“Nota pozitive për aksionerët vendas të tregut bankar”. Guvernatori Sejko: Jemi surprizuar, është rritur kreditimi, ra huaja me probleme, kemi rritje ekonomike
Futja e aksionerëve vendas në tregun bankar ka sjellë rezultate surprizë sa i përket ritmeve të kreditimit, uljes së huasë me probleme, por edhe gjallërimit të ekonomisë së vendit. Përmes një komunikimi me mediat, Guvernatori i Bankës së Shqipërisë ka vlerësuar me nota mjaft positive performancën e sistemit banker pas përfshirjes së aktorëve vendas.
Në analizën që i bëri treguesve, Sejko përmendi se kreditimi shënonte ecuri anemike deri përpara pesë vitesh, për shkak se degët e huaja bankare në vend përballeshin me kufizime prej bankave mëmë apo autoriteteve evropiane.
Ai nënvizoi se rritja aktuale e kreditimit rezulton me normën vjetore 14%, në një kohë që sektori po kryen edhe rolin që i takon në zhvillimin e ekonomisë.
"Ndryshimi në strukturën aksionere solli një rritje të përqindjes së kapitalit vendas në sistemin bankar dhe fatmirësisht me ndryshimet e bëra, sistemi financiar, sistemi bankar ka pasur rezultate më pozitive që janë të dukshme e të matshme.
Futja e aksionerëve vendas na ka surprizuar për mirë, ne si bankë qendrore, por edhe realitetin ekonomik shqiptar. Kredia me probleme ka vijuar të bjerë, dhe kreditimi si një instrument për rritjen ekonomike ka vazhduar të rritet duke shkuar në nivelin 14% rritje me bazë vjetore. Mos harroni që para 5 vitesh kemi pasur një rritje anemike të kreditimit. Kjo edhe si pasojë se këto banka evropiane, pikërisht për arsye të kufizimeve qe atyre u ishin vendosur nga grupet apo autoritetet evropiane, ishin jo sa ç’duhej aktive dhe pothuajse nuk po kryenin rolin e tyre në ekonominë shqiptare.
Zëvendësimi i tyre me aksionerët e rinj me ambicie për të operuar, për t’u rritur e për të gjeneruar fitime për veten dhe tregun, bëri që kredia të arrijë në nivelin e rritjes 14%, gjithmonë duke pasur parasysh që jemi në një kohë krize. Bëri që mos përkeqësohen bilancet e sistemit financiar dhe gjithashtu norma e mjaftueshmërisë së kapitalit (që është një nga treguesit kryesorë me të cilin masim shëndetin e sistemit bankar) mbeti në nivele shumë të larta.
Mesatarja e normës së mjaftueshmërisë së kapitalit për sistemin bankar është 19%, krahasuar me 12%, që është minimumi i kërkuar nga Banka Shqipërisë. Pra, kemi një përvojë afatshkurtër rreth 5-vjeçare të ndryshimit strukturor të sistemit bankar dhe rritjes së peshës specifike të aksionerëve vendas në raport me aksionerët e huaj, e cila ka rezultuar pozitive deri tani" ka deklaruar Guvernatori i Bankës së Shqipërisë, Gent Sejko.
Sondazh
Njeriu që bëri 2 milionë dollarë gjatë kulmit të pandemisë: "Tani është koha perfekte për të investuar"!
Themeluesi i Outspoken Barstool Sports, Dave Portnoy, mendon se investitorët mund të humbasin mundësitë për të investuar në bursë nëse dominohen nga frika. Ai......
Fitch “zhvlerëson” Britaninë e Madhe - Ul perspektivën për vlerësimin në “negative”, nga “të qendrueshme”
Agjencia e vlerësimit Fitch uli perspektivën për borxhin e qeverisë britanike në "negative" nga "të qendrueshme", pak ditë pas një lëvizjeje të ngjashme nga......
Borxhi i SHBA kalon 31 trilionë dollarë! - Zyra e Buxhetit të Kongresit: Ekziston rreziku i minimit të besimit të investitorëve
Borxhi i SHBA kaloi 31 trilionë dollarë për herë të parë në historinë e saj dhe është një momenti tepër I vështirë, në një kohë kur situata fiskale e vendit......
“Europa mund të përballojë ngrohjen me gaz” - Kreu i IEA: Dimri i ardhshëm mund të jetë shumë i vështirë
Europa mund të përballojë muajt e ftohtë të dimrit me ndihmën e depozitave të mbushura me gaz natyror, pavarësisht nga një rënie në dërgesat nga ish-furnizuesi......
Nafta, pranë niveleve maksimale - Pasi OPEC+ vendosi të ulë prodhimin me rreth 2 milionë fuçi në ditë
Çmimet e naftës ju afruan niveleve më të larta trejavore të enjten, pasi një ditë më parë OPEC+ ra dakord të shtrëngonte më tej furnizimin global të naftës së......
Shqipëria nis tenderët kundër sulmit kibernetik - Institucionet, nxitim për rinovim licencash, aplikacion e simulim sulmi
Sulmi kibernetik ka bërë që institucionet të marrin masa për të testuar nëse janë prekur nga sulmi ose jo. SCAN TV ka marrë në shqyrtim tenderat e shpallur......
Tender sigurie për sistemin e regjistrit të adresave - 174 milionë lekë për implementimin dhe mirëmbajtjen e të dhënave
Në vazhdën e tenderave për krijimin e sigurisë nga sulmet kibernetike në portalet qeveritare, agjencia kombëtare e shoqërisë së informacionit është ndalur edhe......
Transporti, qarkullimin më të lartë në kohë krize - Kapërcim me 35 %, sektori i shërbimit rritjen më të ulët
Pavarësisht se po kalojmë një vit me çmime të rritura ndjeshëm, qarkullimi financiar në sektorët kryesorë të ekonomisë përgjatë 9-mujorit regjistron një rritje......
