Nisin në Berlin ministerialet përgatitore me vendet e Ballkanit Perëndimor!
Çështje të sigurisë së brendshme dhe të migracionit të paligjshëm do të jenë në fokus të konferencës së parë ministrore të Ballkanit Perëndimor të enjten, më 20.10. në Berlin. Krahas ministrave të Brendshëm të gjashtë vendeve të Ballkanit Perëndimor në konferencë do të marrin pjesë edhe përfaqësues të dhjetë vendeve të tjera pjesëmarrëse në Procesin e Berlinit, si Franca, Britania e Madhe, Italia, Austria, Sllovenia, Bullgaria, Polonia, Greqia, Kroacia, si edhe Çekia, si përfaqësuese e presidencës së radhës së BE-së, bëri të ditur të mërkurën në Berlin zëdhënësi i Ministrisë së Punëve të Brendshme gjermane, Maximillian Kail. E ftuar në takim është edhe komisionierja e BE-së për Çështje të Brendshme, Ylva Johannson.
Megjithëse konferenca zhvillohet në kuadër të Procesit të Berlinit, në fokus të saj priten të jenë flukset e migracionit të paligjshëm, me të cilat përballet aktualisht Gjermania. Rreth 400 imigrantë në ditë kapen nga Policia Federale gjermane duke hyrë në mënyrë të paligjshme në Gjermani, tha zëdhënësi i Ministrisë së Brendshme Kail. Sipas tij, shumica vijnë nëpërmjet Çekisë dhe Austrisë, kështu që ekspertët dyshojnë se këtu luan një rol të madh i ashtuquajturi Itinerar i Ballkanit. Autoritetet gjermane janë të mendimit se këtu luan rol edhe politika liberale e vizave të Serbisë ndaj 25 shteteve, për qytetarët e të cilëve BE kërkon viza.
Sipas zëdhënësit të Ministrisë së Punëve të Brendshme gjermane, shumë syresh kërkojnë azil në Gjermani, e cila vetë po përballet me një fluks të madh refugjatësh nga Ukraina: "Situata e refugjatëve në Gjermani është shumë e tensionuar. Mbi një milionë kanë ardhur nga Ukraina, prandaj edhe duam ta luftojmë fenomenin e migracionit të paligjshëm”, tha zëdhënësi i ministrisë. Sipas ministrisë gjermane të punëve të brendshme në takim do të flitet edhe për luftën kundër krimit të organizuar dhe korrupsionit.
Në fakt, shkaku kryesor i mbledhjes së ministrave të Punëve të Brendshme është përgatitja për Samitin e Procesit të Berlinit, që pritet të zhvillohet më 3 nëntorit në Berlin. Kancelari gjerman Olaf Scholz dëshiron që t'i japë një impuls të ri nismës së kancelares Angela Merkel. Procesi i Berlinit synon të avancojë afrimin e shteteve me BE-në, duke kontribuar në përmirësimin e situatës ekonomike dhe promovimin e marrëdhënieve të mira fqinjësore ndërmjet shteteve të Ballkanit Perëndimor.
Po në kuadër të Procesit të Berlinit, të premten, më 21.10. 22 do të zhvillohet, në të njëjtin format konferenca e ministrave të jashtëm. Sipas zëdhënësit të ministrisë gjermane të punëve të jashtme, Christofer Burger, takimi i ministrave të jashtëm ka të bëjë veçanërisht me marrjen e hapave konkretë për përmirësimin e bashkëpunimit rajonal në Ballkanin Perëndimor, veçanërisht me synimin për krijimin e një Tregu të Përbashkët Rajonal.” Tema të tjera përfshijnë sigurinë energjetike dhe axhendën e përbashkët të gjelbër. Dy tema këto që do të trajtohen edhe në ministerialin e tretë të ministrave të energjisë, në të njëjtin format, të hënën, më 24.10. po në Berlin.
Sipas burimeve të DW nga qarqe të ndryshme diplomatike, shpresohet që në këtë samit të arrihet progres për së paku tre prej katër marrëveshjeve të dakordësuara që në Samitin e Sofjes, në nëntor të vitit 2020: Lëvizja e lirë me karta identiteti e shtetasve të Ballkanit Perëndimor, njohja e diplomave të shkollave të larta, si edhe njohja e kualifikimeve për tri profesione, mjekët, stomatologët dhe arkitektët. Marrëveshja e katërt, e cila synon të rregullojë lëvizjen e lirë të qytetarëve nga vende të treta, por që janë rezidentë në rajon, sipas burimeve, ka nevojë ende për dakordësim.
Marrëveshja e vetme e dalë nga Procesi i Berlinit dhe që ka sjellë rezultate të dukshme, është ajo e heqjes së tarifave roaming mes vendeve të rajonit. Marrëveshjet e tjera kanë dështuar sidomos për shkak të faktit që dy vende të rajonit, Serbia dhe Bosnja-Hercegovina nuk e njohin Kosovën si shtet të pavarur. Paralelisht me konferencat në nivel ministror, po zhvillohen edhe një sërë aktivitetesh të tjera të shoqërisë civile. DW
E . S / SCAN
Sondazh
Dollari stabilizohet në nivele të larta - Shqetësimi kryesor për investitorët, inflacioni shumë i lartë
Dollari amerikan po qëndron në rënie të lehtë në sesionin e sotëm, përballë monedhave kryesore ndërkombëtare, por po qëndron në nivelin më të lartë në 32 vitet......
Bursat europiane zgjerojnë humbjet - Në fokus situata politike në Britani, Truss në presion për të dhënë dorëheqjen
Bursat europiane janë hapur në rënie edhe në sesionin e sotëm, për shkak të paqartësive ekonomike që po shoqërojnë tregjet. Indeksi pan-Europian Stoxx 600 e ka......
Nafta ngjitet në mbi 93 dollarë - Investitorët, të shqetësuar për furnizimin e tregut. SHBA do të hedhë naftë në treg
Nafta po qëndron në rritje edhe në sesionin e sotëm, duke zgjeruar fitimet e një dite më parë, pasi investitorët janë të paqartë në lidhje me ecurinë e......
Forcohen Euro dhe Dollari amerikan ndërsa Franga dhe Paundi shënojnë rënie!
Monedha europiane ka shënuar një rritje të ndjeshme të vlerës duke kapërcyer pragun e 117 lekëve për herë të parë në disa ditë teksa është blerë sot me 117.1......
The income from new construction reaches its highest peak — Which are the Albanian municipalities that doubled the revenue from the infrastructure tax?
New construction is the main supplier of local budgets in our country, and the first half of this year is considered to have achieved its peak regarding this......
Holanda do të tërhiqet nga traktati për mbrojtjen e investimeve në energji
Holanda do të ndjekë Spanjën në tërheqjen nga Traktati i Kartës së Energjisë për mbrojtjen e investimeve në këtë sektor, tha të mërkurën ministria e saj e......
Prodhuesit kinezë të çelikut në prag të falimentimit!
Kina aktualisht gjendet në një vend të pasigurt financiarisht dhe për më tepër, një pjesë e konsiderueshme e analistëve globalë financiarë dhe të aksioneve......
Projekti prej 20 milionë euro që do të testojë qëndrueshmërinë e energjisë së valëve në shkallë të gjerë në Europë
Një nismë prej 19.6 milionë euro (rreth 19.3 milionë dollarë) e përqendruar rreth komercializimit të projekteve të energjisë së valëve në shkallë të gjerë do......
