëm, vendi me rritjen më të ulët në rajon. Ky vit u mbështet nga turizmi dhe real estate
Fondi Monetar Ndërkombëtar ka rifreskuar parashikimin për ecurinë e ekonomisë globale, për këtë vit dhe vitet në vijim. Për Shqipërinë projeksionet janë......
