Pronat, më shumë para’ për kompensimet - Qeveria planifikon të rrisë me rreth 21% fondin deri në vitin 2027
Ada Hazizolli/SCAN
Në tre vitet e ardhshme, Qeveria planifikon të rrisë me rreth 21 për qind fondin për kompensimin e pronarëve, por nuk ka arritur ende të krijojë një skemë efektive mbi mënyrën, sesi do të bëhet ndarja e parave, duke qenë se është drejt skadimit edhe afati ligjor për përmbylljen e këtij procesi.
Duke iu referuar Ministrisë së Drejtësisë, për vitin e ardhshëm, Qeveria planifikon të adresojë rreth 4.9 miliardë lekë, apo 49 milionë dollarë për pronarët e shpronësuar në diktaturë. Thënë ndryshe 11 për qind më tepër në raport me këtë vit.
Për vitin 2026 fondi i vënë në dispozicion pritet të jetë rreth 5.3 miliardë lekë. E njejta shumë planifikohet edhe për vitin 2027, duke njohur në këtë mënyrë një rritje me rreth 21 për qind.
Megjithatë, shifrat e publikuara janë larg vlerave të planifikuara në ligjin e reformuar në 2016-n, ku përcaktohet një rritje progresive e fondit, gjë që në fakt nuk ka ndodhur.
Konkretisht, vitin e ardhshëm do të duheshin të transferoheshin në arkën e Agjencisë së Trajtimit të Pronave 6.88 miliardë lekë ose rreth 68 milionë dollarë por fondi i parashikuar është 4.9 miliardë lekë dhe këtu përfshihet edhe fondi, që shkon për kompensimin e pronarëve, të shpronësuar për efekt të procesit legalizues.
Ndonëse, kanë kaluar thuajse 8 vite nga reforma e ndërmarrë në 2016, vetëm një numër i ulët dosjesh janë trajtuar. Kjo sa prej pakënaqësisë nga skema e re, aq edhe prej vështirësive të hasura në mbledhjen e dokumentacionit të nevojshëm
Mbi bazën e procedurave në fuqi, gjatë dorëzimit të kërkesës nga pronarët kërkohet konfirmimi nga Kadastra përkatëse mbi gjendjen juridike të pronës që kompensohet dhe nëse është ushtruar apo jo e drejta e parablerjes, dëshmi trashëgimie nëse ka ndryshuar rrethi i trashëgimtarëve, prokurë, numër llogarie dhe dokument identifikimi. Nga ana tjetër, për të vërtetuar nëse një vendim është ankimuar apo jo në rrugë gjyqësore, nuk nevojitet shkresë zyrtare, mjafton vetëm një deklaratë noteriale, e cila do të ketë të njëjtin funksion.
Në fund të këtij viti përfundon edhe afati për shqyrtimin e dosjeve pa vendim. Me rihapjen e afatit në vitin 2022, Agjencia e Trajtimit të Pronave ndërmori angazhimin për të rimarrë në shqyrtim më shumë se 7 mijë dosje të patrajtuara në fazën e pare. Por, teksa ka kaluar më shumë se një vit e gjysmë, nuk ka ende asnjë vendimmarrje nga ana e agjencisë për këtë aplikime, duke iu lënë mtë vetmen mundësi këtyre famije që t’i drejtohen gjykatës.
Sondazh
Raporti/ Besimi i biznesit europian në Kinë, në nivelin më të ulët të të gjitha kohërave!
Edel Strazimiri / SCAN Besimi i biznesit europian në Kinë është në nivelin më të ulët historik, ndërsa marrëdhëniet e vendit me Perëndimin vijojnë të......
Çfarë konsiderohet një pagë e mirë? - Ja si krahasohen kryeqytetet europiane!
Edel Strazimiri / SCAN Çfarë e bën një pagë të mirë në vendin tuaj? Nuk është aq e thjeshtë sa tingëllon. Sipas ekspertëve, përgjigja varet nga faktorë......
Apple “pasuron” Irlandën - Kompania i detyrohet Dublinit 13 mld euro taksa të prapambetura
Kristi Ceta/SCAN Një vendim historik nga gjykata e lartë e Bashkimit Evropian vendosi që Irlanda do të marrë 13 miliardë euro taksa të papaguara nga......
Rekord i ri transaksionesh me AIPS - Përmes këtij sistemi u realizuan 3.3 mld euro transferta vetëm në tetë muaj
Ledina Elezi/SCAN Ka arritur në 3.3 miliardë euro vlera e transaksioneve të kryera përmes sistemit AIPS në fund të tetëmujorit. Megjithëse numri i......
Privati paguan rreth 15 mijë lekë më pak se shteti - Paga mesatare bruto arriti në gati 75 mijë lekë në tremujorin e dytë
Armela Duka/SCAN Paga mesatare mujore bruto për një të punësuar me pagë, gjatë tremujorit të dytë 2024, arriti në 75,114 lekë ose 5.9% më shumë......
Ndizet debati presidencial në SHBA - Trump-Harris përplasen për ekonominë dhe abortin
Kristi Ceta/SCAN Republikani Donald Trump dhe Zëvendëspresidentja Demokratike Kamala Harris u hodhën menjëherë në sulm në segmentin e hapjes së debatit......
BE redukton tarifat për Kinën - Propozohet ulje taksash për makinat elektrike të prodhuara nga Pekini
Kristi Ceta/SCAN Bashkimi Evropian do të ulë tarifat e propozuara për Tesla-n dhe automjetet e tjera elektrike të prodhuara në Kinë, njoftojnë burimet......
SpaceX do të ulet në Mars pas 2 vitesh - Qëllimi është të nisin fluturimet me ekuipazh brenda 4 vitesh
Kristi Ceta/SCAN Njerëzit mund të shkojnë në Mars brenda katër vitesh nëse vizioni i CEO-s së SpaceX, Elon Musk bëhet realitet. Ai shtoi se SpaceX do......
