Olaf Scholz thirrje për bashkëpunim me Jugun global!
Mbrojtja e klimës, emigrimi, reduktimi i varfërisë - rendi ndërkombëtar po përballet me sfida të mëdha. Në të njëjtën kohë, potenciali për bashkëpunim të barabartë global "nuk ka qenë kurrë më i madh", theksoi kancelari gjerman Olaf Scholz në Samitin e Zgjidhjeve Globale. Ai u ndal në bashkëpunimin me vendet e Jugut Global.
Bota është shumëpolare, kështu që ne tani duhet të veprojmë në përputhje me rrethanat – deklaroi kancelari Scholz në Samitin e Zgjidhjeve Globale në prag të samitit të G7.
Në fjalën e tij, Scholz shtroi pyetjen se si mund të mbajmë një rend ndërkombëtar të bazuar në Kartën e Kombeve të Bashkuara dhe të drejtën ndërkombëtare në shekullin e 21-të. Kancelari gjerman tha se pjesë e zgjidhjes është një rend botëror më gjithëpërfshirës dhe më i balancuar se më parë.
Nëse duam t’i inkurajojmë vendet e Jugut Global për të ndërtuar dhe mbrojtur një rend botëror paqësor dhe të qëndrueshëm së bashku me Europën dhe botën, atëherë duhet t'i përfshijmë këto vende më shumë se më parë. Kancelari gjerman tha se për këtë do të bëjë fushatë personalisht në samitin e ardhshëm të G7 dhe në samitin e G20 në shtator.
Termi "Jug Global" përfshin vendet që më parë quheshin vende në zhvillim ose ekonomi në zhvillim. Shumica e këtyre vendeve janë në Afrikë, Amerikën Latine dhe Jugore dhe Azi. Në Samitin e Zgjidhjeve Globale në Berlin, pjesëmarrës nga politika, shkenca, organizatat joqeveritare dhe biznesi diskutojnë sfidat globale. Më pas ata i adresojnë rekomandimet e tyre vendeve të G20 dhe G7.
Vendet e Azisë, Afrikës dhe Amerikës nuk duhet të kenë përshtypjen "se ne po u afrohemi vetëm sepse jemi të interesuar për lëndët e para të tyre ose duam të marrim mbështetjen e tyre për një rezolutë të OKB-së", tha më tej kancelari Scholz. Popullsia dhe ekonomitë në rritje në Jugun Global "presin përfaqësim në nivel të barabartë".
Kjo duhet të reflektohet, ndër të tjera, në shpërndarjen e posteve në organizatat ndërkombëtare, si edhe në politikën tregtare të Bashkimit Europian. Lëndët e para duhet të përpunohen gjithnjë e më shumë në vendet e tyre të origjinës dhe jo vetëm të nxirren prej andej nga disa vende, tha Scholz.
Gjatë presidencës së saj të G7 vitin e kaluar, Gjermania i përfshiu qëllimisht krerët e shteteve dhe qeverive të Jugut Global. Partneriteti për infrastrukturën globale, aleanca për sigurinë globale të ushqimit dhe mburoja globale mbrojtëse ndaj rreziqeve klimatike për vendet që janë veçanërisht të goditura ishin rezultate konkrete të këtyre takimeve.
Partneritetet me interes të ndërsjellë me shumë vende të ndryshme janë gjithashtu në interes të Gjermanisë dhe Bashkimit Europian. Varësia nga ofruesit individualë dhe ndërprerjet në zinxhirët e furnizimit mund të parandalohen përmes diversifikimit. Kancelari gjerman theksoi se potenciali për bashkëpunim të barabartë global nuk ka qenë kurrë më i madh.
Këto forma të reja bashkëpunimi mund të japin gjithashtu një kontribut në mbrojtjen e klimës, "sepse shumë vende afrikane e shohin tranzicionin e energjisë edhe si shans", tha Scholz. Ai tha se u bind vetë për këtë gjatë një vizite në Afrikën Lindore. Kenia, për shembull, së shpejti do t'i bashkohet klubit ndërkombëtar të klimës - një iniciativë gjermane e G7 që po ecën përpara me zbatimin ambicioz dhe të shpejtë të Marrëveshjes së Parisit për klimën.
Kancelari Scholz tha se ka ftuar në Berlin shtetet afrikane më 20 nëntor për të promovuar iniciativën e G20 "Kompakti me Afrikën". Qëllimi i nismës është të stimulojë rritjen ekonomike në Afrikë dhe të krijojë stimuj për investimet e sektorit privat.
Edel Strazimiri / SCAN
Sondazh
Bursat europiane zgjerojnë humbjet - Investitorët presin PBB në Eurozonë për tremujorin e parë
Bursat europiane po qëndrojnë në rënie edhe në sesionin e sotëm, pasi investitorët kanë reaguar ndaj të dhënave ekonomike, fitimeve të korporatave dhe......
Dollari amerikan, nën presion - Ligjvënësit në SHBA, ende pa marrëveshje mbi tavanin e borxhit
Dollari amerikan po gjendet nën presion edhe në sesionin e sotëm, për shkak të rreziqeve për falimentimin e ekonomisë më të madhe në botë, pasi demokratët dhe......
Nafta, e qëndrueshme pranë 75 USD - Zjarret në Alberta të Kanadasë mbështesin çmimet
Nafta po tregtohet e qëndrueshme edhe në sesionin e sotëm, pasi Shtetet e bashkuara po planifikojnë të mbushin rezerva strategjike. Ndërkohë, çmimet po gjejnë......
Sërish rritje për Dollarin amerikan – Forcohen ndjeshëm edhe Franga dhe Paundi!
Dollari amerikan ka regjistruar sërish rritje mëngjesin e sotëm pasi krahasuar me ditën e hënë është blerë sot me 102.1 lekë dhe është shitur me 103 lekë sipas......
Cilët janë bashkitë, bastione historike të së djathtës, që u “thyen”
Procesi i numërimit të votave po vijon e ndërsa në rezultatet e para, numrin më të lartë të bashkive fituese, rezultojnë socialistët. Por duke bërë një......
Të paktën 20 kandidatë rikonfirmohen kryebashkiakë - Rezultatet në 35 bashki/ 11 u fituan nga PS, por me kandidatë të rinj, 4 nga BF
Të paktën 20 bashki, nga 35 ku ka përfunduar 100% numërimi i votave deri në orën 14:00 do të drejtohen nga të njëjtët kandidatë për 4 vitet e ardhshme. Sipas......
Nafta përballet me një 'problem serioz' deri në vitin 2024 - Goldman Sachs: Kapaciteti i prodhimit po mbaron!
Çmimet e naftës kanë regjistruar rënie gjatë muajve të fundit, por Goldman Sachs sheh një rikthim në horizont. Duke folur në prag të një konference në......
Pjesëmarrje e ulët në zgjedhje - Cilat nga qytetet votuan më pak dhe më shumë?
Të dielën e 14 majit që prej orës 07:00 të mëngjesit e deri në 19:00 të mbrëmjes, qytetarët iu drejtuan qendrave të votimit për të ushtruar të drejtën e votës......
