Mete në takimin BE-Ballkani Perëndimor në Malin e Zi: “Brenda verës miratojmë instrumentat e Planit të Rritjes në Parlament"
Ministri i Financave, Ervin Mete mori pjesë sot në takimin e Ministrave të Financave dhe atyre te Çështjeve Evropiane të Ballkanit Perëndimor në Kotor të Malit të Zi, “Një rajon, vizion i përbashkët”. Në këtë takim i cili mbahet një ditë para Samitit të Liderëve Rajonalë u diskutua për Planin e Rritjes dhe masat konkrete që synojnë përshpejtimin e konvergjencës ekonomike të rajonit me Bashkimin Evropian.
Ministri Mete në fjalën e tij u shpreh se procesi i miratimit të Planit të Rritjes brenda BE ka ecur me ritme të shpejta dhe se tani do të kontribuojë për të përshpejtuar reformat dhe rritur konvergjencën mes vendeve të Ballkanit Perëndimor dhe BE-së.
“Plani i Rritjes ka krijuar një moment reformash. Tashmë jemi në fazën e dakordësimit final të masave të këtij Plani dhe instrumentat financiare qe lidhen me të priten të kalojnë në Parlament brenda verës.”
Ministri theksoi se Shqipëria është në një fazë të përparuar sa i përket anëtarësimit në Zonën Unike të Pagesave në Euro (SEPA), ku rezulton ndër vendet e para në rajon që ka dërguar tashmë para-aplikimin dhe po përgatitet të aplikojë zyrtarisht në muajin qershor. Gjithashtu, Ministri Mete vlerësoi mundësitë e ofruara nga BE përmes Planit të Rritjes, ku qytetarët e vendeve të Ballkanit Perëndimor pritet të përfitojnë një sërë lehtësish dhe masash konkrete, përpara se të behen anëtare te BE-së.
Drejtori i Përgjithshëm i Drejtorisë së Zgjerimit në KE, Gert Jan Koopman, vlerësoi progresin e bërë nga vendi ynë dhe vendet e tjera të Ballkanit Perëndimor në procesin e integrimit, ndërsa theksoi se Plani i Rritjes përfshin një set reformash ambicioze dhe sfiduese për rajonin. Ai inkurajoi vendet e Ballkanit Perëndimor të vijojnë me ritmin e lartë të reformave, duke theksuar edhe njëherë mbështetjen e Komisionit në procesin e integrimit.
Sondazh
Denaj në Konferencën e FAO: Dixhitalizimi dhe inovacioni në bujqësi do të rrisë cilësinë dhe prodhimin në vendet tona
Ministrja e Bujqësisë dhe e Zhvillimit Rural, Anila Denaj, mori pjesë në Konferencën së 34-t Rajonale të FAO-s, që po mbahet në Romë nga datat 14-17 maj......
Rreziqet për ekonominë shqiptare - BERZH: Thatësira mund të ndikojë në bujqësi dhe energji
“Banka Europiane për Rindërtim dhe Zhvillim” (BERZH) ka mbajtur të pandryshuar projeksionet për rritjen ekonomike të Shqipërisë këtë vit, pranë 3.3% thuhet në......
Pensionet private, investuan 38 mijë persona - Shtohet interesi i shqiptarëve për t'u bërë pjesë e skemës
Përveç pensionit shtetëror, shqiptarët po drejtohen gjithnjë e më tepër në skemat e pensionit privat. Rritja e kostove të jetesës dhe vlera e ulët e masës së......
“Pensionet me Greqinë, brenda 6 muajve nëse ka vullnet politik” - Etmond Guri: Është në interesin e Greqisë të finalizojë marrëveshjen sa më shpejt
Me firmosjen e marrëveshjes me Italinë, për njohjen reciproke të viteve të punës për efekt pensioni, sytë janë kthyer nga Greqia. Etmond Guri, përfaqësues i......
Rivlerësimi i pronave “çliron” tregun e pasurive - Gjoka: Pritet rritje e transaksioneve, reduktohen pagesat cash
Një fushatë tjetër e rivlerësimit të pasurive në vend me normë tatimore 3 % pas asaj të ndërmarrë në vitin 2020, do të sillte ndikime pozitiv në tregun e......
OSHEE, plan të ri për reduktimin e humbjeve në rrjet - Synohet të arrihet në 17.93%, 0.57% më shumë se plani i qeverisë
Operatori i Shpërndarjes së Energjisë Elektrike synon uljen e humbjeve të energjisë në rrjetin e shpërndarjes, në 17.93%, deri në fund të këtij viti. Ky target......
80 projekte në arsim, trashëgimi kulturore dhe ekoturizëm - Granoff: Projektet e Fondit Shqiptaro-Amerikan kanë prekur çdo qytetar
Në 15 vite aktivitet në Shqipëri Fondacioni Shqiptaro-Amerikan për Zhvillim (ADDF) ka pasur një angazhim financiar prej 120 milionë dollarësh, me një portofol......
Sa prona u rivlerësuan ndër vite? - Vrojtimi/ Nga procesi i fundit përfituan 110 mijë familje në të gjithë vendin
Vendi mund të ketë së shpejti një proces të ri rivlerësimi të pronave, pasi në Kuvend është depozituar nisma ligjore për rivlerësimin e pasurive të......
