Pensionet vullnetare zgjerohen edhe në pandemi. Anëtarët rriten me 9.7%, asetet me 23%, me hap më të ngadaltë se vitet paraardhëse
Numri i anëtarëve në skemat e pensionit privat në vendin tonë është rritur në rreth 31 mijë invidivë gjatë vitit 2020, në rritje me 9.72% krahasuar me 31 dhjetorin e vitit paaardhës, tregojnë shifrat zyrtare nga Autoriteti i Mbikqyrjes Financiare. Në vlerë ndërkohë, rritja është më e theksuar, në rreth 23%, për nJë total prej rreth 3.6 miliardë lekësh. Edhe viti i pandemisë rezulton kështu pozitiv në drejtim të skemave të pensionit privat, paçka se hapi i rritjes rezulton më i ulët se dy vitet paraardhëse. Në 2019 dhe 2018, rritja e numrit të anëtarëve fiksohej në 11.7% dhe 20.7% respektivisht. Edhe në vlerë vihet re një ngadalësim i hapit të rritjes, por më i lehtë, duke qenë se dy vitet paraardhëse, hapi i rritjes në vlerë investimesh fiksohej në rreth 26% për 2019 dhe 32% nw 2018, nga 23% që rezulton rritja vitin e fundit.
Sa i përket shpërndarjes së fondeve të pensioneve private sipas shoqërive administruese, “Credins Pensions” vijon të jetë në vend të parë për numër anëtarësh, me rreth 56% të totalit, ndjekur nga “Sigal”. Sa i përket vlerës së aseteve, “Sigal” mban vendin e parë, ndjekur nga “Credins Pensions”, e cila ka rritur lehtë peshën e saj në këtë drejtim gjatë vitit të fundit, krahasuar me vitin paraardhës.
Sa i përket raportit gjinor, femrat vijojnë të jenë më të shumta në numër anëtarësh, krahasuar me meshkujt. Por, këta të fundit kanë ngushtuar hendekun gjatë vitit të pandemisë, duke qenë se rritja për ta ka qenë dy herë më e lartë se për femrat, sinjalizojnë shifrat zyrtare.
Pavarësisht ritmeve të zgjerimit gjatë viteve të fundit, skemat private të pensionit mbeten ende jo shumë të përhapura, edhe për shkak të mungesës së shtyllës së tretë të skemës së pensioneve, pra të të kombinimit mes pensionit të detyrueshëm dhe atij vullnetar, nën shembullin e vendeve më të zhvilluara të botës. Mungesa e kësaj shtylle e vendos tërësisht në dorën e qytetarëve këtë lloj investimi për të ardhmen.
Sondazh
Ku ndryshojnë gratë nga burrat në Shqipëri? “Flasin” shifrat
Çështjet gjinore dhe pabarazia ndërmjet grave dhe burrave shihet si problematike dhe si një temë mjaft e diskutueshme në vendin tonë. Po si qëndrojnë këto......
Elbasani, qarku më “i lodhshëm” për arsimtarët. Raporti nxënës-mësues, “gumëzhijnë” edhe Tirana me Durrësin
Për vitin 2019/20, sistemi arsimor shqiptar numëron 402.940 nxënës dhe 30.668 mësues që i përkasin si arsimit publik ashtu edhe privat. Përkatësisht 294.879......
Shqiptarët, në krye të rajonit si borxhlinj! Banka Qendrore e Austrisë: Të parët për “fajde”, në fund për hua bankare
Në rajonin e gjerë, ku veç vendeve të Ballkanit Perëndimor përfshihen edhe një sërë shtetetsh të tjera nga Europa qendrore dhe lindore, Shqipëria figuron......
Kreditë, më të lira gjatë janarit. Bien normat mesatare të interesit, më me leverdi kredia për shtëpi, shtrenjtohet overdrafti
Muaji janar ka sjellë një rënie në total të normave mesatare të interesit për hua për të gjitha segmentet, dhe për të gjitha afatet e maturimit, si krahasuar......
Masat shtrënguese, ku renditet Shqipëria? Të 36-tët në botë! Mes 2 dhe 11 nëntorit, kemi shijuar “lirinë” maksimale
Universiteti i Oxfordit ka ngritur platformën më gjithpërfshirëse sa i përket masave shtrënguese duke vlerësuar thuajse çdo cep të botës sipas masave......
Hotelet humbën 1.6 mln netë qëndrimi gjatë 2020-ës, miliona euro dëm
Instituti i Statistikave ka publikuar së fundmi treguesit statistikorë rreth akomodimit për turizmin shqiptar, tregues të cilët janë përpunuar nga “Scan......
Sipërmarrësit shqiptarë në Itali u rritën gjatë pandemisë, +6%, në total 49,748
“Scan Intelligence Unit” ka siguruar të dhënat e raportit të publikuar së fundmi nga fondacioni “Leone Moressa” sa i përket shifrave të sipërmarrësve të huaj......
Rritja e bizneseve të reja në Tiranë gjatë 2020-ës, në cilat zona dhe sektorë është përqëndruar?
Pavarësisht pandemisë dhë ndikimit të saj në veprimtarinë e bizneseve që operojnë në Shqipëri, të dhënat e Bashkisë së Tiranës, sa i përket bizneseve të reja......
