Ndryshon harta e kriminalitetit në Shqipëri/ Dibra është qarku më i sigurtë, Vlora rikonfirmohet me krimet më të larta
Të dhënat e publikuara nga "Prokuroria e Përgjithshme" për vitin 2023, tregojnë se krimi në vendin tonë është ulur. Koeficienti i kriminalitetit për procedimet penale të regjistruara, për 100,000 banorë në vitin 2023 është 872, ndërsa në vitin 2022 ky koeficient ka qenë 920.
"Scan Intel’’ ka analizuar shifrat për të kuptuar sesi paraqitet harta e krimit sipas qarqeve në vendin tonë. Të dhënat që na vë në dispozicion raporti vjetor i përgatitur nga "Prokuroria e Përgjithshme" rikonfirmojnë qarkun e Vlorës si qarkun me nivelin më të lartë të kriminalitetit në Shqipëri. Në këtë qark përfshihen prokuroritë e shkallës së parë Vlorë dhe Sarandë dhe koeficienti i kriminalitetit për 100.000 banorë është 1,301.
Ky nivel i lartë i kriminalitetit ndiqet nga qarku Lezhë, i cili përfshin Prokurorinë pranë Gjykatës së Shkallës së Parë Lezhë dhe vlera e këtij koeficienti është 1,209. Në vendin e tretë renditet qarku i Gjirokastrës me koeficient të kriminalitetit për 100,000 banorë në 1,154. Ndërkohë, qarqet Tiranë dhe Durrës ky raport i paraqet së bashku dhe koeficienti i kriminalitetit në këto dy qarqe vlerësohet të jetë 917 për 100,000 banorë. ''Listës së zezë'' i bashkohet edhe qarku i Shkodrës me koeficient kriminaliteti 844 për 100,000 banorë.
Nga ana tjetër, qarqet si Kukësi, Korça, Fieri dhe Berati paraqiten me nivel më të ulët kriminaliteti. Konkretisht, në qarkun Kukës, i cili përfshin Prokurorinë pranë Gjykatës së Shkallës së Parë Kukës, koeficienti i kriminalitetit për 100,000 banorë është 797. Qarku Korçë, që përfshin Prokurorinë pranë Gjykatës së Shkallës së Parë Korçë, ka koeficient kriminaliteti në 809 për 100,000 banorë. Në qarkun e Fierit koeficienti i kriminalitetit për 100,000 banorë është 758 dhe në qarkun Beratit ky koeficient është 672.
Nga ana tjetër, ky raport paraqet si qarqe më të sigurta Elbasanin dhe Dibrën. Në qarkun Elbasan, që përfshin Prokurorinë pranë Gjykatës së Shkallës së parë Elbasan, koeficienti i kriminalitetit për 100,000 banorë është 593, ndërsa në qarkun Dibër, që përfshin Prokurorinë pranë Gjykatës së Shkallës së Parë Dibër dhe Mat , koeficienti i kriminalitetit për 100,000 banorë është 523, duke u klasifikuar si qarku me nivelin më të ulët të kriminalitetit.
Sondazh
Profili i të pandehurit shqiptar/ Mashkull, pa arsim të lartë, i papunë, jeton në qytet dhe nuk është dënuar më parë
“Scan Intel” herë pas here vjen me krijimin e një identiteti hipotetik të një grupi të caktuar, bazuar në statistikat zyrtare në vendin tonë. Këtë herë, do......
Kostot e ushqimit, Shqipëria nën mesataren e BE-së/ Zarzavatet "nxitën" rritjen. Importi i tyre prek kulmin
Lufta në Ukrainë rezultoi një “kërcënim” sa i përket çmimeve dhe sidomos për produktet e shportës. Grupi i ushqimeve udhëhoqi normën e inflacionit për muaj e......
A preket ekonomia shqiptare nga konflikti në Lindjen e Mesme? Alarmi për stabilitetin e çmimeve, “cënohen” hidrokarburet
Vitet e fundit, tensione të përshkallëzuara deri në sulme kanë bërë që rendi politik, por edhe ai ekonomik të jetë i pasigurt. Ndërsa bota po i rikthehej disi......
Pse Shqipëria po e ndryshon skemën e pensioneve pas 10 vitesh? Përpunimi i shifrave, çfarë solli skema e miratuar në vitin 2014-të
Shumë shpejt do të aplikohet një skemë e re për pensionet por edhe për mbrojtjen sociale në tërësi. Duke qenë se reforma e bërë në vitin 2014-të e ka mbyllur......
Shqipëri vs Europë, si ndryshuan shpenzimet? U shpenzua më pak për ushqim dhe më shumë për restorante dhe hotele
Familjet shqiptare mbajnë rekord në Europë sa i përket peshës që zënë ushqimet dhe pijet jo alkolike në shpenzimet e tyre, por janë të fundit për shpenzimet në......
Kush i zotëron bankat në Shqipëri? Rreth 55% e tyre "nën kontrollin" e kapitalit nga vendet e BE-së dhe Turqia
Bankat luajnë një rol kritik në zhvillimin dhe funksionimin e ekonomisë së një vendi. Roli kryesor i tyre është të mbledhin depozita dhe të ofrojnë kredi. Ky......
A ka mbaruar “beteja” kundër çmimeve në Shqipëri? RBI: Jo! Turizmi dhe tregu i qëndrueshëm i punës do të nxisin inflacionin
Institucioni kërkimor “Raiffeisen Research”, i cili ofron një pasqyrë të plotë mbi tendencat aktuale ekonomike, tregon përmes një publikimi se beteja e......
Shqipëria "shkëlqen" në sytë e botës/ Indeksi i Fuqisë së Butë: Jemi vendi i dytë me rritjen më të madhe në nivel global
“Brand Finance” ka publikuar së fundmi studimin në kuadër të “Fuqisë së Butë” (Global Soft Power Index, 2024). Koncepti i fuqisë së butë ka të bëjë me......
